~ لـــعنة الأســـيـاد ~

[dr-aya]

~ لـــعنة الأســـيـاد ~

..

غضبان يا بلدى و الكلام ممنـــوع

ساعة الوضوء بغرق ف نهر دمــوع

شايفك ف محراب الزمن واقفة
قايمة تصلى ... بقلب كله خشــــوع

عشنا سنين يحدفنا موج للموج
نصرخ بصوت .. لكن مهوش مسمـــوع

عايشين ف قلب سجين ....
ما بين ألم و ضلــــوع

كرهنا فيكى الذل ...
و الصمت منَّا مــــــل
و كلامنا كله خضــــوع

نفسى ف حياة للكل
و نهار بريــحــة الفــل
مش حلمى دا مشـــــــــروع!!!!

لما الميدان نادى ...
و اتوحدوا الصفين.....
كان الدعا مرفـــــوع

آن الأوان للنور
يوصِــــــل أمل مقطـــوع

دم الشهيد دا مِــسْــك ..
عــطَّــر جبين موجـــــــوع

نور العيون دا ضــــــى ..
فى الضلمة قاد ف شمــــوع

افرح خلاص يا شعب
الظلم صار مخلــــــوع

قلب الميدان الحــى
بنبض ماله زى
راح يبنى فينا دروع

طار القناع فى الريح
شجر الضمير مجاريح
اصرخ يا شعب فصيح
للكدب لسه فــــــــروع

و لو الحكاية كـــدا
بعد الطريق ما ابـتـدا
يحرم علينا رجـــــــوع

مالحق ياما اتظلم ...
ومهوش جديد الألم
حتى العذاب و الجوع

و القصة أهى بتتعاد

قوموا اسمعوا يا ولاد

دى الأرض لسه بور
و دى لـــعنة الأسياد

ملعون يا نهر الظلم
و يا سارقين الحلم
من كل بيت و بلاد
.................
Aya khedr
( لعنة الأسياد )
26/11/2011
10:30pm
.........

[Mouri Ran]

طار القناع فى الريح
شجر الضمير مجاريح
اصرخ يا شعب فصيح
للكدب لسه فــــــــروع

و لو الحكاية كـــدا
بعد الطريق ما ابـتـدا
يحرم علينا رجـــــــوع

مالحق ياما اتظلم ...
ومهوش جديد الألم
حتى العذاب و الجوع

و القصة أهى بتتعاد

جميييييلة يا د آية

ربنا يحفظ ثورتنا يا رب وميضيعش حق الشهدا

[dr-aya]

جميييييلة يا د آية

ربنا يحفظ ثورتنا يا رب وميضيعش حق الشهدا

يااااااااااااارب يااااااااااااااااااارب

[E.Raafat]

بجد قصيدة تشرف ,, ودا شعر بكل ماني الشعر ,, كلمات سهلة واضحة معبرة ,,, صور أكثر من رائعة ,,, وكلام في المجمل موزون ويدخل الدماغ
بس مش كل اللي ماتوا شهداء ,,,, مينفعش نقول على واحد مات وهو يحاول اقتحام مبنى وزارة الداخلية أو مبنى رئاسة الوزراء شهيد

[محمد فهمي]

جميلة يادكتورة آية....
تنبض بالقيم...
وتمتلئ بالإحساس الصادق..
والعنوان جميل أيضاً..
في انتظار جديدك...
ورحم الله شهدائنا...والمجد لهم..

[dr-aya]

بجد قصيدة تشرف ,, ودا شعر بكل ماني الشعر ,, كلمات سهلة واضحة معبرة ,,, صور أكثر من رائعة ,,, وكلام في المجمل موزون ويدخل الدماغ
بس مش كل اللي ماتوا شهداء ,,,, مينفعش نقول على واحد مات وهو يحاول اقتحام مبنى وزارة الداخلية أو مبنى رئاسة الوزراء شهيد

ميرسى يا دكتور .. دا بس من ذوقك
بالنسبة لهوية الشهدا فأنا مديتش أى اشارة فى كلامى لأى تصنيف ولا توجيه لشخص بعينه ...
ربنا يرحم كل موتى المسلمين ... هو أعلم بالقلوب ...

-----

جميلة يادكتورة آية....
تنبض بالقيم...
وتمتلئ بالإحساس الصادق..
والعنوان جميل أيضاً..
في انتظار جديدك...
ورحم الله شهدائنا...والمجد لهم..

دائماً ذو رونق و طابع خاص يا دكتور .. ربنا يباركلك يارب ... أسعدنى مرورك حقيقى

[SHEREIF]

دى جميلة جدا جدا يا دكتورة
والله حضرتك مبدعة جدا فى الشعر
لازم تحاولى تنشرى كتاباتك دى
انتى اكيد ان شاء الله هاتبقى شاعرة كبيرة وليها اسم رنان فى الوطن العربى كله
وفقك الله واعانك

[Nayroz]

اصرخ يا شعب فصيح
للكدب لسه فــــــــروع

و لو الحكاية كـــدا
بعد الطريق ما ابـتـدا
يحرم علينا رجـــــــوع

مالحق ياما اتظلم ...
ومهوش جديد الألم
حتى العذاب و الجوع

و القصة أهى بتتعاد

قوموا اسمعوا يا ولاد

دى الأرض لسه بور
و دى لـــعنة الأسياد

ملعون يا نهر الظلم
و يا سارقين الحلم
من كل بيت و بلاد
.................
Aya khedr
( لعنة الأسياد )
26/11/2011
10:30pm
.........

yes i like it
تسلم ايديكى و عنيكى يا دكتورة على الكلام الجامد ده ....

[dina j]

ملهاش حل يا آيه و طبعا ده حال كل كتاباتك....ما شاء الله...من ابداع لآخر باذن الله و يا رب المرة اللى جاية نكتب عن انتصار أو حاجة تفرح الكل ان شاء الله

[Aya Farouk]

يويو انتى من الناس اللى بستنى مواضيعها الجديدة
وكل مره بتثبتيلى انك تستحقى الانتظار

جميله جدا يا يوويو ربنا يوفقك
ومنتظرة كل جديدك