مِكَمِّــــلِيــــن

[Mouri Ran]

الســـلام عليكــــم ورحمـــة الله وبــركـــاته

مكملين

لهشـــام الجخ


انا مش من محبيه أوي بس عجبتني جدًا الكلمات دي

+ YouTube Video

للى مش فاهمين نقول ..


للى مش فاهمين نزولنا ..

للى معاشوش ظلمنا ولا قهرنا وحسوش نزول

للى مداقوش مر جوعنا ..

اللى ماناموش فى الشوارع كالدبايح

كملوا بالليل عشاهم بالصفايح ..



للى مش فاهمين مهانة الرجال

قهر الرجال ..

للى بيقولوا علينا حبة عيال ..

احنــا مش حبة عيال.



احنا شوفنا النيل بينشف فى البيوت

واما يجرى …

يتفرش حمام سباحة فى قصر باشا



مستكترين فيا الغضب ..

مانا كنت غرقان فى البشاشه

كنت راضى ببوق مايه واقول دى هنا

كنت ببكى فى القصايد ..

كنت بشتم فى القصايد..

تتقطع ايدى اما قولت حبيبتى ماتت



للى مش فهمين نزولنا فى الشوارع ..

احنا بندور على الحلم اللى ضايع ..

احنا جرينا النفق فى عروق عيالنــا

يكبروا فاهمين حاجات مافهمنهاش..

اقبل انى اعيش عشان حلم وقضيه

بس ماقبلشى انى عمرى يضيع بلاش

مااحنا سيبنلكوا البلد مانصفتوهاش



ماتلوموش على اللى اتعجبن فى المعجنه واللى اتظلم

واذا كنتوا فاكرينا غنمـ .. على حظكم أنا جِدْى فاق

فاكرين زمان حذرتكم

مستنى ايه من طفل رَبُّوه بالزعاق

لَذَا كنتوا فاكرينا غنم

على رزقكم أنا جِدْى فاق

أرزاق..




للى مش فاهمين نزولنا فى الشورع ..

الحكومة عودتنا على الشوارع

بيتتنا فى الشوارع

نيمتنا فى الشوارع

الحكومة قفلت على نفسها كل البيبان

خوفتنا من البيبان ..

فاترمينا كلنا فى حضن الشوارع

اكتر مكان لقيناه امان ..

للى خايفين على البلد لحسن تموت

ماتخافووووش

الموت سكوت ..

واحنا مش فى الخطه اصلا ان بكرة يكون سكوت ..

احنا شايلين حملنا ومكملين ..

بكرة بيشاور علينا واحنا مش مستعجلين

مااحنا لينا كام سنه متكتفين

صابحين فى طين .. نايمين فى طين

احنا بنأسس بلد تسمع شكاوى المظلومين

نشتغل نلقى عرقنا لينا

مش فى جيب النصابين

نشتكى نلقى اللى يسمع شكوة الناس الغلابه الطيبين



احنا بنشكل بلد لاهى خايفة من صوت الاذان

ولا خايفة من ان الكنائس تتبنى

احنا بنشكل وطن عافيان غنى

مش وطن يخدم 15 نفر ويبات جعان

احنا مش عاوزين وطن مزلول مهان

“المصرى مش لايقة عليه كلمة مهان”



يقولك احنا عملنا فوضى

احنا بردوا عملنا فوضى !!

احنا كنا بنتجلد ونعيش ونرضى

واحنا كنا بنتسرق ونعيش ونرضى

كانت الاسعار بتغلى وكنت برضى

والشرطة بتفتشنى عااادى

فى اى وقت فى اى حته وبدون مناسبة

وكنت برضى

والانتخاب من سن كام لسن كام “معرفشى ليه”

وكنت برضى

جاى انهردة تقولى احنا عملنا فوضى



ماسورة الغاز بتقفلها لصعيد بلدك وتل ابيب بتفتحها

مسورة الغاز بتقفلها على ولادك وللاعداء بتفتحها

وناس شقيانه طول الليل عشان لقمه ..

وغالى ياخدها على الجاهز .. اللهى يارب يطفحهــا

وناس تسكن قصور بتدور .. وناس الجوع بيدبحها

وناس بتموت فى الميادين فدى الثوره …

وناس خايفة على مشاعره لنجرحها



احنا هانكمل وهانزق البيبان

يارب انت المستعان

واللى بيقولوا علينا مغيبين ومسطحين وبوابين وبلطجية ومأجورين

قولوا براحتكم .. احنا بردوا مؤدبين

ومسالمين


بس احنا بردوا “مكملين”

[amira89]

جميييييييييييييييييييييلة جدااااااااااااااااااا

[chemist girl]

جميييييله
تسلمي عالنقل

[Aya Farouk]

مش بتحبيه اوى ؟ هههه
أراء بردو
هشام الجخ كان عشقى بجد !
لكن القصيدة دى برغم انها عجبت ناس كتير لكنها مش بنفس مستوى قصايده اللى خلانى احفظهالوا بل فى فترة ما اثر على اسلوبى فى الكتابة !
اتمنى يرجع يكتب تانى زى الأول بس للأسف صعب !
.....
وطبعاااااااااااااااااااااااا مكمليــــــــــــــــــــن

[Mouri Ran]

شكــرًا د أميرة وكيمي على مروركم الجميل

مش بتحبيه اوى ؟ هههه
أراء بردو
هشام الجخ كان عشقى بجد !
لكن القصيدة دى برغم انها عجبت ناس كتير لكنها مش بنفس مستوى قصايده اللى خلانى احفظهالوا بل فى فترة ما اثر على اسلوبى فى الكتابة !
اتمنى يرجع يكتب تانى زى الأول بس للأسف صعب !
.....
وطبعاااااااااااااااااااااااا مكمليــــــــــــــــــــن

مش بحبه لإني مش هاوية شعر عامي وأغلب شعره عامي..

نادر أوي الأشعار العامية تجذبني.. وحتى كمان الشعر الفصيح أكتر حاجة بحبها منه العمودي

ويا سلام لو معلقات أو شعر جاهلي أنا خلاص انقرضت من زمان

شكرًا د آية على مرورك...

[dr.monalizaa]

صحيح شعره عامي ..بس من القلب للقلب
مكملين ان شاء الله لغايه ما نوصل

[Aya Farouk]

شكــرًا د أميرة وكيمي على مروركم الجميل


مش بحبه لإني مش هاوية شعر عامي وأغلب شعره عامي..

نادر أوي الأشعار العامية تجذبني.. وحتى كمان الشعر الفصيح أكتر حاجة بحبها منه العمودي

ويا سلام لو معلقات أو شعر جاهلي أنا خلاص انقرضت من زمان

شكرًا د آية على مرورك...

انتى حالتك صعبة يابنتى
ربنا معاكى انا طبعا بهزر

[Mouri Ran]

صحيح شعره عامي ..بس من القلب للقلب
مكملين ان شاء الله لغايه ما نوصل

إن شــاء الله

شكرًا د موناليزا على مرورك

انتى حالتك صعبة يابنتى
ربنا معاكى انا طبعا بهزر

أنا بقول كدا بردو

[chocolata]

بجد روعه روعه روعه فى تعبيرها مؤسفه جدا فى مرارة حقيقتها
بتخلى بجد البعدا معندهمش ريحه الدم ولا الانسانيه
ربنا يخليكى يا مورى يا قمر على النقل الجميل بجد
انا مش متابعه قصايده كلها لكن بجد دى قصيدة عظيمه بجد
ربنا ينتقم من الظلمه يارب



شيكو

[Dr_Cinderellaaaaa]

جميلة جدااااااااااااااااا .. تسلمى يا مورى على النقل ..
أنا من أشد المعجبين بأشعار هشام الجخ ..
و حفظت حاجات كتيرة ليه ..