أراكِ اليوم .. قصيدة مهداة للدكتورة آية فاروق بمناسبة نجاح مسرحية على الزيبق

[M.Hegazy]

رأيتك اليوم ،،،
كما لم أركِ من قبل ،،،
زوجة وفية حنونة ،،
و أمـــــــــــًا مُحِبّــةْ ..

***********

تصدق النصح لزوجها ،،
تقلق من أجله ،،
و ترعـــــــــاهُ ،،
و تنير له دربهْ

***********

تخاف على ابنها ،،
و من أجله تفعل المستحيل ،،
و إن كان صعبـــا

***********

مات زوجها غدرا ،،
و باتت أرملة تحمل رضيعها ،،
و قلق الدنيا في عينها ،،
فماذا تفعل ؟؟!!
نعم
لقد أحسنت تربيته و غرست الخير
في
قلبــــهْ

***********

بالخير أصبح يمشي بين العباد
يغير أحوال البلاد
يتمرد علا الذل و الاستعباد
و ذل الأسياد
إلى أصبح عليــًا الزئبق
ألد الأنداد

***********

و يعيد التاريخ نفسه
فيدعوه ملك الأمصار
ليعينه مع ثعبانه
الذي نشر في
الفســــاد ،،،

***********

فتعرف الأم ما جرى
يتغير لون وجهها مستنكرا
أيا عليا هذا ما حدث من قبل
فاسمعني و كفاك عناد

***********

يخطيء الابن بتسرعه
فيقع فريسة شرك الخبث
مكيدة النساء ،،،
يوضع على المقلصة ،،
ليدق عنقه ،،
و ينتصر الشر على الخير
هكذا
و بدون عناء ،،

***********
و لكن ،،
من له أم مجنونة ،،
ترتدي كمحاربي الصحراء ،،
و تبث كالأسود الضارية ،،
فابنها خط من الخطوط الحمراء ،،
و لأجله تفعل المستحيل
و إنا كان الموت نصيبها هيا ..

***********
تبكي لحال ابنها و ما آل إليه ،،
تدعو له أن يفيق و لا تدعو عليه ،،
دموعها تحرق خدها ،،
تترك آثارا لن تنسى ،،
فهي زوجة البطل
و أم البطل ..

----------------------------------------------------------

بقلمي

8 - 12 - 2011

و أحب أشكر و أحيي زملائي في الدفعة اللي رفعو راسنا و شرفونا بجد في المسرحية

محمد عزت ( ممثل في دور " كعبورة " ) ، رامي وفا ( كاتب الأشعار ) ، و شاهندة المسيري ( ممثلة في دور " دليلة " ) و طبعا نجمة منتدانا الأدبي ( آية فاروق في دور " فاطمة " ) ..

ربنــــا يوفقكم كمان و كمان يا رب ..

خالص تحياتي ..



Dr.M.Hegazy

[Aya Farouk]

والله ما عارفة أقول ايه !!
انت دايماً مبدع يا د/محمد ومشوفتش حاجة بالجمال دا ليك من فترة ولما أشوف حاجة كدا ! تبقى لمسرحيتنا وكمان لشخصية جسدتها ؟؟
دا أكبر شكر اتوجهلى من امبارح للنهارده ولو انى كنت مضايقة عشان مدتش كل اللى عندى وكان فى هفوات بسيطة كدا .. بس الحمد لله دلوقتى حاسة انى فى السحاب ان الشخصية وصلتلك كدا وشدتك كدا ! كدا رسالتى قدمتها
...
ميرسى أوى على كلامك .. وميرسى انك اخدت من وقتك وحضرت
it meant the world for me
و طبعاً مشكور جدا على الإهداء

[محمد فهمي]

تمام.......
ألف مبروووووووووك
حاجة كويسة والله مشاركة زملائنا نجاحهم...
إلي الأمام..لي الأمام................(أكمل)

[E.Raafat]

روح طيبة جدا من إنسان طيب القلب واسع الأفق وكلمات أكثر من معبرة ويارب دايما من نجاح لنجاح
طبعا أنا مشفتش المسرحية ( فياريت بعد كده يبقى فيه إعلان عن الحاجات دي على المنتدى عشان نقدر نتابع ) بس أنا بثق جدا في إمكانيات نجومنا الكبار وأكيد قدموا شيء فوق الرائع وكانوا نجوما فوق العادة

[M.Hegazy]

دي 3 مسرحية أحضرها لفريق مسرح كلية صيدلة ..

حضرت " حلم الشهيد " و " عين الحياة " و آخر واحدة " على الزيبق " و كانت بحضور الفنانة " انتصار ( بطلة مسلسل راجل و ست ستات ) ،،،

و بصراحة ال3 مسرحيات جامدين جدا جدا و عندنا شباب موهوب جدا ..

ربنا يوفقهم كمان و كمان ..

و على رأسهم طلاب دفعتي العزيزة ..

[Aya Farouk]

تمام.......
ألف مبروووووووووك
حاجة كويسة والله مشاركة زملائنا نجاحهم...
إلي الأمام..لي الأمام................(أكمل)

مسرحية ... مسرحية
ميرسى على مرورك واتمنى انك تكون شوفتها

روح طيبة جدا من إنسان طيب القلب واسع الأفق وكلمات أكثر من معبرة ويارب دايما من نجاح لنجاح
طبعا أنا مشفتش المسرحية ( فياريت بعد كده يبقى فيه إعلان عن الحاجات دي على المنتدى عشان نقدر نتابع ) بس أنا بثق جدا في إمكانيات نجومنا الكبار وأكيد قدموا شيء فوق الرائع وكانوا نجوما فوق العادة

دوكتر محمد فعلا شخصية محترمة جدا ربنا يكرمه
وزعلت انك مشوفتهاش يا دوكتر ابراهيم
انا مجاش فى بالى خالص انى اعمل اعلان فى المنتدى وكمان اتحرجت اعمل اعلان فى المنتدى الأدبى عشان مكنش متكلفة
خصوصا ان فى بانر باسم المسرحية وصورنا متعلق على مدخل الكليه اربعه فى ستة متر ولسا متحاش النهارده الصبح بقاله اسبوع .. بس حضرتك معاك عذرك طبعا عشان اكيد منزلتش الكلية من زمان
يلا متعوضه فى مرات أحسن ان شاء الله
وميرسى عالثقة الغالية

[Nayroz]

جزاك الله خيرا يا دكتور على تعبيرك الجميل عن دور د / آية فى المسرحية امبارح ...
بجد يا دكتورة آية أبدعتى و كنت حساكى أم بمعنى الكلمة ...

بصراحة الكل أجاد التمثيل و استمتعنا بيكم جدا ...

بعض الهفوات زى ما بتقولى كانت موجودة بس مش فى تمثيلكم صدقينى زى مثلا ....

قفلات المشاهد كنت حساها المفروض تبقى أقوى من كدة ...
لان ساعات كنا بنتفاجىء ان المشهد خلص ....
و كمان برده ختام المسرحية برده المفروض كان يبقى أقوى من كده ...
إحنا فجأة لاقيناها خلصت ...

و ده عيب إخراجى مش تمثيلى خالص ...
انتم بجد تفوقتم على نفسكم فى المسرحية دى ....

و طبعا من أكتر الشخصيات اللى حبتها بجد أوى
فاطمة أم على طبعا
و على الزيبق
و مهران
و الشيخ زعتر
و المقدم سنقر الكلبى ...

تحية ليكم جميعا امتعتونا ....

[same7]

تحفه يا ميزو بجد
اكنك بتعيد الدور من تانى
بصراحه كنت مبسوط جدا امبارح
وكنت فرحان كتير خصوصا بموهبتين منهم دكتوره ايه
وطارق محروس بجد ربنا يحميه ويوفقه من نجاح لنجاح يارب ويزودل اللى هوه فيه
بجد كان عمل رائع جدا


بس طبعا لازم انقد
كان ليا نقد خصوصا لبتاع الاضاءه كان بيشتغل والناس لسه مظبطتش اللوكاشن
وكان فى بعض ادوار تانيه فى المسرحيه حسيت قفلاتها مبالغ فيها
وفى مشهد اتأخر بتاع الاضاءه فى قفله خلانى فوقت
بس رجعت اندمجت تانى


وزعلت جدا ان المسرحيه خلصت
قعدت اتوقع انه هيحاول يدخل تانى بعد ما خرجوه بره
وافكر هيدخل ازاى


هوه مينفعش يتعملها جزء تانى

[M.Hegazy]

والله ما عارفة أقول ايه !!
انت دايماً مبدع يا د/محمد ومشوفتش حاجة بالجمال دا ليك من فترة ولما أشوف حاجة كدا ! تبقى لمسرحيتنا وكمان لشخصية جسدتها ؟؟

تسلمي يا د/ آية .. من بعض ما عندكم ..

دا أكبر شكر اتوجهلى من امبارح للنهارده ولو انى كنت مضايقة عشان مدتش كل اللى عندى وكان فى هفوات بسيطة كدا .. بس الحمد لله دلوقتى حاسة انى فى السحاب ان الشخصية وصلتلك كدا وشدتك كدا ! كدا رسالتى قدمتها
...

ميرسى أوى على كلامك .. وميرسى انك اخدت من وقتك وحضرت
it meant the world for me
و طبعاً مشكور جدا على الإهداء

العفو يا د/ آية .. ده أقل واجب نقدمه للمجتهدين اللي زيكو اللي بجد عملو شغل كويس و رفعو راسنا ،، و برضه أداء شاهندة المسيري كان فوق الرائع ،، و عزت ضحكنا قوي ( يخرب عقله فظيييع ) و رامي ما شاء الله عليه غني عن التعريف بأشعاره الجميلة اللي بيمتعنا بيها دايما ..

ربنا يوفقكم و يكرمكم يا رب ..

روح طيبة جدا من إنسان طيب القلب واسع الأفق وكلمات أكثر من معبرة ويارب دايما من نجاح لنجاح
طبعا أنا مشفتش المسرحية ( فياريت بعد كده يبقى فيه إعلان عن الحاجات دي على المنتدى عشان نقدر نتابع ) بس أنا بثق جدا في إمكانيات نجومنا الكبار وأكيد قدموا شيء فوق الرائع وكانوا نجوما فوق العادة

تسلم يا د/ رأفت ربنا يعزك يا رب ..

دوك آية بأدائها الرائع ألهمتني بالكلمات دي ،، فلها جزيل الشكر ،، منها و إليها ..

و أكيد طبعا يا د/ رأفت الشباب كانو بجد حاجة تشرف ..

و إن شاء الله المرات الجاية هبقى أعرفكم بالحاجات دي ..

تمام.......
ألف مبروووووووووك
حاجة كويسة والله مشاركة زملائنا نجاحهم...
إلي الأمام..لي الأمام................(أكمل)

شكل الامتحانات مأثرة عليك قوي يا د/ فهمي !!!

متقلقش كلنا كده ..

[Aya Farouk]

جزاك الله خيرا يا دكتور على تعبيرك الجميل عن دور د / آية فى المسرحية امبارح ...
بجد يا دكتورة آية أبدعتى و كنت حساكى أم بمعنى الكلمة ...

بصراحة الكل أجاد التمثيل و استمتعنا بيكم جدا ...

بعض الهفوات زى ما بتقولى كانت موجودة بس مش فى تمثيلكم صدقينى زى مثلا ....

قفلات المشاهد كنت حساها المفروض تبقى أقوى من كدة ...
لان ساعات كنا بنتفاجىء ان المشهد خلص ....
و كمان برده ختام المسرحية برده المفروض كان يبقى أقوى من كده ...
إحنا فجأة لاقيناها خلصت ...

و ده عيب إخراجى مش تمثيلى خالص ...
انتم بجد تفوقتم على نفسكم فى المسرحية دى ....

و طبعا من أكتر الشخصيات اللى حبتها بجد أوى
فاطمة أم على طبعا
و على الزيبق
و مهران
و الشيخ زعتر
و المقدم سنقر الكلبى ...

تحية ليكم جميعا امتعتونا ....

د/نيروز الاول انتى طبعا نورتينااا
ثانياً : بجد مبسوطة من كلامك .. ربنا يكرمك .. الحمد لله ان ادائى وصلك
ثالثا : فعلا النقد اللى بتقولى عليه دا صح جداً بس العذر اللى يشفع لينا ان المخرج "احمد رخا" دا تانى اخراج ليه بعد "عين الحياه" .. وهو طالب فى الفرقه التالته ... يعنى الى حد ما قدم عمل اخراجى كويس
وزى ما كان فى دروبات اخراجيه كان فى مشاهد عالية اوى اخراجيا من وجهة نظرى الشخصية
وادينا كلنا بنتعلم
مشكورة تانى على كلامك يا جميل

تحفه يا ميزو بجد
اكنك بتعيد الدور من تانى
بصراحه كنت مبسوط جدا امبارح
وكنت فرحان كتير خصوصا بموهبتين منهم دكتوره ايه
وطارق محروس بجد ربنا يحميه ويوفقه من نجاح لنجاح يارب ويزودل اللى هوه فيه
بجد كان عمل رائع جدا


بس طبعا لازم انقد
كان ليا نقد خصوصا لبتاع الاضاءه كان بيشتغل والناس لسه مظبطتش اللوكاشن
وكان فى بعض ادوار تانيه فى المسرحيه حسيت قفلاتها مبالغ فيها
وفى مشهد اتأخر بتاع الاضاءه فى قفله خلانى فوقت
بس رجعت اندمجت تانى


وزعلت جدا ان المسرحيه خلصت
قعدت اتوقع انه هيحاول يدخل تانى بعد ما خرجوه بره
وافكر هيدخل ازاى


هوه مينفعش يتعملها جزء تانى

د/ سامح
حضرتك نورتنا
ويشرفنى جداااا كلامك دا .. وسام اعتز بيه
وفعلا كلامك صح .. بس الحمد لله كنا بنتعامل !
احنا معملناش بروفه جينراك على المسرح عشان الديكور اتأخر فكان اللى ماسك الاسبوتات بتاع الضوء يا دوب بيتعامل مع النص اللى فى ايده اللى المخرج معلم عليه الضوء هيبقى امته وعلى مين !
فطبيعى يحصل أخطاء ..
الفينال كان قوى جداً بس فعلا مش عارفه ليه الناس اتفاجئت ان المسرحية خلصت
يلا دا خير اكيييييييد .. والحمد لله انها عدت بسلام رغم اى حاجة حصلت
ويارب نكون شرفناكم