والحل ايه!!!!!!!

[Abo-Hany]

يا جماعة انا عملت الموضوع ده علشان الدوخة والتوهان الى احنا فيه وعلشان نشارك بعض فى مشاكلنا فنلاقيلها حل باذن الله
المواد كترت فوق دماغنا وبقينا مش عارفين نلاحق على الامتحنات غير ان احنها مش فاهمين المحضرات
لكن الحل مش ان احنا نقعد نعيط ونحط ادنا على خدنا
احنا ممكن نحل مشاكلنا بنفسنا وده على خطوات
1-ان ااحنا نحدد مشكلة المادة:يعنى مثلا المشكلة في اللغة.الورق.مش متعودين علي طريقة الشرح....... ولكل مادة مشاكلها
2-نحدد اجزاء المادة وايه الجزء الى احنا مش فاهمينه ونبدا نذاكر المادة بطريقطنا او حتى نقراها واكىد كده هيقل حجم الجزء اليمش فاهمينه
3-نجمع يوم احنا واصحابنا ونجيب فيه ورق المادة ونشوف احنا مش فاهمين ايه نشرحه لبعض ولوكلنا مش فاهمين نسال الدكتور
4-نحاول نعمل جدول للمواد وازاي نذاكرها وكل واحد وطريقطه
5-نحاول نخلي الماده دايما فى ذهننا ونبدا نعمله تلخيص او نجيب اسئلة.....
واحدة واحدة هنلاقى المشكلة بتتحل ويمكن يبان الحل ده نظرى ومش عملى لكن مجرد التفكير فى حل بيرفع منروحنا المعنوية وباذن الله نساعد بعض ونتعب بجد
ولكل مجتهد نصيب
ولو حد عنده حاجة تقدر تساعدنا ياريت يقولها علشان ممكن تفرق معانا جامد

[w_eldali]

السلام عليكم و رحمة الله و بركاته ....
يا هلا و غلا د . ابو هاني ....
تعرفي حاجه ممكن نطلق عليكي ...
دينمو التفاؤل
بجد و الله .. كلامك منطقي و جميل بس ياريت ننفذه ...
لان حاسه فعلا زي ما قلتي اننا ضايعين ...
و مشكلتي انتي قولتيها و بيني و بينك انتي عارفها :d
الله المستعان

[Abo-Hany]

انا عارفة يا دكتورة ان الكلام جميل والفعل صعب لكن لو ساعدنا بعض وحفزنا بعض ممكن الكلام يبقى حقيقة حلوة
ولو حاولنا ننفذ لو حتى نصفه تبقى حاجه كويسة وتدفعنا للامام

[أمــ هـنـد ــة الله]

ربنا يوفقكم وطولو بالكم شويه
اى حاجة بتبقى صعبه فى الاول
وحاولو تساعدو بعض ياجماعة
ماشاء الله عددكم قليل بعنى تعرفو بعض فتعاونو
وان شاء الله خير واحنا كمان والله بنعانى بردو وتايهين مش انتو بس
وبالتوفيق........

[tymoor89]

يا دكاترة لا توهان ولا حاجة ... قدامنا وقت كافي إن شاء الله لو نظمنا وقتنا كويس - إن شاء والله هنحدد نتايج كويسة وزي الفل ..- المهم نظبظ وقتنا بس الفترة اللي جاية دي .. وحتى لو بدأنا مذاكرة من اول وجديد .. واي ورق تقدروا تجيبوه تذاكروا منه هاتوه متبخلوش على نفسكم باي حاجة .. اهم حاجة تجيبوا اي ورق تشوفوه ..
وعلى فكرة .. وإن شاء الله يوم السبت في ورق متحضرلكم يعني إن شاء الله ممكن يساعدنا في الكيمياء العضوية وكده ..
المهم بس ... نحاول نقعد على الكتاب شوية .. ونحاول نذاكر بنفس .. ومش عاوزين قدر المهم نتقن الشوية اللي بنذاكرهم .. الوقت لسة كتير جدا على الفينال

[Abo-Hany]

يا دكاترة لا توهان ولا حاجة ... قدامنا وقت كافي إن شاء الله لو نظمنا وقتنا كويس - إن شاء والله هنحدد نتايج كويسة وزي الفل ..- المهم نظبظ وقتنا بس الفترة اللي جاية دي .. وحتى لو بدأنا مذاكرة من اول وجديد .. واي ورق تقدروا تجيبوه تذاكروا منه هاتوه متبخلوش على نفسكم باي حاجة .. اهم حاجة تجيبوا اي ورق تشوفوه ..
وعلى فكرة .. وإن شاء الله يوم السبت في ورق متحضرلكم يعني إن شاء الله ممكن يساعدنا في الكيمياء العضوية وكده ..
المهم بس ... نحاول نقعد على الكتاب شوية .. ونحاول نذاكر بنفس .. ومش عاوزين قدر المهم نتقن الشوية اللي بنذاكرهم .. الوقت لسة كتير جدا على الفينال

بيتهىء لك يا دكتور تيمور ان الوقت كبير لكن الوقت قليل جدا ومكملش شهر لكن فى امل باذن الله وفعلا اهم حاجه ان احنا لازم نركز فى المرحلة دى وباذن الله هنكون اول دفعة واحسن دفعة

[Abo-Hany]

ربنا يوفقكم وطولو بالكم شويه
اى حاجة بتبقى صعبه فى الاول
وحاولو تساعدو بعض ياجماعة
ماشاء الله عددكم قليل بعنى تعرفو بعض فتعاونو
وان شاء الله خير واحنا كمان والله بنعانى بردو وتايهين مش انتو بس
وبالتوفيق........

شكرا على اهتمامك يا دكتورة وباذن الله ربنا يوفقنا كلنا وطالما كلنا قلقانين يبقى هننجح ان شاء الله بس نشد حيلنا شويه

[tymoor89]

الله يخليكم بقى علشان حكاية تنظيم الوقت دي ... خلونا نكتب هنا لو كان فيه أي مواعيد للامتحانات .. يعني كل ما حد يعرف اي حاجة عن امتحانات جديدة ياريت يكتبها هنا ...
لان فعلا الواحد بيتفاجئ بامتحانات اتحطت وامتحانات اتلغت ...

[Abo-Hany]

دى فعلا احسن حاجة يا عم تيمور وادى اخر الاخبار
يوم الاثنين القادم 21/1 امتحان عملىbiophysics
ويوم الاحد الى قبله امتحان لد/فتح الله
اما بالنسبه لامتحانات الترم خد عندك
9/2 كمياء عضوية
11/2 لغه
13/2 بيولوجيا الخلية
16/2 رياضيات
18/2كمياء فزيائية
20/2 كمبيوتر
23/2 فزياء حيوية
واخيرا 27/2 نبات

[w_eldali]

السلام عليكم و رحمة الله و بركاته ...
و اظن كمان يوم السبت الجاي امتحان انجلش ...
ربنا معانا