احنا هنعمل ايه بقى كده .....!

[da_mysterous]

احنا هنعمل ايه!!!!
يعنى هنتسال فى شفوى العملى التوكسو يوم الاربع ده وانا عندي اصلا سيمينار .. و يوم الاحد ابلايد ...و يوم التلات بارا او ميديسنال او ال 2 ..) و بعدين شييت التوكسو يوم الاربع و خمس ايام بعدها و نمتحن شييت صناعية و الله اعلم الباثولوجى امتى؟!! مع النظرى بتاعه ..
و 8 ايام و نمتحن اول مادة؟؟!!!! لاء و ميديسنال !!!

يا جماعة لازم لاما الامتحانات تتاجل لاما المناهج تقف على كده .. ناس هتقولى انت اللى مزاكرتش وعملت ف نفسك كده اقله لا انا متابع بس فى فتره ف النص وقعت منى بسبب كميه الشيتات والامتحاات الكتير يعنى مادة زى الميديسنال دى ممتحناش ميد ترم فيها و لو الناس زى حالاتى مفتحوهاش يبقى هتاخد اقل واجب 12 يوم ..و لسه فيها اجزاء كتير اوي وفى جزء الانتى كانسر لسه عاوز مراجعه لوحده 3 ايام ولو كده بقى يا اما هيدونا الحاجات شقلب واقلب يا اما مش هتتزاكر زي جزء الكيمو تيرابي
هنعمل ايه؟!!! لازم نحاول ف الموضوع ده ..يا نطلع للعميدة يا نتكلم مع الدكاترة و لو موفقوش الناس تقولهم ف المدرج كفايـــــة مش هنلحق (مع انى يعنى ف تجارب سابقة عارف ان المدرج ده مفيهوش امل و مبيسمعش لحد غير للدكتور ) بس مش عارف....اكييد فى حل
ايه رايكوو انا قلت اخد رايكووو يمكن حد يرد عليا

[the king]

فعلا الي بيحصل كتير ولازم يبقى فيه حـــــــــــــــــــــــــــل اي كان الحل ده لازم نتفق عليه مش هنلحق والله احنا بشــر بردو مش كمبيوتر عشان يستووووعب دا كلو !!!!!!!!

[dr.monalizaa]

لا حاجه هتتاجل ولا حاجه هتتلغي ..
الاحسن ان كل واحد يركز في الورقتين اللي معاه وربنا يسترها

[khokha]

حكايه نقلل المناهج دي انا شايفه انها مش بسهوله....
كل سنه نفس ال بيحصل ده احنا خلاص اتعودنا
بس الفكره اننا اخر سنه وجبنا اخرنا
انا مش داخله دماغي شفوي يوم الاربعاء دي وازاي يقولوا قبلها بيومين وكمان عندنا سيمنار
ربنا يستر بقي ويعدي السنه دي ع خير ان شاء الله

[DR.BIBO]

احنا سالنا دكتورة ناريمان النهارده قالتلنا الشفوى على نظرى العملى هيكون عشوائى ومعليهوش درجات لكن بس عشان يشوفو المستوى العام للدفعة قبل الشيت
لكن تكملة كتاب التوكسو مهمة جدا وعليها درجات
شيت التوكسو بتاع يوم 15 على نظرى العملى وعليه حوالى 30 درجة
امتحانات النظرى هتبدا يوم 28 ديسمبر ان شاء الله علشان فى 9 ايام اجازة ايام الامتحانات منهم ايام الانتخابات والاعادة ويوم 25 يناير واعياد الاقباط

دكتورة ناريمان قالتلنا ان دكتورة ناهد مش عارفة تظبط الجدول ده ازاى بكل ايام الاجازات
ربنا معانا يادكاترة فى مفرمة الامتحانات

[khokha]

يعني اكيد ده مش عليه درجات؟؟
طب وتكمله الكتاب ده هنسلمه امتي ان شاء الله??

[DR.BIBO]

يعني اكيد ده مش عليه درجات؟؟
طب وتكمله الكتاب ده هنسلمه امتي ان شاء الله??

ده كلام دكتورة ناريمان ان الشفوى معليهوش درجات لكن لتقييم مستوى الدفعة عشان الشيت
الكتاب هيتسلم فى السكشن الجاى ان شاء الله

[white light]

ده كلام دكتورة ناريمان ان الشفوى معليهوش درجات لكن لتقييم مستوى الدفعة عشان الشيت
الكتاب هيتسلم فى السكشن الجاى ان شاء الله

ربنا يكرمك يا هبه .............................

نكمل الكتاب عادى مفيهوش مشكله لكن حكايه الشفوى دى ربنا يستر فيها

انا بجد حاسه ان بقالى كتييييييييييييير بمتحن

كل ما نفوق من امتحان نخش فى التانى

وبيقولو رابعه سهله واحنا اصلامش عارفيه نشم نفسنا شويه

[sekoseko]

ده كلام دكتورة ناريمان ان الشفوى معليهوش درجات لكن لتقييم مستوى الدفعة عشان الشيت

طيب يبقى المفروض محدش يذاكر عشان يعرفوا ان مستوى الدفعة عليها
و يجيبوا الشيت سهل بأه على مستوى الدفعة

[Amira]

انا عندى الاسبوع الجاى ان شاء الله

السبت صناعيه ( ان الدكتور قرر يعملنا شيت يعنى )
الاتنين أبلايد
التلات بارا ومديسنال
الخميس شيت التوكسو

أذاكر انا ايه بقى واسيب إيه

انا مع موناليزا .. مفيش حد هيراعى الظروف دى ولا حد هيعملنا حاجه ولا المناهج هتقل .. هى الكليه دى كده من يوم ما دخلنا كل قسم شغال مع نفسه واحنا المفروض نركز فى 500 امتحان فى نفس الوقت !

كل أسبوع نقول هيهدوا علينا شويه عشان المواد المرميه دى وبرضو يطلعولنا امتحان ملوش اى لازمه

الله يسامحهم بقى