كان طفلا

[dr/elmallah]

صحى الطفل من نومه
وبدأ يومه
بضحكة صافية
ونية طاهرة
وعين تحاول مهما تحاول
تخفى كلامها
يظهر فى نظرة

وقلب ابيض زى اللبن
خايف فى يوم ان الزمن
يملاه سواد

يملاه حسد
يملاه غضب

يملاه عناد

سمع كلام ياما فى المثل
لازم تدوق مر الزمن
لأجل ماتوصل للعسل

و اللى يعيش لازم يشوف
راح تعمل ايه فيه الظروف

عاش الولد فارس زمانه
حاول يسامح كل اللى خانه

حاول يبدل القسوة حب
حاول يخلى لكل خاين قلب

وسط الظروف الحلم تاه
عرف قد ايه صعبه الحياه

سمع ان فيه نوع من البشر
بضغطه واحده ع الزناد
يضرب رصاص زى المطر
على طفل حلمه فى الحياه
باان الخير ع الناس يعود
و ننام فى ليلة نصبح فى يوم
نلاقى الطفل دا مالوش وجود

[E.Raafat]

الله يرحم كل شهداء سوريا .. نساء واطفال وشيوخ وشباب

ويكتب لهم النصر على الطاغية بشار الاسد

بالنسبة للقصيدة فرأيى فيها انها ممتازة سلمت يمناك يا ملاح

[moh_2010_ph]

جميلة جدا يا دوك كلماتها ومؤثرة .. وربنا معاهم ويعينهم علي ما ابتلاهم ..
تسلم ايدك ..

[قطر الندى]

ربنا معاهم وينصرهم إن شاء الله
جميلة أوووووووووى يا دكتور وكلماتها مؤثرة جداااااااااا وإحساسها عالى
بالتوفيق يا دكتور ،لك تحياتى وتقديرى

[محمد فهمي]

تسلم ايدك يادوك....
كلماتك مؤثرة وجميلة والله..
ربنا ينصر إخواننا في سوريا وفي كل بلاد المسلمين المعذبة في الارض وينتقم من الطاغية وأعاونه..
خالص تحياتي،

[نعمة]

اللهم انصر إخواننا في سوريا وفي كل مكان وارحمنا يا الله
كلماتك معبرة جزاك الله خيرا يا دكتور

[امانى*]

جميله ياااااااادوك ،،،،،،،وربنا ينصرهم ياااااااااااااااااااارب يارب

[Nayroz]

قصيدة مؤثرة يا دكتور ...
ربنا ينصرهم ، و ينصرنا ، و ينصر كل مسلم و مظلوم و حر فى كل مكان ....

[M.Hegazy]

تسلم إيدك يا دوك ..

كلمات مؤثرة جدا ..

و ربنا على كل مفتري و ظالم ..

[Aya Farouk]

أخيرا الواحد شاف شوية شعر فى المنتدى يتقروا من فترة

قصيدة جميلة يا دوكتر
وياريت نشوف حضرتك هنا كتير