انسى وارجعلى

[صاحبة القلم الحائر]

وحشتونى جدااااااا يا أعز اخوات فى الدنيا
دى ارتجالة سريعة كدا لان المنتدى بجد وحشنى جداا
يارب تعجبكم وسامحونى على الحزن اللى فيها
انا عارفة انكم اتخنقتوا من حزنى بس انتوا اخواتى برده ولازم تتحملونى

لأمتى هتفضل يا قلبى حزين؟!!

ولأمتى هتفضل تحس بحنين؟!!

الكل باعك هتعيش انت لمين!!

عيش لنفسك ولسعادتك

خلّى بالك دا حزنك دفين

عيش حياتك وافرح بعمرك

وانسى حزنك وانسى ألم السنين

انسى اللى جرحوا وانسى اللى خانوا

انسى اللى كانوا فى يوم منك قريبين

من حقك يا قلبى تعيش زيهم

من حقك تقسى وتبعد عنهم

هما اللى ظلموا هما اللى باعوا

و ما فكروش يوم انك منهم

نسيوا انك سبب فرحة قلبهم

جرحك سهل بالنسبالهم

ما الجرح ساكن فى طبعهم

أوعى تضعف يا قلبى

اوعى تصدق كدبهم

اوعى تقول دول حبايبى

دول ناس عاشوا بس لنفسهم

خليك معايا يا قلبى وقوينى

ارجع تانى بين ضلوعى وداوينى

دا أنا وحدى ضعيفة

مين غيرك بس يحمينى

مين غيرك هيحس بيا ويواسينى

مين غيرك هيعدينى بر الأمان

مين غيرك هيجفف دمع عينى

و وعد منى يا قلبى

ما هسمح تانى لحد يجرحك

هقفل عليك سجن

ولا عمر حد هيلمحك

هنعيش أنا وانت لنفسنا

و وعد منى هخلّى فرحى يفرحك

[same7]

و وعد منى هخلّى فرحى يفرحك

تحفه
ومعناها حلو
واحساسها صعب

[chocolata]

جميله يا بيرو وتلقائيه من غير تلفى شمال او يمين قولتى نصيحتك لقلبك فى كلمتين
الاجمل انك بتحاولى تداوى قلب مكسور حزين
انا بقى هاكتب رساله ليه برده بس مختلفه شويه

بص لقلبى شويه لفوق
هتلاقى قلب حزين مخنوق

صاحبته بتصرخ فيه باعلى صوت
بتقوله اخرج من الحزن يا شريك
متستاهلش كل اللى بيحصل فيك
انت الاغلى عليا
ميهمنيش كل الناس القاسيه
ارميهم ورا ضهرك متبصش تانى
دى قلوب ميت الحب فيها
متنبضش نبضه واحده ليها


انا بقى بقول

شايف يا قلبى القلب دا جارك
لكن فرق بين حاله وحالك
هو حزين مكسور وبيتداوى
وانا برجوك تبطل شكاوى
تبطل تجرح وتعذب فى قلوب
متعرفش انك بقيت تايه وسط الدروب
منتاش عارف تروح شمال ولا يمين
حبك واحساسك معاك ضايعين
نبضاتك كلها مضطربه
اعظم جراح هيجيله منك ربكه
نبضه هاديه ونبضه قاسيه
نبضه عاشقه ونبضه كارهه
واخيرا نبضه ياس من حالك
بتقضى يومك وبتضحك عليا بدقه
وانا علي نغمها امشى برقه
مسكن معدش بيجيب نتيجه
لازم تجرب علاج الحقيقه
اعرف انت ايه وعاوز ايه
ايه مضايقك ايه خانقك
شايف نفسك ليه صغير
وفى كل مكان ماشى مطاطى متحسر
تعبت معاك ومش قادرة اكمل
خايفه ييجى يوم اشيلك على ايدى
واقول ياناس قلبى هو وليدى
ومعيش حق عمليه جراحيه
اغير بيها شريانى ووريدى
بقى بعد الحب الطبيعى
هتشحت حب وكمان مصنوع
لا ياقلبى فكر تانى
الطريق دا ملوش رجوع


تسلمى ايديكى يا بيرو
ودايما تنورى المنتدى الادبى ياجميل
ويابخته القلب دا بصاحبته


ودا مس حزن دى دعوة وحل للخروج حل واضح كلنا لازم نلجاله


شيكو

[DR.BIBO]

جميلة يابيرو وتلقائيه بس محيرانى مش عارفة مش معنى ان فى ناس جرحونا واذونا ان احنا نقدر نعيش من غير ناس حوالينا تدفينا وتساعدنا اننا نداوى جروحنا فعشان كده مش قادرة افهم الجزء ده
هقفل عليك سجن

ولا عمر حد هيلمحك

هنعيش أنا وانت لنفسنا


بس عجبتنى الجملة ديه
و وعد منى هخلّى فرحى يفرحك

مش عارفة انتى فاهمه قصدى ولالا

فى انتظار المزيد متتاخريش علينا لانك بجد بتوحشينا

[M.Hegazy]

وحشتونى جدااااااا يا أعز اخوات فى الدنيا
دى ارتجالة سريعة كدا لان المنتدى بجد وحشنى جداا
يارب تعجبكم وسامحونى على الحزن اللى فيها
انا عارفة انكم اتخنقتوا من حزنى بس انتوا اخواتى برده ولازم تتحملونى

إزاي بس يا دوك .. المنتدى بيتنا كلنا .. و كلنا إخوات فيه بنسمع لبعض .. و إن شاء الله ميكونش فيه حزن و لا أي حاجة وحشة ..





من حقك يا قلبى تعيش زيهم
و أحسن منهم كمان .. إيه المانع !!
من حقك تقسى وتبعد عنهم
مش لازم نتطبع بالطباع السلبية و نكون سلبيين برضه ، لأننا بكده هنبقى زيهم ، و إحنا مش زيهم .. البعد لوحده كفاية ..
هما اللى ظلموا هما اللى باعوا
أكيد هما اللي خسرانين ..
و ما فكروش يوم انك منهم
أنسب رد ليهم :
فيه حاجات ياما و هيا معانا .. مش بنفكر أبدا فيها
غير لو ضاعت نبتدي نندم .. و نعيش نحلم نرجع ليها
نسيوا انك سبب فرحة قلبهم
أكيد هيجي اللي يرجع الفرحة دي و بدون ما ينتظر أي مقابل ..
ربنا سبحانه و تعالى بيقول : " و هل جزاء الإحسان إلا الإحسان " ..
جرحك سهل بالنسبالهم
اللي متعود يجرح و مبيحسش .. ده طبعه ..
ما الجرح ساكن فى طبعهم
و من غير ما أشوف البيت ده أديكي قلتيها ..
أوعى تضعف يا قلبى

اوعى تصدق كدبهم
جميل الدفعة دي .. دي بداية امتصاص الصدمة و الوقوف من تاني ..
اوعى تقول دول حبايبى

دول ناس عاشوا بس لنفسهم
و هيجي عليهم يوم هيبقو لوحدهم ..
محدش هيشيل همهم ..
محدش هيكون جنبهم ..
هتفضى الدنيا و هتتملى
عليهم بالناس اللي زيهم ..
خليك معايا يا قلبى وقوينى

ارجع تانى بين ضلوعى وداوينى

دا أنا وحدى ضعيفة

مين غيرك بس يحمينى

مين غيرك هيحس بيا ويواسينى

مين غيرك هيعدينى بر الأمان

مين غيرك هيجفف دمع عينى

جميل جدا الكلام ده .. ساعة ما بتحصل نكسة للواحد مننا .. الإنسان الوحيد اللي قادر يخرجه من الحالة دي هوا نفسه مش حد تاني .. فصح قوي إنك تاخدي بإيد نفسك و ترجعي تاني ..
و وعد منى يا قلبى

ما هسمح تانى لحد يجرحك
و هتكوني قد الوعد إن شاء الله ..
هقفل عليك سجن
موافق على الجملة دي جدا ..
ولا عمر حد هيلمحك

هنعيش أنا وانت لنفسنا
مش موافق على الجملتين دول .. متخلقناش أبدا أبدا عشان نعيش لنفسنا ..
و وعد منى هخلّى فرحى يفرحك

إن شاء الله الفرح يملى قلوبنا كلنا .. و يدواي جروحنا ..

و ربنا سبحانه و تعالى أكيد هيبدلنا بالذي هو خير ..

نورتي المنتدى يا دوك بطلعاتك الجوية الخاطفة المتقطعة .. و يكأنك بترمي قنبلة كل فترة و تسيبينا و تمشي ..

بلاش كده يا دوك ..

[محمد فهمي]

أهلاً بيكي مجدداً ودائماً يادكتورة عبير...
خاطرتك الشعرية عجبتني..وخفيفة.. وحلو برده الحزن.. في ايه ياعني
منتظرين حاجات تانية بقه..يااااااااااريت
د.شيكو..ردها برده جميل قوي..تسلم ايدك يادوك شيكو وعايزينك برده تشدي حيلك معانا هنا...هناك أعمال لكي متوقفة

شكراً د.عبير ولك خالص التحية

[**mahasen mohamed fouad**]

تححححححححححححححححححححححححححححححححفه بجد تسلم الايادى يا جميل

[قطر الندى]

جمية جدااااااااااااا يا دكتورة
كلماتها رقيقة جداا وإحساسها عالى
فى لحظات بنتمنى فيها نبعد عن الناس ،متخيلين
أن دا ممكن يداوى جراحنا أو يبعد عننا الجرح والألم بس دا صعب يتحقق
أهم شئ إننا ننسى ونبدأمن جديد دا ممكن يساعدنا

[Nayroz]

وحشتونى جدااااااا يا أعز اخوات فى الدنيا
دى ارتجالة سريعة كدا لان المنتدى بجد وحشنى جداا
يارب تعجبكم وسامحونى على الحزن اللى فيها
انا عارفة انكم اتخنقتوا من حزنى بس انتوا اخواتى برده ولازم تتحملونى

بس علفكرة أنا محستهاش حزينة بالعكس ، دى فيه اصرار لتحدى الحزن و الجرح ، و اطلالة أمل ....

لأمتى هتفضل يا قلبى حزين؟!!

ولأمتى هتفضل تحس بحنين؟!!

الكل باعك هتعيش انت لمين!!



عيش لنفسك ولسعادتك

خلّى بالك دا حزنك دفين

عيش حياتك وافرح بعمرك

وانسى حزنك وانسى ألم السنين

انسى اللى جرحوا وانسى اللى خانوا

انسى اللى كانوا فى يوم منك قريبين

من حقك يا قلبى تعيش زيهم

من حقك تقسى وتبعد عنهم

هما اللى ظلموا هما اللى باعوا

و ما فكروش يوم انك منهم

نسيوا انك سبب فرحة قلبهم

جرحك سهل بالنسبالهم

ما الجرح ساكن فى طبعهم

مش لازم يكونوا بطبعهم كدة ، ممكن لما جرحوا كانوا هما كمان مجروحين ، بس برده ده مش مبرر لجرحهم للناس التانيين ، و يمكن بعدهم و قسوتهم من وجهة نظرهم أنسب دوا يداوى جرح اللى جرحوهم معاهم ، و إن كان ده برده مش هيداوى جرحهم و عجبى ......

أوعى تضعف يا قلبى

اوعى تصدق كدبهم

اوعى تقول دول حبايبى

دول ناس عاشوا بس لنفسهم

خليك معايا يا قلبى وقوينى

ارجع تانى بين ضلوعى وداوينى

دا أنا وحدى ضعيفة

مين غيرك بس يحمينى

مين غيرك هيحس بيا ويواسينى

مين غيرك هيعدينى بر الأمان

مين غيرك هيجفف دمع عينى

خلى قلبك مع ربنا ، هو ده اللى هيداويه بإذن الله ، جرحهم كان قدر لابد من الاعتراف بيه و تقبله و الرضا بيه ، و دوا الجروح على الله وحده قادر يداويه .... و يعدى اقلوب كلها لبر الامان ...

و وعد منى يا قلبى

ما هسمح تانى لحد يجرحك

هقفل عليك سجن

مش حاسة ان ده الحل ، خافى و حرسى كويس على قلبك لكن مش تسجنيه

ولا عمر حد هيلمحك

هنعيش أنا وانت لنفسنا

و لغيرنا برده بس مش لدرجة ان نيجى على نفسنا أوى اوى علشانهم و تيجى فالاخر ع الفاضى ....
بس فى ناس كتير محتاجين حد يعيشلهم ....

و وعد منى هخلّى فرحى يفرحك

يا ريت قلوبنا تحس بطعم الفرح ، و فرحنا يفرحها بجد ..

جميلة جدا تسلم الايادى و مش تغيبى علينا تانى ، نزلى اللى انتى عاوزاه حزين او سعيد كان ، احنا نحب اى حاجة تيجى منك ....

[امانى*]

جميله أوووووووووووووووووى يادكتورة بجد ،،،،،،،،
عجبنى الاتجاه الايجابى بتاعهااااااااااااااا أوووووووووووووووووووووى بجد .
تسلم إيديكى