متشكر يا دكتورة عالتعليق عجبتك الحمد لله
بس توضيح بسيط /
الفلول: اللى كان منتمى للحزب الفاسد الوثنى ومستفيد من النظام ويعمل على استرجاعه
انا عمري ما كنت حزب ولا حد عندنا كان حزب
انا انضميت قبل 25 للجمعية الوطنية و كنت من مؤيدى البرادعى
وفكرت انضم بعد الثورة ل6 ابريل وكنت وقتها شايف انهم شباب شريف وبيحب البلد وان دى من اطهر الحركات و,و,و,
وبالفعل حضرت كذا اجتماع للاعضاء الجدد وكنت بشارك معاهم فى الفعاليات جوا الجامعه منها مثلا اعتصام بيطري
بس اكتشفت لاحقا انى كنت مخدوع وتغير رايى فى البرادعى وحركة 6 ابريل
وغير كدا انا مختلف مع الثورة فى نقاط كتير وعندى تحفظات عليها وعلى كل من يتكلم باسمها
وانا كنت بردد الكلام المعتاد مبارك السبب فى فساد 30 سنة وووووو بس بردو دا غلط هوا اه طبعا مبارك كان ليه فساده بس احنا فين كشعب لما نلاقي الحاكم يحيد عن الطريق نقومه لذا انا ضد القاء التهم كلها على شخص واحد
الثورة من وجهة نظري ثورة على النفس
وعندى نظرية حلوة اوى
شعب وطنى نشيط قوى هيفرز (منه هو مش من بلد تانية) حكومة قوية تصنع معاه انجازات وامجاد
اما شعب فاسد عنده انحطاط اخلاقي هيفرز منه هو بردو حكومة فاسده تقهره وتضربه على قفاه وتسرقه
"ومن اعمالكم سلط عليكم"
اعمالكم تاتى اولا وعليها يكون العقاب
معلش لو كنت طولت بس حاجة اخيرة ليس كل من هو ضد الثورة او لا يتفق معها فلول او جبان او متخاذل وليس كل من هو مقتنع بالثورة وطنى ويتمنى الحفاظ على البلد
إرهاصات ثورية
رد مع اقتباس.gif "Fop (18)")
المشاركة الأصلية كتبت بواسطة Ahmed Elazab
