نفسك تحب طريق ربنا إدخل معانا الإسطوانة هنا

[طموح صيدلانيه]

السلام عليكم ورحمة الله وبركاته

إخوانى فى الله /أخواتى فى الله

اخبار قلوبكم إيه مع ربنا؟

أنا جبتلكم النهاردة إسطوانة جديدة

لكن إسمها تم إستخدامه قبل كدا

إسمها (فرصـــة عمــرك)

الإسطوانة بسيطة جدا

كان الهدف الوحيد منها

إن قلوبنا تحب طريق ربنا

ماتقلناش فيها نهائى

كلها مقاطع خفيفة

حتى الدروس لو بدأتها مش هتحب تقفلها
الإسطوانة تنفع اكتر للشباب اللى بندعوه لطريق ربنا وخايف
لشباب لسه مترددين لشباب مش حابب الطريق دا
لشباب نفسه يرجع لربنا بس خايف أصل يقولوا عليه متشدد

أنا كنت عاوز أقول بيها

إنك عمرك ماهتلاقى أحلى ولا أجمل من حب ربنا

صدقنى لو عايز تتغير يبأى الطريق يبدأ من إنك تتعرف على ربنا

تعرفه وزى ماالعلماء بيقولوا( محال ان تعرفه ولا تحبه)

ولو حبيته حياتك هيبأى ليها معنى

فالإسطوانة هدفها الوحيد إنك تحس إن الإلتزام مش معناه إنك هتتعقد وهتنعزل عن الدنيا وهتبأى كئيب

أبدا والله..

صدقنى...

طول ماإنتا بعيد عنه فإنتا كئيب ومن جواك ضلمة وحزن

ماتكدبش ..أصلى جربت .لكن بجد لو قربتله هتحس إن حياتك ردت فيها الروح..هتحس إن الضحكة طالعة من قلبك

قلبك اللى سكنه احلى وأجمل حب ..(حب ربنا)

آآآآآه لو حبيته ..كنت حسيت إنك ملكت الدنيا كلها

ياااااااه لو قدرت تسجد وتقوله (انا بحبك أوى يارب)

بجد جملة ليها طعم وإحساس لا يوصف بس لو قولتها من قلبك
دا هدفنا من الإسطوانة

ندخل على وصف الإسطوانـــــــة

الإسطوانة عبارة عن أقسام

*القسم الأول

كلام ربناحبيبــى

ودا جـــواه

*القسم التانى

مقاطع

جواها

*مقاطع مؤثرة

ودى لو سمعتها بجد هتحس بإذن الله إن فيه حاجة جواك إتغيرت

*مقاطع مضحكة

وفيها حاجات بجد تضحك لشيوخنا الكرام

*القسم التالت

*دروس غيرتنى

جواه دروس رائعة أثرت فى ناس كتير ومنها دروس كانت سبب فى إن ناس إتغيرت بجـــد




*القسم الرابع

ياقلبى غنى

جواه

*أغانى أفراح

طبعا إسلامية وهى جميلة جدا وكلماتها رائعة

*أغانى عادية

أما دى بأه فبردو إسلامية لكن بجد بإذن الله هتعجبكو ومنها حاجات جديدة

*القسم الخامس

إقرأ إن أحببت

*القسم السادس والأخير

سكووت هنصوووور

جواه

ملحوظة صغيرة

السهم عند تصويبه لأى قسم يظهر تعليق بخط صغير (إبأى إقراه)
وفيه خلفية صوتية للإسطوانة

هى إسطوانة خفيفة ليس المراد منها تعليمى أو مثلا حملة عن شىء بعينه ولكنها لك اخى حتى ترى دينك بعين أخرى عين محبة

أسأل الله ان يجعل هذا العمل خالصا لوجهه ويتقبله ويعفو عن أى تقصير فيه ويجعله سبب فى هداية عبادة وقربهم منه ومحبتهم له

وما كان فيها من توفيق فمن الله وماكان فيها من خطأ فمنا

رابط التحميل

http://www.mediafire.com/?ezrq8kyo6sf10

دمتم فى امان الله وحفظه

[Amira]

جـزاكِ الله خـيراً

جــارى التحمـيل

[pharmachemist]

جزاكى ربى الخير الكثير .....شكلها فعلا جميله تسلمى يا دكتوره ياريت ما تنسناش فى الحاجات الحلوه دى ........

[طموح صيدلانيه]

جزاكى الله خيرا يا أميرة
جزاكى الله خيرا يا فارمسيست
يارب تعجبكم الإسطوانة

[SHEREIF]

بصراحة اسطوانة جميلة جدا جدا
واول ما بتفتحها بيغنى نشيد لاتحسب ان الدين بعيد عن حب وحياة
نشيد بحبه جداااااااااااا
وفيها دروس ازاى تسعد زوجتك وفيها حاجات جميلة اوى
جزاكى الله خيرا يا دكتورة
ربنا يبارك فى حضرتك يارب

[دعاء الشرقاوى]

[شكرا جزيلا د.طموح ... ربنا يجازيكى خير يارب ويبارك فيكى
جاااااارى التحميـــــــــل