هنــــا ،،، هنلحق نفسنا ،، و نراجع سوا إن شاء الله .. ^_^

[M.Hegazy]

بعد التحية و السلام ،،،

طبعا إحنا كلنا بنمر بالحالة دي دلوقتي " " .. أو أغلبنا ..

متضايقين و تركيزنا قليل ،، و حيرانين ،، و عايزين نذاكر و مش عارفين ،،،

و معانا حق فعلا ..

أصل هنذاكر إيه و لا إيه ؟؟

السنة دي اتقل سنة شفتها في حياتي .. كمية مواد علمية بالعبيط كأن كل مادة فيها أكتر من مادة و توسع كبير قوي في الكم و الكيف بتاع كل مادة ..

الواحد هيتجنن و الله !!

طيب ..

دلوقتي بقى ،،، المفروض نستسلم للواقع ده و نرضى بيه ؟؟!!

طب و بعدين ؟؟!!

ما النتيجة في الآخر إننا هناخد على دماغنا

و زي ما بنسمع من أبهاتنا : " محدش هينفعك غير نفسك " ..

طب لخص بقى يا عم حجازي و قول إنتا عايز مننا إيه ،،، جاي تفكرنا بخيبتنا التقيلة يعني و لا إنتا عايز إيه يعني ؟؟!!!

بصو يا شباب ،،، إحنا هنحاول و خلو بالكو من كلمة هنحاول دي ،،،

هنحاول نساعد بعض ،،،

و كحال ناس كتير زيي مفتحوش الكتاب خالص أو متأخرين جدا و مش ملاحقين على المذاكرة ،،

أو حتى اللي مذاكر نص نص و مفيش مانع اللي مذاكر كويس ..

كلـــــــــــــــنا .. نبدأ و من النهاردة نذاكر مع بعض و كأننا لسه في أول السنة ..

هيجي حد يقولي : لا يا راجل إنتا بتهزر ؟؟ صح ؟؟ ده كلها كام يوم و نمتحن نص السنة ..


أرد و أقول :




من الآخر كده .. إحنا هنقول مع بعض :



" باسم الله ، توكلت على الله ، و لا حول و لا قوة إلا بالله العلي العظيم " ،، و ننوي نية خير ،، و التوفيق من عند ربنا إن شاء الله ..

فكرة إننا نبدأ مراجعة مع بعضنا ده هيساعدنا في حاجات كتير ،،

أولا و أهم حاجة : إحساس إني مش لوحدي بذاكر و إن الكل مضغوط و بيشتغل و عايز ينجر ،، هيخليني أذاكر و يشجعني على إني أحاول أخلص ،، و هيخلق جو منافسة حلو قوي ..

ثانيا : اللي مش فاهم حاجة أو سقطت منه حاجة في النص أو عنده سؤال ،، هنحاول نستفيد من خبرات بعض هنا ،، و هنساعد بعض إن شاء الله ..

الفكرة بقى كالتالي :

- كل يوم بإذن الله هنزل بوست هنا هقول فيه على المحاضرات اللي هنذاكرها مع بعض هنا ..

اللي حابب يذاكر معانا ماشي ،، اللي حابب يكون معانا و يذاكر حاجات تانية مفيش مشكلة ..

بس أهم حاجة ،، لما نقول هنذاكر النهاردة واحد و اتنين و تلاتة ،، يبقى نموت نفسنا فعلا و نعمل كده بإذن الله ..


- هنجتمع بقى في آخر اليوم ( الساعة 12 بالليل مثلا أو تاني يوم الصبح ) نقعد نص ساعة أو ساعة ،، نتطمن على بعض و اللي خلص يقول إنه خلص ،، و اللي عنده سؤال على الأجزاء اللي ذاكرناها يسألها و نحاول نجاوبه و نساعده و هكذا ..


فيه ناس هتقول و مواعيد الامتحانات مختلفة عندنا و في ناس مش هتلحق و كده ..

بصو يا دكاترة ..

أنا راعيت في الجدول ده إنه قبل أي امتحان عملي هيبقى فيه يوم كامل نراجع فيه على العملي لوحده بس ..

يعني مثلا : أنا عندي امتحان عملي ميكرو يوم الأحد ،، هذاكر السبت للامتحان ده ،، و الناس اللي معندهاش امتحان في اليوم ده ،، تشوف الجدول بتاع المراجعة ،، لو متأخرين هيلحقونا ..

اتمنى الفكرة تكون كويسة و تفيدنا كلنا ..

لأننا بصراحة في أمسّ الحاجة لأي شيء يساعدنا في الفترة العصيبة دي ..





نبدأ على بركة الله بأول يوم اللي هوا النهاردة :


هنذاكر الحاجات دي بإذن الله

1. د/ ثنــــاء - المحاضرة الأولى .

2. د/ الشابوري - المحاضرة الأولى .

3. د/ شيرين ( تحليلية ) - المحاضرة الأولى .

4. د/ محيي ( تحليلية ) - المحاضرة الأولى .


بالتوفيق للجميع إن شاء الله ..




و ألقاكم مساء اليوم بمشيئة الله ..


&



Dr.M.Hegazy

[ahmedazab]

على بركـــــــــــه الله

[منى امجد]

تمام معاكو بس يكون فى اسئله على كل جزء ونتابع على طول ان شاء الله

[M.Hegazy]

النهاردة هنذاكر الحاجات دي بإذن الله :

1. د/ علي ماهر ( عضوية ) - المحاضرات : 1 و 2 و 3

2. د/ صفوت ( عقاقير ) - المحاضرات : 1 و 2

3. د/ منى ( عقاقير ) - المحاضرة الأولى .



&



Dr.M.Hegazy

[* lovely heart *]

اوكى يادكتور مع حضرتك
بس ممكن اضيف حاجة على الاقل مثلا
نحاول نقرا النهاردة مجرد قراءة بس على عملى الميكرو عشان الناس اللى عندها امتحانات الاحد القادم واحنا عندنا مراجعة ميكرو فاكيد محتاجين نبقى واقفين فى السكشن فاهمين هنراجع ايه وعشان نخفف من جدول العملى وامتحاناته علينا شوية ومو نكركب علينا شئ اكيد الاكتريه بيذاكروا عملى الميكرو وبيحضروله النهاردة ولا ايييييييييييييه؟؟
هستنى تعقيبكم ياجماعة ولو حد عندة اعتراض خلاص نكمل على جدول دكتور محمد عادى
وفقكم الله لما يحبة ويرضاه

[الواثقة بالله]

اوكى يادكتور مع حضرتك
بس ممكن اضيف حاجة على الاقل مثلا
نحاول نقرا النهاردة مجرد قراءة بس على عملى الميكرو عشان الناس اللى عندها امتحانات الاحد القادم واحنا عندنا مراجعة ميكرو فاكيد محتاجين نبقى واقفين فى السكشن فاهمين هنراجع ايه وعشان نخفف من جدول العملى وامتحاناته علينا شوية ومو نكركب علينا شئ اكيد الاكتريه بيذاكروا عملى الميكرو وبيحضروله النهاردة ولا ايييييييييييييه؟؟

فكرتى ............ هرفع عليكى قضية علشان حقوق الملكية الفكرية وابهدلك فى المحاكم
انا قلتلك اهو علشان ماتتفاجايش

هستنى تعقيبكم ياجماعة ولو حد عندة اعتراض خلاص نكمل على جدول دكتور محمد عادى
وفقكم الله لما يحبة ويرضاه

اولا فكرة رائعة جدا يادكتور وانا اؤيد وبشدة لا \ن فعلا كلنا محتاجين كدة او انا على الاقل الواحد حاسس احساسات غريبة بالترم الغريب دة يللا ربنا يعدية على خير وكل الى يجيبة ربنا كويس
معاكم طبعا ان شاء الله

وانا شايفة كدا بردة اية رايك يادكتور لو كمان علشان حضرتك مش تبوظ الجدول ممكن نحط نعاه كمان اى حاجة من العملى
زى مثلا النهاردة ميكرو كمان وهكذا علشان مانجيش فى امتحانات العملى نلاقى نفسنا ملبوخين فى اليوم الى قبل الامتحان اعتقد ان يوم واحد غير كافى او ممكن كافى للبعض
بس على الاقل علشان النفسية يبقى الواحد مرتاح نفسيا انة بيراجع يعنى ولا اية راى حضرتك ؟؟؟؟؟؟؟؟؟
وعلى العموم لو حضرتك عندك اى افكار احسن احنا موافقين طبعا
كلنا فى مركب واحدة وربنا يوفقنا للخير
وفقكم الله الى مايحبة ويرضاه

[* lovely heart *]

اولا فكرة رائعة جدا يادكتور وانا اؤيد وبشدة لا \ن فعلا كلنا محتاجين كدة او انا على الاقل الواحد حاسس احساسات غريبة بالترم الغريب دة يللا ربنا يعدية على خير وكل الى يجيبة ربنا كويس
معاكم طبعا ان شاء الله

وانا شايفة كدا بردة اية رايك يادكتور لو كمان علشان حضرتك مش تبوظ الجدول ممكن نحط نعاه كمان اى حاجة من العملى
زى مثلا النهاردة ميكرو كمان وهكذا علشان مانجيش فى امتحانات العملى نلاقى نفسنا ملبوخين فى اليوم الى قبل الامتحان اعتقد ان يوم واحد غير كافى او ممكن كافى للبعض
بس على الاقل علشان النفسية يبقى الواحد مرتاح نفسيا انة بيراجع يعنى ولا اية راى حضرتك ؟؟؟؟؟؟؟؟؟
وعلى العموم لو حضرتك عندك اى افكار احسن احنا موافقين طبعا
كلنا فى مركب واحدة وربنا يوفقنا للخير
وفقكم الله الى مايحبة ويرضاه

دة انتى اللى يومك مش معدى هتقاضى مين ياماما انتى مو عارفانه انتى بتكلمى مين ولا ايه اتكلمى على ادك
بس احنا هناخد عملى الميكرو ياحبى ونشيل حاجة من جدول دكتور محمد مثلا دكتورة منى نخليها ففى جدول تانى لانى كدة الجدول هيتقل ام نشوف راى دكتور محمد واللى عاوزة ربنا هيكون ويقدرهولنا ان شاء الرحمن
فى رعاية الله

[M.Hegazy]

براحتكو خالص يا جماعة .. ظبطو وقتكم زي ما إنتو عايزين ..

كده كده الحاجات اللي بعملها في جدول كل يوم مبتخودش من يوم الواحد مننا أكتر من 3 ساعات على بعض بالدقيقة ..

قدامكو بقية اليوم تعملو في أي حاجة تانية إنتو عايزنها ..

و لا إيه رأيكو ؟؟

[* lovely heart *]

ماشى يادكتور ربنا يقدم اللى فيه الخير دايما
توكلنا على الله
بالتوفيق للجميع

[amira89]

والله دى فكرة كويسة جدااااااا
ربنا يوفقكم فها يارب
وعايزة افرح بيكم **باخواتى الصغيرين **