سفينــة نــوح

[dr-aya]

دا شعر جديد و لسه مأخدتش رأى حد و بجد محتاجه نقد كويس و سريع عشان لو فيه حاجة تتظبط


........

سفينة نـــــــــــوح

....

أنا لسه ببان بهتان
بشوف الصورة مبتضحكش

و لما غابت الألوان
و شافها قلبي خاف مفرحش

أنا اللى غلطت فى العنوان
بخبط و الزمن مفتحش

أنا اللى ناديت فى عز طوفان
و كله ع الجبل مسمعش

و قاله أصله كان مجنون
و كان حالف يهد الكون
نادينا كتير و دا مرجعش

..

ف قلب سفينة التحرير
زوجين من كل شئ عندى

و أنا مملكش غير نفسى
و لجل الحق كان عِــندى

و يوم ما بَـدَأْتْ فى الرحلة
لقيت شعبك هنا جمبى

و دين لله .. وطن واحد
بننده .. قومى يا بلدى

..

رفعنا شراع بلون علمك
و نسر الحق حارسنا

و ليل الظلم مش باقى
و لينا نهار يونسنا

أنا و نيلك و طيبتك و يَّــــا صوت قلبك
و حبك هو خامسنا

على لحن الخلود نسهر
يدوب فى العشق إحساسنا

أنا حلمى أشوف لمعة ف عيون شمسك
و بسمة قلبك الصافى ترجع حلم ناقصنا

..

زمــــان ...
زمان شباكى كان مقفول
و أخاف أفتح يفكرنى بحقى إنى اشوف النور

زمــــان ...
زمان قلبى يخاف يفرح
فتتسرسب كدا ضحكة لوجدانى ..
تكون ممنوعة فى الدستور

زمــــــــان ...
زمان عايش هنا ميت
و اكسير الحياة .. ثورة ..
بتحيى قلبنا المكسور

...

رصاص الغدر أنا هآخده كدا عنك
و طولت العمر دى ليكى
خلاص زمن السكوت منفعش

أنا طالب رضا قلبك
و أبيع عمرى عشان خاطرك
و تدينى بدالة نعش

و قبل النوم ..
أنا حكيتلك على قصة
بطلها كان كدا شبهك
و قلت لقلبى ميدمعش

أنا سايبك و مش سايبك
و روحى ساكنة فى الحواديت
و بدعى حلمنا ميضعش

...........
Aya khedr
.........

Hope U LiKE iT ^_^

[Aya Farouk]

مبدأيا هى جميله جدا ولو اتقرأت صح بالموسيقى هتتحس على طول
بس هى فعلا يا يويو تقيله شويه
ومش اى حد من اول مره هيقرأها بموسيقتها صح عشان تبان القافيه وكدا بالذات النص التانى منها
كان عايز يتقل عليها شويه
...
بس هى حلوة بردو كدا
تسلم ايدك يا جميل

[dr-aya]

مبدأيا هى جميله جدا ولو اتقرأت صح بالموسيقى هتتحس على طول
بس هى فعلا يا يويو تقيله شويه
ومش اى حد من اول مره هيقرأها بموسيقتها صح عشان تبان القافيه وكدا بالذات النص التانى منها
كان عايز يتقل عليها شويه
...
بس هى حلوة بردو كدا
تسلم ايدك يا جميل

ربنا يكرمك يا يويو ياااااااااااااارب
حدديلى بقى الجزء التقيل اللى عايز تظبيط عشان ألحق أظبطه قبل يوم الأربع ضرووووووورى ياااااااااااريت

[Aya Farouk]

أنا مش قادرة أحدد جزء لأن الموسيقى ممكن تتوزن بحرف يتشال او يتزود
وفكره التتليته حلوة جدا
بس محتاجة تتدربى كتييييييييييييير عالالقاااء عشان تظبطى انتى موسيقتها بنفسك
وممكن متحتاجيش تشيلى او تزودى حاجة عشان دا حصل معايا دلوقتى قرأتها بصوت عالى ووزنتها "بإلقائى"
لو تحبى اسجلك الالقاء وابعته معنديش مشكلة
وربنا يوفقك ان شاء الله .. عايزين مركز أول

[E.Raafat]

أنا بقى شايف القصيدة إحساسها واصل جدا للقارئ واختيار موفق للكلمات ,,,, دايما متابع مواضيع حضرتك وبعتبرها من أقوى مواضيع المنتدى الأدبي ويارب دايما منورة المنتدى بقصائد مثل هذه القصيدة وأفضل إن شاء الله
تقبلي مروري

[dr-aya]

أنا مش قادرة أحدد جزء لأن الموسيقى ممكن تتوزن بحرف يتشال او يتزود
وفكره التتليته حلوة جدا
بس محتاجة تتدربى كتييييييييييييير عالالقاااء عشان تظبطى انتى موسيقتها بنفسك
وممكن متحتاجيش تشيلى او تزودى حاجة عشان دا حصل معايا دلوقتى قرأتها بصوت عالى ووزنتها "بإلقائى"
لو تحبى اسجلك الالقاء وابعته معنديش مشكلة
وربنا يوفقك ان شاء الله .. عايزين مركز أول

مهى المشكلة إنها ظابطه معايا فى الإلقاء فخايفة تكون تقيلة و أنا مش واخدة بالى
تسلملى يا كبير .. دعواتك بقى عندى إمتحان و مسابقة فيوم وااااااااااااااحد ... (2*1)
و خبطتين فى الراس توجع و كدا يعنى

.............

أنا بقى شايف القصيدة إحساسها واصل جدا للقارئ واختيار موفق للكلمات ,,,, دايما متابع مواضيع حضرتك وبعتبرها من أقوى مواضيع المنتدى الأدبي ويارب دايما منورة المنتدى بقصائد مثل هذه القصيدة وأفضل إن شاء الله
تقبلي مروري

دايماً رأى حضرتك بيبقى شهادة أعتز بيها من شاعر رائع له منى كل إحترام و تقدير

[Aya Farouk]

يبقى تماااااااام اوى هى تظبيطة القاء وبس
وربنا معاكى يا جميل يارب
وترجعى مبسوطة من الاتنين

[M.Hegazy]

أنا من أكبر المعجبين بأعمال حضرتك ،، و لي الشرف بالمتابعة المستمرة ..

حضرتك متمكنة قبل ما تكوني موهوبة ،، بيعجبني قوي في حضرتك حاجة ملاحظتهاش في زمايلنا الشعراء هنا في المنتدى أو في الكلية عموما ..

حضرتك كل مدى بتتطوري ،، و دايما دؤوبة و نشيطة ،، و مجددة ..

شعرك و كلامك و مواضيعك بيتبقى مفاجئة ،، و بتبقى مبهرة ،، و في كل مرة بيبقى ليها طعم و أسلوب مختلف ..

فأنا باحترم نهج التجديد و التطوير في حضرتك ،، و اتمنى إن حضرتك تتطوري أكتر و أكتر و متقفيش ،،

الشعر طموحاته ملهاش سقف و لا ليها حد ،، عامل زي السما كده ،،

قصيدة اخرى رائعة و هيزيد روعتها طريقة الإلقاء كمان .. لأن موسيقاها متميزة جدا و صعبة و مش أي حد يفهمها و يقرأها صح ،،

سلمت أناملك الرقيقة المبدعة ،، و دمتي متألقة ..

أبدعت فأحسنت فأمتعتِ ..

5 نجووووووم طبعا ،،

و تم إضافة الموضوع لأجمل ما قيل في الثورة و حب مصر :

http://www.pharma-board.com/board/sh...ad.php?t=20494

تقبلي خالص مروري و تحيتي ..

[dr-aya]

يبقى تماااااااام اوى هى تظبيطة القاء وبس
وربنا معاكى يا جميل يارب
وترجعى مبسوطة من الاتنين

آسفة على تأخير الرد لأنى مدخلتش هنا من زمان
الحمد لله كان الشعر كويس و الإلقاء ظبط معايا الحمد لله .. بركاتك يا كبير

............

أنا من أكبر المعجبين بأعمال حضرتك ،، و لي الشرف بالمتابعة المستمرة ..

حضرتك متمكنة قبل ما تكوني موهوبة ،، بيعجبني قوي في حضرتك حاجة ملاحظتهاش في زمايلنا الشعراء هنا في المنتدى أو في الكلية عموما ..

حضرتك كل مدى بتتطوري ،، و دايما دؤوبة و نشيطة ،، و مجددة ..

شعرك و كلامك و مواضيعك بيتبقى مفاجئة ،، و بتبقى مبهرة ،، و في كل مرة بيبقى ليها طعم و أسلوب مختلف ..

فأنا باحترم نهج التجديد و التطوير في حضرتك ،، و اتمنى إن حضرتك تتطوري أكتر و أكتر و متقفيش ،،

الشعر طموحاته ملهاش سقف و لا ليها حد ،، عامل زي السما كده ،،

قصيدة اخرى رائعة و هيزيد روعتها طريقة الإلقاء كمان .. لأن موسيقاها متميزة جدا و صعبة و مش أي حد يفهمها و يقرأها صح ،،

سلمت أناملك الرقيقة المبدعة ،، و دمتي متألقة ..

أبدعت فأحسنت فأمتعتِ ..

5 نجووووووم طبعا ،،

و تم إضافة الموضوع لأجمل ما قيل في الثورة و حب مصر :

http://www.pharma-board.com/board/sh...ad.php?t=20494

تقبلي خالص مروري و تحيتي ..

بجد مش عارفة أقول إيه ... أخجلتم تواضعنا و أتمنى أكون أستحق الثقة و الثناء دا و شِــعرى دايماً يبقى عند حسن ظنكوا ياااااااااارب
و بجد ميرسى على إضافة الموضوع لأشعار الثورة ..
فيه فيديوهات للمسابقة فيها القصيدة دى .. مش عارفة ينفع تنزل هنا على المنتدى و لا لأ ..!!!
لو ينفع ممكن أنزلها كنوع من التغيير على المنتدى

[M.Hegazy]

بجد مش عارفة أقول إيه ... أخجلتم تواضعنا و أتمنى أكون أستحق الثقة و الثناء دا و شِــعرى دايماً يبقى عند حسن ظنكوا ياااااااااارب
و بجد ميرسى على إضافة الموضوع لأشعار الثورة ..
فيه فيديوهات للمسابقة فيها القصيدة دى .. مش عارفة ينفع تنزل هنا على المنتدى و لا لأ ..!!!
لو ينفع ممكن أنزلها كنوع من التغيير على المنتدى

أيوة يا دوك ينفع ،، و في انتظار حضرتك ..