إهـــــداء .. ( بقلمي )

[M.Hegazy]

النهاردة عيد ميلاد شخص ، كان عزيز عليا ، كان أقرب حد ليا ، و أغلى الناس ..

عيد ميلاد خطيبتي .. بقولها : " كل سنة و إنتي طيبة ، و يا رب يجعل أيامك كلها سعادة و هنا ، و يوفقك للخير فيما ما تكوني يا رب " ..

و بهديها الأبيات دي :

مناسبة كانت بتجمعنا سوى زمان ..

ميلاد روحي ،،

ميلاد قلبي ،،

عيد ميلادك هوا عيدي أنا كمان ..

فرقنا الهوى ،، و بعدت بيننا المسافات ..

و خلص الحب و انطوى مع الصفحات ..

و حتى الإحساس الصافي البريء مات من سكات ..

و بقينا كل واحد في مكان ..

صحيح البعيد عن العين بعيد عن القلب ..

و مهما جرى لا يمكن هنبطل في يوم نحب ..

ده القلب دقاته مشاعر ..

و دموع العين هيا الإثبات ..





14 - 6 - 2012

[same7]

اعيط دلوقتى


مش عارف اقول ايه غير ان الحب احساس ميتوصفش وعمره ما بينتهى

تحفه احساس الاهداء

[rose smile]

انا بقى عيطت مش لسه هسال اذا اعيط ولا لاء
دوك رغم انه تطفل منى
ليه يادوك مترجعوش لبعض؟

[قطر الندى]

بجد مؤثرة جدااااااااااااااااا
يا دكتور واحساس صادق ،بجد مش عارفة أقول ايه
بتمنى لحضرتك التوفيق والسعادة الدائمة ،حضرتك تستاهل كل خير

[Aya Farouk]

كل سنة وهى طيبه

[محمد فهمي]

تعيش وتفتكر ياحبيبي ذكرياتك الجميلة..
وجميلة كلماتك..
ربنا يكرمك يارب..

[same7]

تعيش وتفتكر ياحبيبي ذكرياتك الجميلة..
وجميلة كلماتك..
ربنا يكرمك يارب..

ده انت داخل تعزى بقه
يعنى الراجل فى اخر مراحل الشحتفه
تقوله كده

اعمل فيك ايه
مش شايفنى مرضتش اظبطه فوق

اطلع بره يا مخربش يا قاسى

[M.Hegazy]

اعيط دلوقتى

لا يا حبيبي .. مقدرش على عياطك ..

مش عارف اقول ايه غير ان الحب احساس ميتوصفش وعمره ما بينتهى

هوا مبنتهيش فعلا ، و مبيقفش على حد .. لأنه ملوش حد ..

تحفه احساس الاهداء

أحبك و إنتا هادي و راسي و كلامك موزون كده ..

نورت يا عم سامح ..

انا بقى عيطت مش لسه هسال اذا اعيط ولا لاء

ليه بس يا افندم .. مكنش ده الغرض أبدا إن الناس تعيط ..

دوك رغم انه تطفل منى
ليه يادوك مترجعوش لبعض؟

مينفعش يا دوك .. الموضوع منتهي من زمان .. و ذكري لها أو أي شيء يخصها .. فيه عزاء لنفسي .. و مش عشان زي ما ناس كتير مفكرة إني لما بجيب سيرتها فده عشان أنا مشتاق لها أو لسه بحبها ..

الموضوع مغلق .. و انتهى و كل حي راح لحاله ،،

بجد مؤثرة جدااااااااااااااااا
يا دكتور واحساس صادق ،بجد مش عارفة أقول ايه
بتمنى لحضرتك التوفيق والسعادة الدائمة ،حضرتك تستاهل كل خير

شكرا يا دوك ندى .. كلام حضرتك بلسم و الله .. و جميل جدا .. بأشكرك عليه مليون مرة ..

كل سنة وهى طيبه

المفروض هيا اللي ترد بقى ..

تعيش وتفتكر ياحبيبي ذكرياتك الجميلة..
وجميلة كلماتك..
ربنا يكرمك يارب..

ده انت داخل تعزى بقه
يعنى الراجل فى اخر مراحل الشحتفه
تقوله كده

اعمل فيك ايه
مش شايفنى مرضتش اظبطه فوق

اطلع بره يا مخربش يا قاسى

يللا يا ابني إنتا و هوا .. ده مكان أكل عيش ..

واحد جاي يعزيني و التاني عمالة بيقطع فيا ..

[moh_2010_ph]

كل سنة وهي طيبة يا حجاز ي ..
والدنيا أكيد لا تبقي علي حال .. ولكن بالدعاء ممكن نقرب المسافات ..
ربنا يرجعكم لبعض تاني .. يا حجازي ..

[* lovely heart *]

جمييييييييييلة جداااااااا يادكتور
واجمل مافى التوبيك فكرته
يبقى حد متذكر شخص ما فى كل مناسباته
حاجة جميلة جدااا يادكتور وكفاية الاخلاص بس
ربنا يوفق حضرتك دايما يارب