صفحة 1 من 3 123 الأخيرةالأخيرة
النتائج 1 إلى 10 من 21

الموضوع: نعم..حتي النفاق!...(ق.ق.ج)

  1. #1
    Pb Elite
    تاريخ التسجيل
    Apr 2009
    المشاركات
    1,362

    Arrow نعم..حتي النفاق!...(ق.ق.ج)

    نعم..حتي النفاق!
    ( قصة قصيرة جداً )



    أقبلَ مُسرعاً ليقبل يدْ شيخه في حرارة وصدق..
    الشيخ يقول ويقول.. وهو يُجيب ويؤكد بنعم وصح.. والشيخ صادق في مايقوله وهو صادق في إجابته وتأكيده..
    الشيخ مازال يقول.. وهو يردْ عليه بنعم وصح
    الشيخ مازل يقول.. وهو يردْ عليه بنعم وصح!
    وهكذا... حتي أصبح الشيخ كاذباً !، وهو أصبح منافقاً !!

    تمت

    بقلم/ محمد فهمي

  2. #2
    Moderator
    تاريخ التسجيل
    Oct 2009
    المشاركات
    4,276

    افتراضي

    مش علطول هتبقى النهاية كده ..

    أي نعم ناس كتير غرهم النفوذ و غرتهم الدنيا بزيفها ،،، و ناس منافقة كتير .. بس

    لسه فيه خير ..



    كالعادة يا فهمي .. بجد إنتا حيرتني معاك ..

    بس أنا في رأيي إنها ممكن تبقى مقولة أو فلسفة .. لكنها أبعد ما تكون من أن تسمى قصة و لو قصيرة ..

    متابعك دايما و باتمنالك التوفيق ..



  3. #3
    Pharma Student
    تاريخ التسجيل
    Oct 2011
    الدولة
    مصر
    المشاركات
    541

    افتراضي

    معاك حق يادكتور ،،،،بشوف من دااااااا كتير أوى
    تبآ لمن تنافقنا بالود ملامحهم ،،
    وفى نواياهم لا يعشقون سوى مصالحهم !

  4. #4
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة محمد فهمي مشاهدة المشاركة
    نعم..حتي النفاق!
    ( قصة قصيرة جداً )



    أقبلَ مُسرعاً ليقبل يدْ شيخه في حرارة وصدق..
    الشيخ يقول ويقول.. وهو يُجيب ويؤكد بنعم وصح.. والشيخ صادق في مايقوله وهو صادق في إجابته وتأكيده..
    الشيخ مازال يقول.. وهو يردْ عليه بنعم وصح
    الشيخ مازل يقول.. وهو يردْ عليه بنعم وصح!
    وهكذا... حتي أصبح الشيخ كاذباً !، وهو أصبح منافقاً !!

    تمت

    بقلم/ محمد فهمي
    السلام عليكم
    اولا: مادام الاتنين كانو فى البدايه صادقين وملهمش غرض فمش دايما النهاية بتبقى كده
    صحيح فى ناس بتبقى عندها استعداد انها تنافق وفى ناس تانيه بيبقى الموضوع بالنسبالها انها خلاص مصدقة كل اللى بيقوله الشيخ من غير حتى مايفكرو وبيوصلوه لحد التقديس وفى ناس تالته بتبقى من كتر حبها فى الشيخ مبتقدرش تعارضه او تقول اى حاجة تضايقة عشان متزعلوش فمش دايما بيبقى نفاق
    ثانيا: مش عارفة ليه حاسه ان حضرتك كتبت القصة ديه وحضرتك مستعجل فيها حاجة ناقصة مش عارفة ايه هى
    ثالثا: مش عارفة اول ما قريت القصة افتكرت الاخوان ونعم فى الاستفتاء احتمالية ان ده يكون ليه علاقة بالقصة ضعيفة جدا بس يمكن كله مشبك فى بعضه
    رابعا: مستنية من حضرتك قصة جديده مميزة قريب جدا

  5. #5
    Pb Elite
    تاريخ التسجيل
    Apr 2009
    المشاركات
    1,362

    افتراضي

    اقتباس المشاركة الأصلية كتبت بواسطة M.Hegazy مشاهدة المشاركة
    مش علطول هتبقى النهاية كده ..

    أي نعم ناس كتير غرهم النفوذ و غرتهم الدنيا بزيفها ،،، و ناس منافقة كتير .. بس

    لسه فيه خير ..



    كالعادة يا فهمي .. بجد إنتا حيرتني معاك ..

    بس أنا في رأيي إنها ممكن تبقى مقولة أو فلسفة .. لكنها أبعد ما تكون من أن تسمى قصة و لو قصيرة ..

    متابعك دايما و باتمنالك التوفيق ..


    منورني ياحجازي ربنا يخليك...

    بالنسبة للقصة: هي قصة قصيرة جدا تحوي مكونات القصة : الحدث..الشخصيات..البداية..النهاية....يعني دي تعمل قصة ومستحيل تبقي مقولة أبداً..واللغة في القصة مقتصدة جدا ومكثفة ومركزة كعادة الـ ق ق ج
    وبتبقي عايزه تركيز شديد في الكتابة وتركيزمن القارئ لأن الكلام قليل ومركز علشان يوصل لفهم معين.....فدي قصة قصيرة جدا
    من الواضح إن القصة موصلتش لأنها بجد كانت محتاجة تركيز حبتين
    شكرا ياحبيبي علي مرورك الجميل..
    تفسير ها:
    الشيخ ده بيقول كلام وكلام صادق في البداية..والشخص ده بيصدق شيخه ودايما بيأكد علي كلامه ويقول صح....والشيخ فعلاً بيقول الصدق...وفعلا الشخص ده بيأكد علي اقتناع وصدق...

    نيجي بقه مع الوقت ايه اللي بيحصل:
    الشيخ بيقول ويقول....تمام....والشخص التابع ده بيأكد كلامه...تمام
    لكن...الشخص ده بيصبح منافق لأنه اتعود علي حاضر ونعم وجميل وتمام ومعدتش يقدر يقول لأ.. سواء كان بإرادته أو غصب عنه...فهيضطر يقول نعم وصح في أي شيء...ويصبح منافق
    بالنسبة للشيخ: يجد من يصدقه دائماً ولا يجد من يقول له لا..بعد ذلك...فيصبح كلامه غير دقيق ثم غير صحيح..وبعد ذلك يصبح كذاباً بإرادته او رغماً عنه..

    * هذا الشيخ من الممكن أن نرمز لها هنا بمرشد الجماعة...والتابعين هم الشخص..
    المرشد كان يقول الحق..والآخرون يصدقون..مع الوقت وتغير الأحوال
    يصبح التابعين منافقين لأنهم لن يستطيعوا أن يقول لا أبدا..بإرادتهم أو رغما عنهم
    وهو سيصبح كاذبا في أقواله...

    ومايلخص تلك القصة هي مقولة للشيخ الشعراوي:
    ولا تضبط نفسك علي نعم بدون استحقاق.. فدوام الوفاق نفاق




  6. #6
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    دي فيمتو قصة بس الفكرة تنفع في قسم المناقشات و أنا شايف القضية بتبدأ من التربية ف الصغر ، احنا وبكل فخر اتربينا على كلمة نعم وحاضر من غير ما نفهم ولا نناقش وطبعا بدون اعتراض

  7. #7
    Pb Elite
    تاريخ التسجيل
    Sep 2010
    الدولة
    حيث توجد الأزهار
    المشاركات
    1,100

    افتراضي

    اقتباس المشاركة الأصلية كتبت بواسطة محمد فهمي مشاهدة المشاركة

    * هذا الشيخ من الممكن أن نرمز لها هنا بمرشد الجماعة...والتابعين هم الشخص..
    المرشد كان يقول الحق..والآخرون يصدقون..مع الوقت وتغير الأحوال
    يصبح التابعين منافقين لأنهم لن يستطيعوا أن يقول لا أبدا..بإرادتهم أو رغما عنهم
    وهو سيصبح كاذبا في أقواله..
    دى أول حاجة فكرت فيها لما قرأت القصة ..
    ................................
    أقول لحضرتك الصراحة .. طبعا قصة حضرتك فيها جميع عناصر القصة القصيرة وبتوصل هدف وفكرتها جميل .. بس تفتقر الى الامتاع .. عشان كده دكتور حجازى قال انها ممكن تبقى مقولة مش قصة ..
    عارفة ان القصة كل ما تكون قصيييييييييييييرة جداااااااااااااااااا كلما تطلبت جهد أكبر من الكاتب وتركيز من القارىء .. بس لما تكون طويلة شوية وفيها أحداث أكتر هتبقى أحلى وتشد القارىء وهيستمتع بيها أكتر ..
    تسلم الأيادى يا دكتور محمد .. و بجد القصة جميلة جداااااااااااااااا وفكرتها جميلة .. ويارب دايما فى تقدم وابداع ..

  8. #8
    Pharma Student
    تاريخ التسجيل
    Jan 2011
    المشاركات
    434

    افتراضي

    دا انا هكتب كومنت اكبر منها
    وشكلى كده هنافق واقول جميله هههههه
    صغيره اوى يادوك
    بس حقيقه فعلا وبتحصل كتير

  9. #9

    افتراضي

    اقتباس المشاركة الأصلية كتبت بواسطة محمد فهمي مشاهدة المشاركة
    ومايلخص تلك القصة هي مقولة للشيخ الشعراوي:
    ولا تضبط نفسك علي نعم بدون استحقاق.. فدوام الوفاق نفاق



    رحم الله الشيخ الشعراوي
    رغم أنها قصيرة فهي تعبر عن حقيقة
    سلمت يداك..بالتوفيق دائما
    التعديل الأخير تم بواسطة نعمة ; 04-04-2012 الساعة 09:10 PM

  10. #10
    Pb Elite
    تاريخ التسجيل
    Apr 2009
    المشاركات
    1,362

    افتراضي

    اقتباس المشاركة الأصلية كتبت بواسطة امانى* مشاهدة المشاركة
    معاك حق يادكتور ،،،،بشوف من دااااااا كتير أوى
    تبآ لمن تنافقنا بالود ملامحهم ،،
    وفى نواياهم لا يعشقون سوى مصالحهم !
    شكرا يادوك أماني علي مرورك...منورانا دايماً
    وشكرا علي مقولتك...


    -----
    اقتباس المشاركة الأصلية كتبت بواسطة DR.BIBO مشاهدة المشاركة
    السلام عليكم
    اولا: مادام الاتنين كانو فى البدايه صادقين وملهمش غرض فمش دايما النهاية بتبقى كده
    هو مجرد تخوف
    صحيح فى ناس بتبقى عندها استعداد انها تنافق وفى ناس تانيه بيبقى الموضوع بالنسبالها انها خلاص مصدقة كل اللى بيقوله الشيخ من غير حتى مايفكرو وبيوصلوه لحد التقديس وفى ناس تالته بتبقى من كتر حبها فى الشيخ مبتقدرش تعارضه او تقول اى حاجة تضايقة عشان متزعلوش فمش دايما بيبقى نفاق
    تمام..بس مش قصدي تكون نتيجة حتمية..لأ من المحتمل إن ده يحصل لأن الإرادة في عدم حدوثه بتكون صعيفة والعقل بيكون متسيطر عليه
    ثانيا: مش عارفة ليه حاسه ان حضرتك كتبت القصة ديه وحضرتك مستعجل فيها حاجة ناقصة مش عارفة ايه هى
    تم توضيح كل شيء لو فيه أي حاجة تانية ياريت حضرتك تقوليها علشان يتم توضيحها
    ثالثا: مش عارفة اول ما قريت القصة افتكرت الاخوان ونعم فى الاستفتاء احتمالية ان ده يكون ليه علاقة بالقصة ضعيفة جدا بس يمكن كله مشبك فى بعضه
    ليها علاقة بالجماعة..بس ده ميمنعش إنها بتتكلم بشكل عام برده
    رابعا: مستنية من حضرتك قصة جديده مميزة قريب جدا
    إن شاء الله يادكتورة بس لو فيه حاجة ملتبسة علي حضرتك لسه ياريت أعرفها ولو فيه اي ملحوظة تانية
    نورتيني يادكتورة هبة...ومبسوط والله بإهتمامك ده ومحاولة تحليلك للقصة وده يسعدني جداً وياريت يبقي كده علي طول
    شكرا يادكتورة علي مرورك المتميز




    -----
    اقتباس المشاركة الأصلية كتبت بواسطة E.Raafat مشاهدة المشاركة
    دي فيمتو قصة بس الفكرة تنفع في قسم المناقشات و أنا شايف القضية بتبدأ من التربية ف الصغر ، احنا وبكل فخر اتربينا على كلمة نعم وحاضر من غير ما نفهم ولا نناقش وطبعا بدون اعتراض
    فيمتو قصة..ماشي يادوك!!
    صح كلامك..التربية في الأول مش بتعلمنا التفكير وتقليب الأمور علي وجوهها المختلفة..
    شرفتني يادكتور إبراهيم..
    التعديل الأخير تم بواسطة محمد فهمي ; 04-04-2012 الساعة 10:10 PM

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •