النتائج 1 إلى 7 من 7

الموضوع: الخالة كرمة

  1. #1
    Pharma Student
    تاريخ التسجيل
    Mar 2009
    المشاركات
    371

    افتراضي الخالة كرمة


    اتصلت سيدة عجوز ببنك الطعام تطلب حضور مندوب لاستلام خمسة بطاطين تبرعا منها لصالح ضحايا السيول وتركت عنوانها بالتفصيل.. ميدان ثم شارع ثم حارة ثم حارة أخرى ثم دكان بقال ثم بيت!.

    ...وصل مندوب البنك بصعوبة بالغة إلى مكان إقامة السيدة العجوز، فوجدها عجوزا أكثر مما تصور، هزيلة أكثر من أى توقع، بسيطة أقل من كل فقر، تسكن غرفة صغيرة لاتدخلها الشمس تحت بئر سلم!.

    استقبلت موظف البنك باشتياق شخص يبحث عن ضوء فى عتمة، أصرت على أن تعد له واجب ضيافة كوب من الشاى وهى تقدمه قالت له:.. «الشاى يا ابنى من يد خالتك كرمة، بالهنا والشفا، والله كوبياتى نضيفة وزى الفل، ماتقرفش».

    كان الموظف الشاب يشرب الشاى وهو يراقب عروق وجهها تنتفض وهى تحكى منفعلة وكان مندهشاً، تصرخ فى وجع:.. «.. ماتستغربش، أنا فقيرة آه.. بس فيه اللى أفقر منى، أنا معاشى من جوزى الله يرحمه 300 جنيه، جبت بمتين وخمسين منهم البطاطين ديه، وهتدبر لغاية آخر الشهر بالخمسين، ربنا بيبعت!».

    غرفة لا تتسع أكثر من شخصين، سرير صغير يتحمل بصعوبة جسدها النحيل، لمبة فى السقف وتليفزيون بإيريال معلق على شباك المنور، تليفون موبايل قديم يبدو أنه نافذتها الوحيدة مع الحياة، وابتسامة دافئة كبيرة تكشف عن زمن بعيد لم تعرف فيه أبعد من هذه الغرفة ومن هذا المكان.
    -..«لكن ياحاجة كرمة، يعنى ماتفهمنيش غلط واستحملينى، مش برضه أنت أولى بحق الخمس بطاطين، ظروفك يعنى.. »..

    وتخبط يدها على طرف السرير فيهتز وتقول بعبارات لا زيف فيها ولاتراجع:.. «..يا ابنى اللى شفته فى التليفزيون يقطع القلب، ناس عريانة مرمية فى الشوارع من غير لا بيت ولا غطى، أنا فقيرة بس مش غلبانة.. هم غلابة ولو كانوا مش فقرة، أنا ربنا ساترنى فى أوضة باقفل بابها تدفينى وأنام.. هم ماعندهمش لا باب ولا أوضة، يا أبنى خد البطاطين وتوكل على الله الحق ابعتها لحد محتاج قبل ما الليل ييجى، توصل بالسلامة وشرفتنى يا ابنى..».

    ذهب الموظف بأغلى خمس بطاطين إلى مقر بنك الطعام وحكى لهم ودموع كثيرة فى عينيه قصة الحاجة كرمة، كرمها وكبرياؤها ووجهها الصافى الصادق وكلماتها البريئة الحقيقية، حكى لهم عن علاقتها مع الله، هذه المرأة العجوز التى نساها الزمن لم يهملها الله برحمته فرزقها الحب والبساطة والشجاعة، هذه امرأة لاتخاف أحدا، لاتخاف الفقر ولا الجوع والبرد ولا المرض ولا الموت، تحب الله وتعيش فى أمانه وفى وعده الحق لها، حكى قصة امرأة نظنها أنها تعيش على هامش الحياة.. بينما هى الحياة نفسها.

    قرر زملاؤه أن يفعلوا أى شىء لهذه المرأة، اقترحوا معاشا شهريا، معونة عاجلة، البحث عن شقة صغيرة لها، سرير أكبر، ثلاجة بها طعام، فسحة فى مكان جميل، لكن موظف البنك الذى ذهب لها قال لهم بثقة من عرفها عن قرب إنها سترفض كل شىء.

    فى النهاية وصلوا إلى حيلة، اتصلوا بها على أنهم من شركة التليفونات التى تحمل أحد أرقامهم، أبلغوها أنها فازت بجائزة مالية كبيرة،
    فقالت لهم دون أن تهتز من فرحة أو مفاجأة:.. «.. عارفين بتوع بنك الطعام، اتبرعو لهم بالفلوس كلها، قولوا لهم يجيبوا بيها بطاطين كتيرة لبتوع السيول، ماحدش بيموت من الجوع.. بس فيه ناس كتير بتموت من البرد»


    ..........
    اد ايه احنا مقصرين ووحشين

    ربنا يغفر لها ويتقبل منها

  2. #2
    Pharma Student
    تاريخ التسجيل
    Aug 2009
    المشاركات
    486

    افتراضي

    يااااه اد ايه القصه دى جميله تسلم ايدك يا دكتوره ,ياريت فعلا كلنا نحاول نبقى جزء من الست دى لو كل واحد مننا فعلا فكر فى غيره وشاف حاله اد ايه هنعرف ان احنا فى نعمه واننا احسن من غيرنا كتير جدا بس احنا مش حاسين لان الانسان بطبيعته طماع ,الحمد لله فعلا على كل شئ ويارب يقدرنا كلنا على فعل الخير ولو كان بسيط

  3. #3
    Pb Elite
    تاريخ التسجيل
    Sep 2008
    المشاركات
    2,069

    افتراضي

    بسم الله الرحمن الرحيم
    الحمد الله على كل شئ .....
    دا احنا طلعنا بعاد جدا عن ربنا ..... ولا حول ولا قوة الا بالله العلى العظيم .

  4. #4
    Pharma Student
    تاريخ التسجيل
    Mar 2009
    المشاركات
    371

    افتراضي

    اقتباس المشاركة الأصلية كتبت بواسطة sponge Bop مشاهدة المشاركة
    يااااه اد ايه القصه دى جميله تسلم ايدك يا دكتوره ,ياريت فعلا كلنا نحاول نبقى جزء من الست دى لو كل واحد مننا فعلا فكر فى غيره وشاف حاله اد ايه هنعرف ان احنا فى نعمه واننا احسن من غيرنا كتير جدا بس احنا مش حاسين لان الانسان بطبيعته طماع ,الحمد لله فعلا على كل شئ ويارب يقدرنا كلنا على فعل الخير ولو كان بسيط

    نورتينى يا دكتورة

    ادعو الله ان يجعلنا من الشاكرين



    اقتباس المشاركة الأصلية كتبت بواسطة تابعة محمد مشاهدة المشاركة
    بسم الله الرحمن الرحيم
    الحمد الله على كل شئ .....
    دا احنا طلعنا بعاد جدا عن ربنا ..... ولا حول ولا قوة الا بالله العلى العظيم .
    ربنا يقربنا منه ويغفر لنا ويطهر قلوبنا

  5. #5
    Pharma Student
    تاريخ التسجيل
    Dec 2009
    المشاركات
    1,434

    افتراضي

    يا الله ع القصه الجميله دى
    جزاكى الله خيرا

  6. #6
    Pharma Student
    تاريخ التسجيل
    Sep 2011
    الدولة
    IN the life
    المشاركات
    467

    افتراضي

    فعلا قصه جميله وتحمل معنى أجمل

  7. #7
    Pb Elite
    تاريخ التسجيل
    Nov 2007
    المشاركات
    2,342

    افتراضي

    قصة رائعة وفعلا فى ناس تحسبهم اغنياء من التعفف يارب قربنا منك اكتر وعنا على شكرك وحسن عبادتك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •