لمة حلوة
بم انى مش نزلت حاجة من زمان ولو كتبت دلوقت هيكون حزين والناس خلاص زهقت من الحزن فدى حاجة خفيفة كدا كتبتها فى حفلة بنات المنتدى
----------------------------------
الجمع دا مبارك واللمة دى حلوة
وأنا جاية أقول أشعار وفى قلبى كام غنوة
قالوا هنعمل حفلة نلم فيها اخواتنا
قلت أنا هاجى معاكم وهاحكى قصتنا
حبة بنات شربات اتجمعوا فى بيتنا
بيتنا اللى عشنا فيه وقت الشجن والحيرة
بيتنا اللى شوفنا معاه أوقات حلوة كتيرة
ندخل نلاقى دمعة نلاقى بسمة نلاقى حلم جميل
نقول دنيتنا صعبة نلاقى ألف صديق و زميل
ودا مش مجرد كلام اسمع ليا وشوف الدليل
أنا جيت بيتنا لما زاد عليا حزنى واشتد بيا الحال
قلت تحياتى لمن دمر حياتى وخابت يا دنيتى الآمال
دخلت واثقة و لفلى وقالولى حزنك بعد النهارده محال
ومعاهم سندريلا وملاك ولأول مرة دمع الفرح على خدى سال
ولقيت فى بيتى اخوات حبيتهم من قبل ما أعرفهم
حلمت بيهم كتير وكان نفسى فى يوم أشوفهم
واحنا النهارده هنا بنتواعد على المعروف
هنفضل مع بعض دايما والحب طريق مألوف
هنمشى فيه سوى ونتحدى ببسمتنا الظروف
وادى وقتى خلاص انتهى بينكم يا أحبابى
يا حلم جميل حلمته يا اخواتى واصحابى
سلامى يا جمع مبارك ولمة حلوة
خلاص قلت أشعارى وقلبى قال غنوة
رد مع اقتباس
المشاركة الأصلية كتبت بواسطة Aya Farouk
.gif "Fop (29)")
