كلام مهم ولازم يتقال ويوصل

[dr.monalizaa]

السلام عليكم ورحمة الله

أولا أحب بس ان الكلام ده يوصل لادراه الكلية بأي شكل عشان وصوله مهم

مبدأيا درجات الدفعة بشكل عام في الترم الاول كانت كويسة الى حد ما
وده طبعا ما ينسيناش ان فيه ماده اترفعت الدفعه كلها فيها عشان امتحانها كان سيء ..وده ترم أول
لكن لما نمتحن الترم التاني في آخر سنة ويبقى شكل الامتحان كده ؟؟؟ ده يدعو للتساؤل فعلا
ياما انتو بتحبونا زياده عن اللزوم وعاوزنا نفضل معاكو شويه كمان وده مرفوض
او مصرين نطلع من الكليه واحنا كارهينها اوى وده انتو نجحتو فيه على مدى سنين

امتحان الابلايد كان عجيب حقيقي ..وامتحان البابليك كان فيه أسئله من خارج المنهج

مسج بس للادراه وياريت يوصل ..
انا عن نفسي مش هروح الكليه بعد يوم 30 غير مرة عشان اخد شهادتي ..
اكتر من كده معرفش عشان فعلا كده كتير
راعونا في التصحيح لان مكانش فيه مراعاه في وضع الامتحانات خالص


وشكرا

[dr moory]

لو كان فيه لايك كنت عملت1000 لايك

[محمد فهمي]

ماهوا الواحد لما يفكر بعقله في الموضوع ده هيتعب الحقيقة ومخه هيتلحس....

* الترم الأول الدرجات وحشة.......منطقي الترم التاني يبقي الإمتحانات معظمها حلو علشان ترفع اللي وقع ده وتوزن التقدير وكله بالأصول..مقلناش الإمتحان يجي فوضوي..

* توزيعة درجات الأجزاء غير منظمة وأجزاء كبيرة لاتأتي تقريبا كاملة زي اللي حصل في جزء البابلك..دي بقه تتوزن ازاي!!....ميقولوا الجزء ده ملغي لو بنمشي بالبتاع اللي موجودة داخل الجمجمة ده..

* دي آخر سنة...المفروض يعني انسانيا نطلع واحنا راضيين...مافيش مراعاة للنفسية حتي..

* المفروض رابعة بنسمع عنها إنها سهلة جدا ودرجاتها بترفع التقدير العام زي اللي حصل السنة اللي فاتت كده..وشكلها في دفعتنا هي الي هتجيب التقدير أرض أرض!!!

نستنتج مما سبق أن:
يبقي ممنوع استخدام الشيء الموجود داخل الجمجمة والمعروف بإسم: المخ....لأن الأمور مش موزونة، وكل قسم ماشي بدماغه ومافيش سياسة موحدة للكلية وده واضح!!....
وكل قسم هوا ومزاجه بقه...يبقي نكرر مرة تانية ممنوع استخدام للعقل والمنطق لأن الكل يتبع هواه وسياسته الشخصية..

[محمد فهمي]

الحمد لله
الحمد لله

[dr/asmaa_resala]

الظاهر ان كل الدكاترة تقريبا طلعوا بيعزووونا جدااا وعشان كده بينتقموا مننا وبيسيبوا علينا علامة قبل مانخرج

[Rooose]

أنا بس صعبان عليا تعبنا وسهرنا واحنا بنجاهد عشان نحشي دماغنا بالمناهج الطووووويلة اللي تفلق واللي مهما زاكرنا فيها مش بتخلص وبعد ده كله وبعد العذاب ده ندخل نلاقي امتحان زفت ونحس ان تعبنا راح في الارض..
غيرنا في صيدلة برده وفي الجامعات التانية مرتاحين عناا جدا وبيتخرجوا دكاترة برده ..
نحسب ده كله عند ربنا ..
بس بجد انا مش مسامحة أي حد ظلمني في الكلية دي ..

[menamff]

كلام مظبوط انا نفسى فعلا يوصل للاداره....البابلك والابلايد اسوء امتحانيين نزلوا...انا فعلا هتخرج كاره جدا الكليه دى كره بجد

[marooo]

عندى امل كبيييييييييييييييير قووووووووووووى ان الكلام ده يوصل للاداره بس املى الاكبر فى ربنا بأذن الله يوم النتيجه واحنا كلنا مبسوطين مش عشان نجحنا لا ده عشان الكليه اول مرة تعمل حاجه تفرحنا

[Scofield]

بسم الله الرحمن الرحيم


كعضو اتحاد و بالنيابه عن باقى اعضاء اتحاد رابعه ..........

ان شاء الله الكلام ده هيوصل للاداره سريعا باذن الله

[الطائر الحزين]

هو بصراحه ياجماعه بجد ومش عاوز حد يزعل منى انا كنت معاكم سنتين ونص وكنت مع الدفعه اللى قبلكوا سنتين ونص برضه
وعلى فكره كان تاجيل لظروف خاصه مكانتش شايل او خلافه
من حيث الامتحانات الدفعه اللى قبلكوا كان بيجيلنا برضه امتحانات تقيله مع اننا كنا اكثر احتراما من الدفعه دى مع الدكاتره واللى كان رافع نسبه الاوائل عندنا مكانش الامتحان كان لان الدفعه فيها اولاد دكاتره كتير واظن دى حاجه مفهومه
ممكن ان نتيجتهم علت في تالته ورابعه بس برضه كان نفس الدكاتره اللى بيدوا نفس المواد اللهم الا دكتور طارق في الفارما اللى مدناش
وبرغم كدا اكتر تقديرات جبتها كانت وانا معاكم
واظن انكوا عارفين ان كليه صيدله المنصوره من اغلس كليات الصيدله اللى موجوده على مستوى الجمهوريه
هى اخر سنه لينا وخلاص معاتش غير اربع تيام و نخلص الكليه بحلوها بمرها بغلاستها وباحلى ايام قضنيها فيها
ملهاش لازمه نعمل مشاكل اللى حصل حصل ومفيش حاجه هتغيره
والمشكله كانت مع دكتور او دكتورين
دكتور جوهر وعارفين انه هيعمل كدا من مواقف الدفعه معاه ودكتور رمضان معروف ان دى طريقه امتحاناته مش اول مره نجربها
ومن حيث نتيجه الترم دا مش هنقلق من حاجه باذن الله رابعه بالذات غير اى سنه نتيجتها لازم تكون عاليه وكل سنه بيبقي النجاح فوق ال 95%
ولو موصلش لكدا لام النتيجه بتترفع حتى لو الدكتور جاب الامتحان صعب او الدفعه محلتش الانيجه بتترفع ودى بتبقي مشكله للدكتور مش للطلبه خلونا نفرح باننا خلصنا باذن الله ونبدا نفكر ازاى نحتفل بدا مش ازاى ننكد على نفسنا
انا على فكره بعد كل دا مع اننا اتظلمنا برضه بص خلاص اللى حصل حصل