" هـدنــــــة قـلـــــوب " ... خـاطــــرة ..

[ahmedofegypt]

هدنــة قـلــــوب


سدل الغروب استاره ما بين

طريق بسمة و طريق باكى

اتقابلو ف هدنة قلوب

قلب يطمن قلب الشاكى

قالها شايف دمعاتك

حزن بيرقص بين بسماتك

شايف جرح ف حضن هواكى

شايف قلب فى آخر دقة

قسوة كدب بتخنق رقة

هتنسينى نفسى و انساكى

صعب عليا اعدى السور

او اشوف يوم قلبى مكسور

مع انى فى غياب النور

عارفك , شايفك من جواكى



أحـمـــد شـكــــرى

[E.Raafat]

جميلة كالعادة مع إنّي حاسس إنّها موجهه ,,, طب على العموم أسكت أنا أحسن
رائعة يا دكتور وعاوزينك معانا أكتر من كده

[محمد فهمي]

قصيرة شوية..بس جميلة...لاتتغيب كثيراً يادوك...
مع تحياتي..

[princess_of_poetry]

سلمت يمنـــــــاك يا د أحمـــــــد
خفيفه وجميلــــــــــه جدا ما شاء الله
بالتوفيق دائما فى مزيد من الابداعات

[Aya Farouk]

جميـــــلة جــــداً
ويارب الرســـالة تكون وصـــلت

[الواثقة بالله]

جميلة طبعا كالعادة يادكتور
وواضح فعلا انها معبرة وصادقة
سلمت اناملك التى تمتعنا دائما وفى انتظار كل جديد ان شاء الله
وفقك الله الى مايحبة ويرضاه

[amira89]

واضح انها من اعماق قلبك يا دكتور
جميلة جدا

[ahmedofegypt]

جميلة كالعادة مع إنّي حاسس إنّها موجهه ,,, طب على العموم أسكت أنا أحسن
رائعة يا دكتور وعاوزينك معانا أكتر من كده

موجهة على فين ؟ .. ما تقلقش يا ابراهيم ..

تسلم يا حبى .. انا بحاول اتواجد على قد ما اقدر اهو و البركة فيكم ما شاء الله شغل متقن و متميز جداً ربنا يبارك فيكم
-----

قصيرة شوية..بس جميلة...لاتتغيب كثيراً يادوك...
مع تحياتي..

تسلم يا دوك ... أسعدنى مرورك و رأيك

نورت الموضوع حقيقى

-----

سلمت يمنـــــــاك يا د أحمـــــــد
خفيفه وجميلــــــــــه جدا ما شاء الله
بالتوفيق دائما فى مزيد من الابداعات

تسلمى يا دكتورة

كلامك و ذوقك الاجمل

ربنا يبارك فى حضرتك و فى موهبتك الرائعة

-----

جميـــــلة جــــداً
ويارب الرســـالة تكون وصـــلت

يعنى ابراهيم يقول موجهة و حضرتك تقولى الرسالة وصلت ؟ .. هو انا كنت مندمج اوى كده و انا بكتبها ولا ايييه


Thank you

-----

جميلة طبعا كالعادة يادكتور
وواضح فعلا انها معبرة وصادقة
سلمت اناملك التى تمتعنا دائما وفى انتظار كل جديد ان شاء الله
وفقك الله الى مايحبة ويرضاه

دوماً ما اتشرف بمروك العطر و تعليقك ذو الطابع الخاص يا دكتورة ..

ربنا يبارك فيكِ و يرزقك الخير كله

-----

واضح انها من اعماق قلبك يا دكتور
جميلة جدا

انا مش بكتب حاجه الا اذا قدرت احسها كويس و اتقمصها بكل تفاصيلها .. علشان تبقى الكلمات خارجه من القلب فلا تجد ادنى صعوبة فى أن تمس القلوب و لعلها تترك فيها طيب الأثر ..

اسعدنى مرورك د. أمـــيرة

[D.NOOR]

جميــــــــــــــــــــــــــــــــــــــــلة جــــــــــــــــــــــدااااااااا
مع انها صغنونة بس تتعوض فى الجايات بقى
وياريت الجايات تيجى بسرعة

[ahmedofegypt]

جميــــــــــــــــــــــــــــــــــــــــلة جــــــــــــــــــــــدااااااااا
مع انها صغنونة بس تتعوض فى الجايات بقى
وياريت الجايات تيجى بسرعة

كلامك الاجمل يا دكتورة

متشكر جدااا على التشجيع ده و الناس اللى ايديها تعبت من التصفيق دى

دعـــواتك بقى