غــــدًا انتخابات اتحاد الطلاب - حقك وواجبك :)

[Mouri Ran]

الســلام عليكـــم ورحمـــة الله وبركـــاته



احنا الحمد لله دخلنا الكلية بعد أعظم ثورة في التاريخ

وبقى من حقنا نختار اللي يمثلونا ويدافعوا عن حقوقنا


فمش ينفع بعد دماء الشهداء اللي سالت عشان خاطرنا منشاركش في اختيار اتحادنا


بما إننا محايدين في منتدى الكلية فهضيف هنا إن شاء الله النظام والمواعيد


كل القوايم ولو فيه أشخاص فرديين..

ولو فيه برامج للمترشحين : )

إذا فيه حد مش موجود في الموضوع تعرفوه يا ريت تقولوا






الأول جدول الانتخابات

-الانتخاب هيبقى يوم الثلاثاء الجاي دا-

ورقه الانتخاب مكونه من 7 لجان ( لجنه الاسر ، لجنه الجواله والخدمه العامه ، لجنه ثقافيه ، لجنه علميه ، لجنه فنيه ، لجنه رحلات ، لجنه فنيه )
كل واحد هيستلم ورقه مكتوب فيها اسامى المرشحين فى كل القوايم ( بس مش مكتوب اسم القايمه مع اسم المرشح )

المطلوب من المنتخب انه يختار ( 2 بس ) من كل قايمه _ وده عشان صوتك ميبقاش باطل ـ

طيب حضرتك هتختار المرشح ع اساس ايه ؟
1- البرنامج الانتخابى و مدى مطابقته للواقع و مدى قابليته للتنفيذ
2- الانجازات التى حققها المرشح و مؤهلاته الشخصيه
3- مدى ثقتك فى المرشح
معاد الانتخابات
يوم الثلاثاء الجاى من الساعه 9 لـ 3
فى المقر الانتخابى المحدد لكل فرقه

هتستنى دورك فى ( الطابور ) وبعدها تستلم ورقتك وتختار الـ 14 اللى انت عاوزهم بس بشرط يكون فيهم 2 من كل لجنه .
ومتنساش وانت خارج تغمس صباعك ف الحبر الفسفورى

ايه اللى هستفيده كطالب غير مرشح بالاتحاد من الانتخابات ؟
مشاركتك ف الانتخابات موقف ايجابى من طالب عاوز يشوف تغيير ومستقبل افضل لكليته ع مدار عام كامل ، بالاضافه ان هيبقى عندك خلفيه عن نظام الانتخابات وكيفيه اجراءها .
ان الله لا يغير ما بقوم حتى يغيروا ما بانفسهم ، و التغيير الى تقدر عليه انك (تختار صح .. تشارك (

تاني حاجة القوايم


طبعًا القوايم مش زي انتخابات الشعب

كل واحد يختار اللي يعجبه من القايمة بس مش شرط كله يعني ^_^

ويا ريت اختيارنا يكون على أساس الكفاءة ومناسبة الشخص لمكانه

ومنختارش حد مش عارفينه أصلا عشان القايمة شكلها حلو









قائمة أسرة الحياة وأسرة الأصدقاء (وفيها مستقلين)


اللجنة الفنية ( خالد المصرى و احمد طه )

جوالة وخدمه عامة ( محمود الرملى و السيد احمد )

لجنة الاسر الطلابية ( محمد شتايه و اسلام عبد العزيز )

اللجنة الرياضية (محمد صلاح و محمد ايمن الشاعر )

اللجنة العلمية ( عبد الخالق فرحات و محمد عبد العزيز )

اجتماعية ورحلات ( ابراهيم بدوي و اسراء طارق )

اللجنة الثقافية (إبرهيم أبو علي و إسراء ابراهيم )










بالتوفيق للجميع يا رب


ولااازم تشاركوا ^_^

[Asya Orbano]

شكرا يا بسنت على التوضيح

[Mohamed7755]

ده واجبنا بعد الثورة لازم ننزل نتخب الأصلح

بالتوفيق للجميع

[Ahmed Fouda]

ايمانا منا بقدسيه معانى الحريه لدى الشعب المصرى عامه وطلاب الجامعات خاصه
نوكد على اهميه حريه الراى ف العمليه الديمقراطيه النزيهه واستكمالا لها ندعو جميع زملاءنا لانتخاب من يمثلهم ف اتحاد الطلاب علما بانه ليس اجراء روتينى يقام به
ولكنه حق لكل طالب ان يترشح وحق لكل طالب ان ينتخب من يراه مناسبا فى تمثيله
ومن يحمل مسئوليه امانه ثقيله توضع على عاتقه لذلك قررنا ان نتقدم لكم بقائمه متواضعه
قد تكون ليست الافضل من بين طلاب الدفعه وكننا نثق فى قدرتهم غى تحمل الامانه والمسئوليه اما عن قايمتنا
يونيون ايزى ساكسس صيدله كلينكال و طلبه لا تنتمى لـ اى تيم

- لجنه الاسر الطلابيه
احمد فوده - نورهان الحسينى

- لجنه الجواله و الخدمه العامه
احمد السيد - محمد الحبشى

-لجنه اجتماعيه و رحلات
قاسم احمد - فخر بستان

- لجنه ثقافيه
بسمه طارق - امانى اهلى

-لجنه علميه و تكنولوجيا
احمد عادل - دعاء احمد

-لجنه فنيه
عبد الرحمن على - عبير فتحى

-لجنه رياضيه
محمد يوسف - محمد عصام

Union Team .. This is our Time
+
Easy Success ,, Make Success Easier
=
Ur Support

صوتك النهارده له قيمه

[Mohamed7755]

تـــــــمــــــــــــام يا دكتور أحمد

أكيد أى حد مش هينزل الانتخابات الوقتى إلا لما يكون عارف إنه هيتحمل مسئولية كبيرة

يونيون ايزى ساكسس صيدله كلينكال و طلبه لا تنتمى لـ اى تيم

حلو التحالف ده خصوصا إنه سوف يكون فى مصلحتنا إن شاء الله

بالتوفيق للأصلح إن شاء الله

[a7med.gamal]

ميرسي ليكم كلكم ويارب يكون اتحاد الطلاب ده غير اي اتحاد طلاب سابق

نفسي يكون ليه صلاحيات كتييييييييير أوي ويضع جداول ويكون ليه رأي

وربنا يوفق كل من دخل الانتخابات . وبعتذر لبعض الناس عن عدم ترشحي لاسباب خاصة


وان شاء الله كلنا نشارك في الانتخابات دي

[Abeer Fathi]

بغض النظر هتختار مين
بس لازم تختار
ويكون ليك دور
وليك صوت
وليك راى فى كليتك

وبغض النظر بردو مين اللى هينجح
لان الجميع كفء بس فيه الاكفأ
بالتوفيق للاكفأ

[Heba mohammed]

بالتوفيق للجميع ان شاء الله

[Abeer Fathi]

[Mouri Ran]

بالتوفيق ليونيون جميعًــا


أحط الصورة دي يا عبير بدل الأول في الموضوع ؟؟