هل توافق على ان نتقدم بطلب لتأجيل امتحانات النظري والانتهاء من جميع امتحانات الشيت قبل يوم 20؟12 ؟؟

[Mai Mostafa]

هل توافق على ان نتقدم بطلب لتأجيل امتحانات النظري والانتهاء من جميع امتحانات الشيت قبل يوم 20؟12 ؟؟


هانشوف نتيجة الاستفتاء ده ان شاء الله وهنتقدم بطلب لإدارة الكلية و ادارة الجامعة و ممكن نوصلها للمجلس الأعلى للجامعات ،، في ناس زمايلنا هيقوموا بالمهمة دي ،، وطبعا ده كله بناء على نتيجة الاستفتاء ده

[د///*مطحونة*\\\]

ايه دة؟
هو فى شيتات هتستمر لبعد 20-12 ؟مش اخرنا الصناعية 20 او قبلها كمان ويبقى خلاص؟

اكيد كلنا هيوافق طبعا على حاجة زى كدة
دة لو حصلت هتبقى معجزة فى زمن المعجزة انه تحصل فيه معجزة زى دى
بس اعتقد برضو صعب يحصل كدة الا اذا كان نفسنا طويل شوية ورخمين فى طلباتنا ومصرين عليها لحد ما تتنفذ
بس ممكن يقولولنا هنظبطكوا فى الامتحانات هتقوم الدنيا تحلو فى عنينا والمعظم هيوافق طبعا ونشرب المقلب كالعادة
وبرضو هيجيبوا امتحانات اصعب من اللى قبلها
.....

[A.Elrayes]

اوافق بشرط تاجيل نهاية الامتحانات ايضا
مينفعش نأجل امتحانات النظري ونتضغط في عدد الايام بين المواد.....يبقي زادت الطين بلة

[Dr.Sanureta.S]

ممكن اوافق في حالة واحدة بس لو الجدول انزاح لكن مش اتغير لكن لو اتغير او الفترة الي بين المواد قلت في الحالة دي مش موافقة طبعا
فإيه الي هيحصل عشان اختار ؟؟؟

-----

ياريت يا جماعة ما يكونش في موافقة عشوائية لأن احنا منعرفش النتائج المترتبة على تأجيل الامتحانات اتمنى ملاحظة كده
ودلوقتي قبل المادة تلات ايام بالعافية احتمال بعد الـتأجيل يقلو الله أعلم
ومتنسوش بردو ان يوم 25 يناير احتمال يحصل اي حاجة ولا حاجة لو الحال في مصر ما تظبطش فبجد اكيد معندناش طاقة لمواد تتأجل الترم التاني

[D_AYOYAA]

ياجماعة مفيش حاجة اسمها هنوافق ع تاجيل الامتحانات و بردو نخلص في نفس اليوم اللي هوا 26 لان دا تحديد من الجامعة مش من الكلية يعني لو اجلتوا الامتحانات و تخلصوا بردو يوم 26 و بردو نفس الايام اجازات يبقى احنا اللي اتظلمنا طيب عالاقل يورونا الجدول يمكن يعجبنا و يبقى الفواصل بين المواد كويسة

اما عن تقديم شيت الصناعية فاصلا مفيش وقت قبل يوم 20 لان عندنا يوم 15 شيت توكسو فيدوبك 4 ايام قبل شيت الصناعية يكفوا بالقوة

[khokha]

اوافق بشرط تاجيل نهاية الامتحانات ايضا
مينفعش نأجل امتحانات النظري ونتضغط في عدد الايام بين المواد.....يبقي زادت الطين بلة

رأيي من رأيك يادكتور لأن لو اجلوها وخلصنا ف نفس الميعاد يبقي هيه هياها مش عملنا حاجه

[Mai Mostafa]

أولا انا كان قصدي ان الجدول هيحصله زي ماهو كدة بالظبط shift ،، وبدل ما نبدأ 28 ونخلص 20 ،، ممكن نبدأ 5 ونخلص 28 ....
ثانيا أنا بعتذر عن الموضوع ده عشان واضح ان احنا بنتعب بدون مقابل ، وان 99% من دفعتنا بيفضلوا انهم يقولولنا لما نعرض عليهم حاجة زي دي جملة واحدة: "" مش هتستفيدوا حاجة ... مستحيل ... محدش طلب منكم ... لو الناس وافقوا يبقى احنا موافقين ""
وناسيين ان احنا لو حاولنا مش حنخسر حاجة ،، بالعكس يمكن طلبنا يتنفذ ، او نوصل لحل وسط يرضي جميع الأطراف ...
انا بس اللي عايزة أقوله ان دي مش خناقة ،، احنا بس اقترحنا اقتراح والناس مكنتش مستعدة تتعب عشانه ، عشان كدة أنا بعتذر ليكم تاني وبقولكم اعتبروا كلامي ده كأن لم يكن ، والاقتراح ده كان حلم عابر ،،

[D_AYOYAA]

أولا انا كان قصدي ان الجدول هيحصله زي ماهو كدة بالظبط shift ،، وبدل ما نبدأ 28 ونخلص 20 ،، ممكن نبدأ 5 ونخلص 28 ....
ثانيا أنا بعتذ

احنا هنبدأ 28 و نخلص 26 ع فكرة

[Mai Mostafa]

احنا هنبدأ 28 و نخلص 26 ع فكرة

مشروع الجدول النهائي بيقول ان احنا هنبدأ 28 ونخلص 20 ،، دة كلام من مكتب العميدة ،، والله أعلم
وعلى فكرة لسة مفيش جدول نهائي نزل

[*محبة رسول الله*]

بسمــــــــــــــ الله
ياريت لو الامتحانات تيجى سهله وبسيطه ومباشرة يبقى احسن الف مرة من انها تتاجل وف الاخر يجيبوها صعبه ويقولولنا كان عندكو وقت

مادة زى الابلايد لو الدكاترة اتصرفوا معانا بنفس اسلوب شيت الميد تيرم يبقى مذاكرة السنه كلها مش هتنفعنا


ياريت حد يقنع الدكاترة انه مفيش وقت للف ف الامتحانات لان اصلا مفيش وقت للمذاكرة وهما عارفين ده كويس جدا

بالتوفيق