جايلك يارب

[amira89]

السلام عليكم ورحمة الله وبركاته


أحلى حياة فى طاعة الله

أنا جايلك يارب .,.

أنا عايزة اكلمكم عن اللى حبوا ربنا
عن اللى احلامهم اتغيرت من حب ربنا
عن اللى سهروا الليالى من حب ربنا
... عن اللى دموعهم نزلت على خدودهم وغرقت خدودهم من حب ربنا

***
أنا عايزة أكلمكم عن اللى كتبوا شعر لربنا
ياحبيب القلوب
انت حبيبى .. أنت أنسى
وأنت منى قريب
ياطبيب بذكره يتداوى
كل ذى علة فنعم الطبيب

***

أنا عايزة أكلمكم عن اللى ماتوا من حب ربنا
أمراة ذهبت لتزور الكعبة ........ بيت ربنا
أخذت تقول يا خلق ......أين بيت ربى؟؟؟؟؟؟؟؟
فدلوها عليه
فوضعت خدها على الكعبة ثم حركوها فوجدوها قد ماتت

***
سعد بن ابى وقاص كانوا بيلفوا الحصير حول رقبته ويحرقوه من فوق علشان يخنقه.. بس علشان ربنا استحمل

سيدنا مصعب بن عمير ساب بلده ووطنه وبيته واهله وكل مايملك علشان ربنا
أيوه كله يهون فى حب ربنا

مين فينا اللى هيسيب كل حاجة وحشة ويترك المعاصى علشان بيحب ربنا وهيقول أنا جايلك يارب

أنا جايلك بقلبى........ هو اللى ساقنى اليك
جايلك يارب علشان أصلى فى الصف الاول .......... علشان أخشع بين إيديك
جايلك يارب ......... كل حاجة ترضيك هعملها

هاحضر دروس ...... و احفظ قرآن
واتعلم تجويد ........ واقرأ فى الدين

وهسيب كل حاجة حرام وغلط.........
علشانك يارب

علشانك يارب........ أعمل كل حاجة ترضيك

أنا جايلك يارب ......... منايا أوصل لك يارب
وعجلت اليك ربى لترضى

وليكن شعارنا
حب الله ما احلاه............... فهو ربى ولا أريد سواه

ــــــــــــــــــــــــــــــ

[Amira]

السلام عليكم ورحمة الله وبركاته
وعليكم السلام ورحمة الله وبركاته
وعجلت اليك ربى لترضى

وليكن شعارنا
حب الله ما احلاه............... فهو ربى ولا أريد سواه

سبحـان الله .. أى حد بيبعد عن ربنا ولو عنده كنوز الدنيا ولو عنده الفلوس والنجاح والشهره والصحه وكل حاجه بس بعيد عن ربنا بيبقى كأنه معندوش أى حاجه ..و العكس واحد غلبان وراضى عن ربنا ورضا بقضاء ربنا وكأنه برفعه نفسه ورضاه ده عنده الدنيا واللى فيها

والله لو كل واحد فى الدنيا دى حب ربنا ( مش بالكلام بس ) ورضى بقضاءه و سلم لقدره عمره ما هيفكر يعصى ربنا ..

سبحان الله من حب ربنا لينا وهو الغنى عنا كلنا إنه يتنزل كل ليله فى الثلث الأخير ويقولهل من تائب فأتوب عليه ...هل من مستغفر فأغفر له...هل من سائل فأعطيه ، مع ان توبتنا لن تزيد ولن تنقص من قدر الله تعالى ... ملك يتحبب لمملوكه وهو الغنى عنا جميعا .... ومع ذلك بنعصيه ويرجع يقبل توبتنا تانى وتالت ورابع .... سبحـان الله الودود

كنت قرأت الجمله دى قبل كده ( لو علمتم كيف يدبر الله اموركم لذابت قلوبكم من محبته)

الرضا عن الله --> حبك لله
جــزاكم الله خيــراً

===
سؤال بقى مهم جدا
ايه علاقه الموضوع الاول بالتانى .. لخبطتينى دلوقت الموضوع الاول المفروض فى العام والموضوع التانى فى الاسلامى أعمل ايه انا بقى

[amira89]

===
سؤال بقى مهم جدا
ايه علاقه الموضوع الاول بالتانى .. لخبطتينى دلوقت الموضوع الاول المفروض فى العام والموضوع التانى فى الاسلامى أعمل ايه انا بقى

ضبطيهم زى ما تحبى يا ميروو وانقلى الاول للعام مفيش مشاكل

[الملاك الضاحك]

جزاكى الله خيرا يا ميرو