إليكى أغلى صديقاتى .... :)

[Nayroz]

" بسم الله الرحمن الرحيم "
السلام عليكم و رحمة الله و بركاته


كانت تجلس فى المقعد الذى يسبقنى بالصف الثالث الثانوى لم يلفت انتباهى نحوها سوى أمرين :
الأول : أنها كانت كثيرة المذاكرة فى الحصص الاحتياطية ... و الثانى : تواجدها معى فى إحدى مجموعات الفيزياء ..
كما أنها كانت واحدة ضمن مجموعة من الزميلات بالصف .. لم أرغب فالحديث معهم يوما ، و لكنها كانت ذات طبع هادىء مثلى يميل للدعابة الخفيفة ....

تمر الأيام ... أراها كل يوم تلو الأخر و نتقابل بالدرس و لا نرمى حتى السلام ، و لم يخطر لى قط أنها من ستصبح يوما أغلى صديقاتى ... ، و أقرب ما لى على ظهر البسيطة ....

و تمضى الأيام مرة أخرى ، و يجمعنا القدر بذات الكلية - كلية الصيدلة جامعة المنصورة - و تلك الكلية لم تخطر لى يوما أنها ستصبح قدرى و مصيرى فكم حلمت أن أصبح طبيبة بشرية منذ صغرى لأحقق أمل أمى فى ....و ها أنا أرى نفسى ، لا أدرى حقا كيف أصبحت صديقة لأكثر فتاة كنت أبغضها ضمن تلك المجموعة بالثانوية العامة ، فلقد رأيتها عن قرب من الداخل كيفما لم أراها من قبل ، و لمست فيها طيبتها و جميل فكاهتها و طبعها المرح المحب لكل الناس ، و ها أنا رويدا رويدا أصبح جزءا رصينا فى تلك المجموعة التى لطالما انتقضتها ... و لكن لم تصبح بعد أغلى صديقاتى .. أغلى صديقاتى ... ، فرغم أننا كنا نلتقى كل يوم إلا أننا لم نصبح صديقتين مقربتين حتى الآن .... و يمكن تسميتها حينها أنها كانت صديقة صديقتى ....

بالجامعة يتغير الانسان كثيرا ، يمر بالكثير من المواقف الجديدة التى لم يعتادها ، و يفرض عليه القدر تجارب حياتية عديدة و متنوعة لم تكن بالحسبان فى تلك الحياة الأوسع من سابقتها المتغيرة الوتيرة ...أضافة لذلك حداثة السن و قلة التجربة ... يتخبط و يتعلم حتى ينضج فكره و يتزن ...

عجيب القدر أن ما قربها لقلبى أصبح ذات السبب الذى كان من المؤكد - منطقيا - أنه ما سيفرقنا و لكن هذا لم يحدث ، فمن العجيب أيضا أننا أقتربنا أكثر ربما لنفس السبب .. كيف ..!! لا أدرى و لكنى أعلم لما الآن ... لأنى صدقا أحببتها و أحبتنى ، و بعد اختلاف كبير تكاملت روحينا ، و فالكثير يتطابق منطقنا و رأيينا .. رغم أننا نفسيتين على النقيض تماما ، و كثيرا ما خلق الطبع المختلف بيننا الكثير من المشكلات ،و لكننا دوما تخطيناها ... فكلانا أصبح بحرا واسعا يبتلع الأخطاء التى يلقيها الاخر على شاطئيه بل و يرسل بموج أفكاره ليصحح خطأ الآخر ....
و بئر عميق ممتلىء بالاسرار و الافكار لكل منا ، و حصن حصين يحمى كل منا الآخر حتى من نفسه ...

لا أعلم لما كتبت هذا الموضوع ، و قد يبدو للبعض خاويا من المغزى ، و لكن أعزائى هذا حال كل من حاول الحديث عن أغلى الناس إليه ... ، ربما يتذكر كيف جمع القدر بينهم و ألف الله بين قلوبهم ، و لكنه يعجز تماما عن ذكر لما هذا الشخص بالذات ، فكثيرا ما سألتنى صديقتى لما أنا بالذات رغم أن لا شىء يميزها كثيرا عن غيرها .. !!، و لكن هذا رأيها ، أما عنى أنا فلا أعلم ، ربما ليست أحسن من قابلت و لكنى أحببتها و أرتاح لها قلبى ، و سكن لها بالى ... كما أرتاح لى قلبها و سكن لى بالها ، و و جد كل منا الملاذ و المهرب من قسوة الأيام فى قلبينا ، و ووجدت أفكارنا المتوترة و قراراتنا المتسرعة محطة تكرير و تصفية و تصحيح فى كل منا للآخر ... دون أى سبب أو مصلحة شخصية سوى أننا فالله تحابينا ....

بقلمى ...

Nayroz

يوم الثلاثاء 06/12/2011
فى محاضرة الصناعية و أنا بنام ....

أهديها إليكى صديقتى سمسم ..

[sekoseko]

ربنا يخليكى يا نونتى ... كسفتينى

أنا بجد مش عارفة أقول ايه !! .. ربنا يخلينا لبعض
ونفضل جنب بعض دايما فى اللحظات الحلوة .. و اللحظات الصعبة

معلش انتى عارفة مش بعرف اعبر اوى بالكلام
بس انتى اكيد عارفة اد ايه غلاوتك عندى

و بجد عالكلام الحلو ده بس حاسة انه كتير عليا شويتين

[محمد فهمي]

إنه الحب في الله..
الحب من أجل لاشيء..
أدام الله المحبة وزاد الألفة بين قلوبكم...

[dina j]

و عليكم السلام و رحمة الله و بركاته
ما شاء الله و أنا اللى قلت اسمى هيظهر فى الآخر
أدام الله محبتكما و جمعكما فى جنات الفردوس ان شاء الله

[ELANDALEEB]

عن أبي سعيد الخدري رضوان الله عليه قال: قال رسول الله : "إن المتحابين في الله تعالى لترى غرفهم في الجنة كالكوكب الطالع الشرقي أو الغربي. فيقال من هؤلاء؟ فيقال: هؤلاءالمتحابون في الله عز وجل". رواه أحمد برجال الصحيح

اسأل الله ان يجمعكم بهذا الحب فى ظل عرشه

فيه بقى كام نقطة كدة ، نفسى افهمهم وحاسس انى هسمع كلمة " ملكش دعوة "

كما أنها كانت واحدة ضمن مجموعة من الزميلات بالصف .. لم أرغب فالحديث معهم يوما

ياترى ايه السبب !!!

لا أدرى حقا كيف أصبحت صديقة لأكثر فتاة كنت أبغضها ضمن تلك المجموعة بالثانوية العامة

هنا كمان ميزتى صديقتك بأنها اكتر فتاة كنتى تبغضيها
برده .. ياترى ايه السبب !!!

عجيب القدر أن ما قربها لقلبى أصبح ذات السبب الذى كان من المؤكد - منطقيا - أنه ما سيفرقنا و لكن هذا لم يحدث

برده .. ياترى ايه هوا السبب ده !!!

[DR.BIBO]

الله عليكى يانيروز بس بجد انتى برده مقدرتيش توصفى علاقتك انتى وسمسم بما ينبغى لانها اكتر من كده بكتير
واجمل مافيها انكوا قدرتو تكونو روح واحده تترفعو عن كل المشاكل اللى ممكن تهز اى علاقة صداقة
ربنا يسعدكو ويرضيكو ببعض دايما وتكونو دايما نعم العون لبعض

[sekoseko]

فيه بقى كام نقطة كدة ، نفسى افهمهم

ردى يا نونة

الله عليكى يانيروز بس بجد انتى برده مقدرتيش توصفى علاقتك انتى وسمسم بما ينبغى لانها اكتر من كده بكتير
واجمل مافيها انكوا قدرتو تكونو روح واحده تترفعو عن كل المشاكل اللى ممكن تهز اى علاقة صداقة
ربنا يسعدكو ويرضيكو ببعض دايما وتكونو دايما نعم العون لبعض

بس برضو يابيبو احنا لسه بنتخانق و كل حاجة بس ربنا بيقدرنا و نحل مشاكلنا و نتصالح الحمد لله
و ربنا يسعدك انتى كمان ياقمر .. انتى بجد من اكتر الشخصيات الطيبة اللى شفتها فى حياتى
ربنا يكرمك يارب

[Nayroz]

احم احم ....
من الملاحظ ان كل اللى كتبوا مشاركة فالموضوع ده
عدلوا المشاركة و ده غريب مما يسير فضولى لمعرفة السبب ...
ما عدا د/ محمد فهمى

ربنا يخليكى يا نونتى ... كسفتينى

أنا بجد مش عارفة أقول ايه !! .. ربنا يخلينا لبعض
ونفضل جنب بعض دايما فى اللحظات الحلوة .. و اللحظات الصعبة

معلش انتى عارفة مش بعرف اعبر اوى بالكلام
بس انتى اكيد عارفة اد ايه غلاوتك عندى

و بجد عالكلام الحلو ده بس حاسة انه كتير عليا شويتين

متقوليش حاجة ... أنا عارفة كل حاجة عاوزة تقوليها ...
أما كلمة أبغضها ... فانتى عارفة أنا كنت أقصد مين بالذات فالوقت ده و عارفة السبب ...

إنه الحب في الله..

الحب من أجل لاشيء..
أدام الله المحبة وزاد الألفة بين قلوبكم...

اللهم آمين ...
جزاك الله خيرا ...
دايما منورنى علطول ...
تسلم

و عليكم السلام و رحمة الله و بركاته
ما شاء الله و أنا اللى قلت اسمى هيظهر فى الآخر
أدام الله محبتكما و جمعكما فى جنات الفردوس ان شاء الله

اللهم آمين ...

انتى كمان عارفة غلاوتك عندى من قبل ما أعرفك نسيتى الحلم اللى حكتهولك و لا ايه ... !!
نورتينى آخر حاجة بجد ...

عن أبي سعيد الخدري رضوان الله عليه قال: قال رسول الله : "إن المتحابين في الله تعالى لترى غرفهم في الجنة كالكوكب الطالع الشرقي أو الغربي. فيقال من هؤلاء؟ فيقال: هؤلاءالمتحابون في الله عز وجل". رواه أحمد برجال الصحيح

اسأل الله ان يجمعكم بهذا الحب فى ظل عرشه

اللهم آمين ...

فيه بقى كام نقطة كدة ، نفسى افهمهم وحاسس انى هسمع كلمة " ملكش دعوة "

حقيقى كنت متوقعة أن هيخطر فى بال القارىء الاسئلة دى ...
بس متوقعتش بصراحة إن حد هيسألها ...

بس بما انك سألت
فهرد عليك يا دكتور ...

ياترى ايه السبب !!!

هنا كمان ميزتى صديقتك بأنها اكتر فتاة كنتى تبغضيها
برده .. ياترى ايه السبب !!!

لانهم كانوا مختلفين عنى تماما فى كل شىء ...
و بالذات واحدة فيهم ( أول واحدة فيهم اتعرفت عليها ... هى أكتر واحدة كنت بجد مش بحبها ... )
ليه بقى لانها كانت دايما بتضايقنى و بتعتبر هدوئى كانه حاجة وحشة أو عيب فيا ...
و كانت بتتريق عليا بهزار و كنت فالغالب بروح معيطة منها كل يوم من المدرسة ...
خلاص كدة ...
و بسببها كرهت المجموعة كلها ...
ودى اللى انا قصدتها بكلمة أبغضها مش سمسم ...
و علفكرة البنت التانية دى من اعز صديقاتى برده و بحبها جدا جدا ...
و صاحبة صاحبتها أوى أوى ...
و إن شاء الله هعملها موضوع برده بس مش دلوقتى ... لما الالهام يجى ...
عرفتها كويس لما قربت منها بزيادة بجد
و عرفت اد ايه شخصيتها جميلة زى ما ذكرت برده فالموضوع

احنا بنوقع و لا ايه ... ؟؟

برده .. ياترى ايه هوا السبب ده !!!

ده شىء خاص بيا أنا و صاحبتى ...

ملكش دعوة بقى بجد ...

نورت الموضوع يا دكتور ...
يا رب دايما ...
و أهلا بأسئلتك فى أى وقت ...

الله عليكى يانيروز بس بجد انتى برده مقدرتيش توصفى علاقتك انتى وسمسم بما ينبغى لانها اكتر من كده بكتير


واجمل مافيها انكوا قدرتو تكونو روح واحده تترفعو عن كل المشاكل اللى ممكن تهز اى علاقة صداقة

ربنا يسعدكو ويرضيكو ببعض دايما وتكونو دايما نعم العون لبعض

اللهم آمين ..
ربنا يخليكى يا بوب ...
تسلمى ..

[Sara Saso]

-----

نيروزتى الحلوة
مدخلتش المنتدى ده من زماااااان قوى
ومتتخيليش سعادتى كانت ازاى ان أول موضوع اقرأه يكون بقلمك

كعادتك قلتى اللى كان نفسى أقوله لأعز صاحباتى
سؤال محير فعلا كل يوم يمر بيا موقف احتاجهم فيه أفكر فيه لحد النهاردة
وبرضه معنديش اجابة غير انه قدر !!

مليون تحية لقلمك وللصناعية اللى خرجت المشاعر النبيلة دى
وربنا يديم عليكم المحبة فى رضاه

[SHEREIF]

ربنا يديم بينكم المودة والمحبة يارب
ويا دكتورة ما ينفعش نحكم على حد بدون ما نعرفه كويس ونتاكد منه
فى مثل بيقول تعرف فلان .... اه اعرفه ..... عاشرته ؟.... لا.... يبقى ما تعرفوش
وحكمة بتقول لا تصدق كل ما تسمعه ولا نصف ما تراه
يعنى ممكن الواحد يشوف مثلا تصرف واحد تانى هو فى نظره تصرف مش كويس فيحكم عليه بانه سيئ من غير ما يعرف الظروف ولا الاسباب اللى خلته يعمل كدة
ويمكن هو نفسه لو عرف الاسباب يعمل تصرف اوحش منه
مش عارف حضرتك فهمتينى ولا ايه حاسس انى مش قادر اعبر
بس بصراحة موضوع حضرتك ده اكدلى ما اؤمن به