مؤقتاً "بكرهِــك" !
عرّى فيا وبهدلينى
يلى كنتى فى يوم
غطى بيدفينى
فرقينى واخرسينى
وبعصاكى كسرينى
سكتى الطفل اللى فيا
بيندهِك
غمى أرصفة الشوارع
عرضى فيها
بينتهَك
شيلى اسمك من بطاقتى
ما اسمى فيكى
بيتحرَق !
....
دمى اللى لون شوارعك
نقطة سودا فى تاريخِك
وعرضى اللى هيبته راحت
بصمة عار بتدينك
لو على حبِك جوا قلبى
قلبى كرهِك
ولعنلك ميت سلسفينك
...
إزاى أحبك
وأنت أصلا كرهانى
وهان عليكى وقسيتى
يا أرض كانت سيعانى
زيدى كمان فى الوجع
قولى ان أنا مندس
وعمرك ما سمعتى
ليا حس
شخص صايع
بتحركه ايد خفية
أو حد فاضى
بيظلم فى الداخلية
أو حتى بستعيل
وبحن للعبة
العسكر والحرامية !
إزاى أحبك
وحرمتينى أشوف الضى
وأنا اللى قلت
مش هسكت على حقك
ما دمت أنا حى !
وبصيرة ربى قوتنى
مسيرها تتعدل
ووقت الحرية جىّ
..
بالله عليكى بسألِك
مجاش فى بالِك
انا لسا ليه بندهِك
كل مره أخلف يمينى
وأرجع ألومِك وأكلمِك
بديكى فرصة تفهمى
ان انا اللى منك
واللى باقيلك
وانا اللى هبنى نهضتك
وبردو فى ايدى أكسرِك
مش بهدد
أعتبرينى بس بحذرِك
أصل اللى عملته ليكى كتير
وبما أن مفيش تقدير
خافى من حد
بقا بكرهِك !
....
آيــه فـاروق
رد مع اقتباس
المشاركة الأصلية كتبت بواسطة Aya Farouk
