قلنا عملت اية في الامتحاان؟؟

[XFady]

السلام عليكم
عايزيين كل واحد يدخل يقلنا راية اية الامتحان و عمل اية في الشفوي و كدا

[XFady]

السلام عليكم


أخبار الدفعة أية؟؟؟


امتحان الفيتو كان امتحان عظيييييييييييييم
لو انى عارف ان نص الدفعة هاتعك برضة في الامتحان(زيي كدا)

جزء الدكتور عطا الله
و كما توقعنا الامتحان جه للطالب الفاهم اوي
بس كان طويل يعنى اتوقع ان كل كلمة هايكون عليها نص درجة
لأنى حاسس انى كتبت 84 حاجة يعنى 84 معلومة (أل يعنى حليت الامتحان كله)
فمع ان الامتحان سهل الا ان استرجاع المعلومات بياخد وقت و التركيز كمان

فصل mixtures جه مباشر تماما ومن الكتاب (الحمدلله)

الجزئية بتاعت ترتيب المركبات حسب القلوية في سؤال الدكتور عطاالله
كل واحد حللها شكل
باين الناس كلها حلتها غلط Fatal mistake و والله المفروض ان اللى يغلط فيها يرجعوه اعدادي يدرس كيمياء
(و النبي لو حد راح ياخدني معاه)
(وبالمناسبة بنشكر الدكتور على الحركة الجامدة بتاعة تنزيل المحاضرات على المنتدي
ياريت كل الدكاترة ينزلوا مناهجهم على النت زى حضرتك كده وده الاسلوب الوحيد اللى هيقضى على الكورسات والمذاكرة من ورق الكورسات . المشكله ان الدكاترة بيرفضوا يعطوا لنا الباوربوينت ده والمشكله الاكبر ان الكتب غير الباوربوينت خالص مع ان نفس الدكاتره هم اللى كاتبه ده وده لكن ليه الفرق ده مش فاهمين . )




جزء الدكتور فريد
جه من جزء الدكتور جلال (مش عارف اية الفكرة في فصله لجزء خاص)
بس اهو 6 درجات من الهواء

جزء الدكتور جلال
جه نصه بالنص من الشيت
وبصراحة كالمتوقع محلتش كويس في الجزء دا مع انى ذاكرته
ماتوقعتش ان حاجة هاتيجي من الشيت

فصل الكارفون و البيبرتون ماعرفش دي فين في المنهج (طلعت مالقتهاش حتى)
الناس قالت بالH2S احنا عندنا انه بيرسب الكارفون بس ماعندناش انه مش هايرسب البيبرتون الناس سألت الدكتور قال انه مش هايرسب لانه ماقلش ان البيبرتون هايرسب (بس هو ماقلش انه البيبرتون مش هايرسب) حد فاهم قصدي !!!

و الفقرة بتاعة ال300 و الحل 7.5 الدكتور قال لازم تكتب التميز انه 7.5 ملي مش 7.5 بس
طبعا انا ماعملتش التمييز لأنه ماجاش في دماغى انه هو دا المطلوب لأن لو حد في الدنيا اعتقد ان الزيت هايتقاس بالجرام المفروض الدكتور يرفدة من الكلية

نيجي للملاحظات على الامتحان
اولا انا والله زعلان من الدكاترة
ازاى الامتحان بالكامل مايجيش فيه ولا Origin هو احسن اكيد
بس لو كنا عرفنا كنا ريحنا نفسنا من حفظ التربتيتاا فاملي مانخوليا

ثانيا الشفوي اتظلمنا فيه جدا
احنا كنا فاكريين ان فيه دكاترة من الخارج علشان كدا اجلوا الشفوي تانى يوم
لكن الدكاترة كلهم من القسم يبقى ليه مامتحناش في نفس اليوم او حتى نص الدفعة
انا تانى يوم جيت الساعة 10 والدكاترة كلهم كان بيطولوا جدا انا دخلت الشفوي الساعة 4 العصر ( وياريت اخدت درجة كويسة)

اتمنى ان باقى المواد مايحصلش فيها كدا والا هانيجي البيو يوم الجمعة

الاشاعات المتداولة
انا سامع ان التصحيح حلو جدا
و ان الدكاترة بيحبونا حب لا متناهى
لدرجة ان الدكتور عطالله قال ان كل سؤال فيه 7 فقرات لو حليت 6 تاخد الدرجة النهائية
و الدكتور جلال بيصحح الامتحان من 40 مش من 32 و بيتغاضي عن الاخطاء الصغيرة حتى موضوع المللى
اما الدكتور فريد فيه ناس بتقول انه طيب جدا و بيدي درجات كويسة خالص
و ناس بتقول انه لما يلاقى حد حالل غلط يقول "يعنى انا اديتهالك و الدكتور جلال ادهالك و كمان حاللها غلط طب صفر"

درجات الشفوي :
ترسخ عند الطلبة ان احسن دكتور هو الدكتور الكبير العلامة فريد بدرية
سهولة الاسئلة سرعة الاداء حسن الدرجات
طلعا محدش شاف الدرجات لكن الصيت ولا الغني (ربنا يخليك للغلابة يادكتور)


معلش طولت عليكم
ياريت لو حد من اوائل الدفعة شاف المشاركة بتاعتى مايعلقش


اتمنى حظ احسن لكل الدفعة الامتحانات الجاية

[XFady]

امتحان الرسم اسف قصدي البيو

انا فعلا مش عارف اقول اية؟؟
المشكلة ان المنهج سهل جدا جدا جدا بس مش عارف الامتحان جه كدا لية
الامتحان للطالب الحافظ بس
الطلبة كلها طالعة بتضحك اية دا الامتحان كان كله ارسم حتى الفيتامين امال الترم التانى في السيكلز هانعمل اية
الحمدلله انا حليت كويس بس كان نفسي الامتحان يجي احسن من كدا

ولازم نشكر الدكاترة ان أغلبهم وفرنا محاضرات البروجيكتور على موقع الكلية (ربنا يخليكم)
*************


سؤال الفيتامين
الفيتامين جه 8فقرات 5منهم رسم مركبات تصور 5فقرات من ال8 رسم وفقرة واحدة بس سألت عن وظيفة فيتامين (علشان تقتنعوا ان اهم حاجة الحفظ)

اول فقرة عايزك ترسم تانى اطول مركب في المنهج حمض الفوليك
ثوانى أفرجكم عليه



تنزل فقرتين تلاقي السؤال طالب اطول مركب في المنهج
مش طالب فيتامين أ لأ طالب المركب اللى بيجي منه فيتامين أ يعنى المركب اللى اطول منه


متتخضش هي دي الرسمة اللى مطلوبة بالظبط

************************************************** *****

انا بأكره نوعين من الاسئلة

الاسئلة المجمعة
زي سؤال ارسم مركب عالى الطاقة
و يكون سؤال بدرجتين اسم المركب بدرجة و الرسم بدرجة
ولأن ناس ماتخدش بالها ان المركب هو الATP فيضيع منه درجة رسم المركب السهل

و أسئلة الاختيار من متعدد مع امكانية وجود اكتر من اجابة
و دا اكتر سؤال يضيع و قت لأنك المفروض تقرأ الاجابات كلها و تحكم عليها
غير كدا ان تصحيح النوعية دي سئ جدا
لأن التصحيح امريكي يعنى الاجابة الخطأ تشيل اجابة صح

لأن اجابة صح + غلط = صفر
اجابتين صح + غلط= واحد صح

المهم ان الامتحان نصه جه كدا
*****************




نرجع نجيب الامتحان من الاول
سؤال الكربوهيدرات
احسن سؤال
مش لأن الاسئلة سهلة ولا متنوعة و مغطية جميع اجزاء المنهج و لا انها مباشرة
لكن لأنه المفروض يتحل في 24 دقيقة بينما انتا ممكن تحله في 10 دقائق
خد بالك ان اهم حاجة عامل الوقت
السؤال الاول جة مصطلح علمي 8درجات
و التانى كله رسم فقط 8 درجات
و بنشكر الدكتورة على الواجب الجامد اللى عملته معانا في السؤال
*******************



الدكتور / احمد ربيع
هنا العكس
الاسئلة مباشرة جدا و من صلب المنهج لكن المطلوب
رسم 11 مركب من المركبات الكبيرة و ذكر الفرق بينهم في 18 دقيقة
السؤال دا عايز على الأقل 30 دقيقة للرسم و 15 دقيقة لكتابة الاختلافات خد بالك الدتور مش عايز difference لأ differences
و هو دا اللى ضرب وقت باقي الامتحان
دي عينة من المركبات اول 3 من ال11



*****************************



سؤال الدكتور ممدوح
اكتر الاسئلة تنوعا
سؤال اختياري من الاسئلة اللى انا بأكرهها
اختيار من متعدد مع امكانية و جود اكتر من اجابة
مع تعليل الاجابة كمان

يعنى انتا لو مش حافظ و عايز تطبق الفهم بس هاتخد ساعة في الفقرة دي
لأنك في سؤال زي

amino acid found in exterior part of globular protien
1trp ,2tyr ,3leu, 4pro ,5ala ,6phe , 7met

لازم تشوف كل واحد من السبعة دول هاينفع و لا لأ
و لما تطبق الكلام دا على السبعة اختيارات و تختار
تكتب سبب اختيارك للتيروسين مثلا

هايكون راح منك على الاقل 3 دقائق ودي فقرة واحدة من6 فقرات في جزئية من 3جزئيات لسؤال واحد المفروض يتحل في 24 دقيقة
بينما انتا لو حافظ و مريح نفسك هاتلاقي ان الفقرة دي جت في الورق بالنص انه التيروسن
(زي واحد زميلي بيجيب جيدجدا قالي احنا زمان كانوا بيقولوا ان اللى فاهم يحل اسرع من الحافظ لكن الكلية هنا الحافظ هو اللى بينجز فماتتعبش نفسك و تحاول تفهم)

جزئية المقارنة ممكن تكتب فيها صفحتين او سطرين المطلوب مش محدد

الجزء التالت هو النوع التانى اللى انا بأكرهه
اتعرف و ارسم اللى انتا عارفته
فقرة زي

ammino acid--essential --- neutral ---nonpolar---side chain contain heterocycle

انتا بقى تقعد تعدد الامينو الضروري
و تشوف مين من العشرة متعادل
و بعدين فيه حلقة هيتيرو
و مايكونش قطبي
و لما تعرف انه التربتوفان--- تاخد نص درجة و بعدين ترسمه تاخد نص درجة
وكدا لباقي الخمسة فقرات

توزيع الدرجات الفقرة الاولى 1.5*6 التانية 2 التالتة 5*1 =16 درجة
خد بالك أهم حاجة ان السؤال المفروض يتجاوب في 24 دقيقة بس
************************



سؤال الدكتور عبدالله موافي
للأسف مش هاقدر اتكلم على السؤل دا
مكتوب السؤال في 30 دقيقة و طبعا دا وقت وهمي لأن بعد كل اللى الواحد عمله و رسمة مفيش 30 دقيقة
بس الحمدلله الدكتور كان قلنا ان الجزء بتاعة هايجي زي السنة اللى فاتت
فكنا متوقعين السؤال و ذاكرنا على هذا الاساس
بس ضيق الوقت و السؤال عايز تركيز
ومع ان الواحد كان مذاكر الكورس دا كويس
الا انى حاسس انى مش هاجيب فيه درجات
لأنه تم التأكد ان التصحيح لكل فقرة تصحيح امريكي الغلط يشيل الصح
*************************


الامتحان خلص الحمدلله
و انا بأحيي كل الناس اللى قالوا ان الترم الاول اسهل كتير من الترم التانى لن التانى كله حفظ
بس على الاقل انا هابقى عارف انه حفظ

اما الشفوي فكالعادة كان تانى يوم اللى هو الجمعة
و اللى هايجي بعد الساعة 10 مش هايدخل و دخلنا الساعة 4.30
لأن الدكاترة امتحنوا لحد 11.30 بعد كدا الجمعة
بعدين نص ساعة معاد الغداء

الطلبة كلها كانت بتسأل احنا لية اللى عمل الجدول ماعملش الامتحان يوم الجمعة و خلاص
كنا امتحنا الساعة 9 الصبح و الشفوي الساعة 11 زي ما تانية هاتمتحن عقاقير الاسبوع الجاى يوم الجمعة
احنا مظلومين جدا في موضوع الساعة 12 دا و الشفوي تانى يوم على طول
بس محدش بيقدر الطلبة كالعادة
ولما كلمنا دكتور قاللنا احنا كنا زمان بنمتحن كل يوم
دا انتم مدلعيين اخر دلع

المهم هانشد حلنا ان شاء الله الترم التانى و مستنيكم في الصيدلنيات

[Alaa_Resala]

شكرا دكتور فادي على النقل الحي للامتحانات لحظة بلحظة

ومش هقول غير كلمة واحدة

حسبي الله ونعم الوكيل

لأننا فعلا مظلومين

بس ندعي ان الصيدلانيات يكون الشفوي فى نفس اليوم لأن الفارما مش مستحملة أى تأخير

الواحد خلاص حاسس انه ضاع

[Drugs]

rabena yekon fe el 3on ya dakatra isa te3ado we nenga7 isa

[XFady]

السلام عليكم
ربنا يوفقك يا Alaa و انتا يا Drugs
شدوا حيلكم و ان شاء الله تعدوا السنة دي على خير

تم تأكيد خبر تصحيح الفيتو من الدكتور الكبير جلال معتوق
جزء الدكتور فعلا اتصحح من 40
السؤال الاول من 4درجات
درجتين على فصل الmixture على مرتين مرة لازالة الايثانول بالماء و التانية بالNaOH
درجتين على الحسبة بتاعة 30%
السؤال التانى ب6 درجات الواحدة بدرجة
السؤال التالت ب10 درجات أول 3 الواحدة بدرجتين و الاخيرة ب4 درجات
السؤال الرابع ب20 درجة كل واحدة من الاكمل بدرجة واحدة

كدا يبقى 40 من 32 يعنى لو غلط في 8 درجات تاخد الدرجة النهائية

و مع ذلك الدكتور بيقول ان الناس مش عايزة تاخد درجات لأن السؤال بتاع الفصل ناس كتير ماكتبتش فيه قلم و كان هايعمل عليه درجات كتير بس لما شاف الاجابات قلل درجته

بنكرر شكرنا للدكتور جلال للمجهود الكبير اللى عمله معانا طول الترم و ان شاء الله نشرف حضرتك في النتيجة

ربنا يوفقك الدفعة كلها في امتحان الصيدلنيات ان شاء الله
الناس بتقول ان الدكتور اسماعيل هو اللى هايحط الامتحان
و في الاغلبية هايكون زي السنين اللى فاتت
ركزوا على المسائل و مسائل الشيتات اللى اخدناها في السكاشن في ناس قالت مهمة
و ربنا معانا

[رقة القلب]

شكرا يافادى على التعليق الجميل دا
انت فعلا جبت كل التفاصيل
ربنا يستر انا بجد كل اعتمادى دلوقتى ان ربنا يستر معنا كلنا
لان كل الناس دلوقتى خايفه جدا
ومحدش عارف يحكم كويس على الحل يتاعه اذا كان كويس او لا
فبجد من قلبى دايما بدعى ربنا يستر

[DoAa_RESALA]

ها يا جماعة ايه اخبار الصيدلانيات؟؟؟!!!!!!!!!!!!!!!!

انا عن نفسي
no comment

[د.تقى]

السلام عليكم ورحمه الله
ازيكم كلكم ياجماعه
انا اللي عاوزه اسال ايه الاخبار بعد الفارما النهارده؟
مفيش كلمه تتقال الا الحمد لله طبعا

[DoAa_RESALA]

الحمد لله الامتحان كان جميل جدا
بصراحة ألف شكر لدكتور طارق ود/شحته ود/ناريمان
بجد كل اول امتحان نقدر نقول عليه كويس من كل الاتجاهات