السلام عليكم ورحمة الله وبركاته
أسأل الله أن تكونوا بصحة وعافية
إليكم هذه الخاطرة.....
عتريس وفؤادة
فؤادة..
هاعقد كتابي عليكي الليلة
ده انت عزوتي ودنيتي
وبيك هتكمل فرحتي الليلة
ده انتي لي وأنا ليكي
عتريس بتقول إيه
أحسنت إلي زمان
وقلت أحسن الجدعان
لكن بظلمك افتريت
وانت مش لي وأنا مش ليكي
فؤادة أنا قلتها
هاعقد كتابي عليكي الليلة
لما يحين الغروب
أنا قلتها ومش عايز أي ردود
عتريس انت بتستني الغروب
وأنا بستني الشروق
أنا اتخنقت خلاص م الطوق
طوق الظلم والسكوت
بقولها لأ ياعتريس
انت مش لي وأنا مش ليك
عتريس بقولها لأ
فاصحي وفوق
ده أنا اتخنقت خلاص من الطوق
فؤادة اسكتي
انت لي وأنا ليكي
فؤادة اسكتي
وأنا هفرشلك العرس ورد وريحان
واكتب لك 100 فدان
وابني لك فيلا في أحلي مكان
طلبك مجاب أيا كان
ده أنا عتريس يا فؤادة
فبل ما تشاوري تتلبي الحاجة
عتريس أبويا مقدرش
يقولك في وشك لأ
بس خلاص
إخواتي إيدها بتتمد
تقوي أبويا
وهيقولوا لأ
بتهزري يافؤادة
إخواتك متنطورين
مش عارفة ولا إيه
إخواتي خلاص يا عتريس
متجمعين ع الفيس
اصحي يا فؤادة
م اللي انت فيه
فيس إيه اللي بتقولي عليه
عتريس قالها خلاص
عتريس لفؤادة
وفؤادة لعتريس
واللي يقول لأ عليه ينداس
كفاية يا عتريس بنيت و
بظلمك هديت
فرشت الأرض ورد
وبظلمك رويت
الورد طلع شوك
وانت ياعتريس بظلمك مشبوك
فيالا اصحي وفوق
سامعين يارجالة
فؤادة موافقة ع العرس الليلة
حضروا الفيديو للتصوير
لاجل حفل الليل
فؤادة انتي لي وأنا ليكي
ده صوت إيه يارجالة
صوت الفرحانين ياعريس
ده الناس مبسوطة وبتهيص
يارجالة ده أنا سامع صوت
لأ لأ ياعتريس
انت أكيد مش العريس
سلم نفسك يا مهووس
ده انت بظلمك محبوس
إيه ده يارجالة
اضربوا نار خ
لوهم يبقوا دمار
لأ لأ ياعتريس
احنا معاهم
قبل ما نبقي قصاقيص
إيه اللي بيحصل يا فؤادة
الرجالة سبتني
والناس عانديتني
حتي انت فتحت الهاويس
أقصد دمرتيني بالفيس
روحي يافؤادة
حلال عليكي الفيديو والوتيوب
حلال عليك الفيس بوك
يارب تنال إعجابكم