و بعدين ؟؟

[M.Hegazy]

بسم الله الرحمن الرحيم




الغلط ف مين يا زمن
فيا و لا في الناس التانيين ؟؟

و ذنب مين يا زمن
ذنبي و لا ذنب اللي كانو كويسين

أروح فين يا زمن ؟؟
و لا أروح لمين ؟؟

هوا إيه الصح ؟؟ و يا ترى هوا فين ؟؟

حيارى و تايهين .. بقالنا سنين

من كتر حيرتنا قربنا نبقى مجانين

و عشان إيه ده كله ؟؟ و عشان مين ؟؟

ليه ؟؟

سؤال بيموتني في اللحظة مرتين
أجيب منين عمر يا زمن
العمر لو ضاع أجيبه منين ؟؟

آه يا زمن
حسرة قلبي يغرق في بحرها ملايين

و بعدين يا زمن ؟؟

و بعدين ،،،




تحيـــــــاتي ،،،



Dr.M.Hegazy

[محمد فهمي]

استطعت التعبير عما بداخلك وهذا يكفي وهي نعمة..فلا يستطيع الكثير فعل هذا...
تحياتي لك دوك حجازي...وأزال الله همومنا وأحزاننا..

[**mahasen mohamed fouad**]

آه على قلوب تاهت فى ظلمات الحياه ........سئمت الظلم ولم تعد تدرك للبر منجاه ..........ولكنها لن تياس فما دام فى الكون ربا ستجد يوما بر النجاه ...................ربنا يفرج همك يا دوك وهم المسلمين جميعا ............

[نور الحياة]

ياليت لنا قلوب عامرة بالفرح ولكنها تدمى دماءا من كثرة بكائها
حسرة على قلوب داهت فى دنيا مظلمة

[الملاك الضاحك]

ايه بس الحزن ده كله يا دكتور
هى الدنيا معانده معاك ولا ايه
خليك مع الله وهو وحده القادر على
تفريج همك وإدخال السعاده الى نفسك
لاتقل يارب لى هم كبير
ولكن قل ياهم لى رب كبير
"ومن يتوكل على الله فهو حسبه"

[* lovely heart *]

بسم الله الرحمن الرحيم




الغلط ف مين يا زمن
فيا و لا في الناس التانيين ؟؟

الغلط فينا كلنا وساعات بنغلط من غير مانكون حاسين
وساعات الناس التانيين يجرحوا من غير مايكونوا قاصدين

و ذنب مين يا زمن
ذنبي و لا ذنب اللي كانو كويسين

مدام حاسينا وبدانا نشعر بالذنب يبقى كفاية اعترافنا بيه
وكنا محتاجين نسمعلهم فى وقت ماكانوا حاضرين
وسؤالنا بين نفسنا دة ذنبى ولا ذنب مين دة كفاية علينا اوى انه يحذف شعورنا بيه
مش هنشعر بالذنب ابدا مدام اعترفنا بيه

أروح فين يا زمن ؟؟
و لا أروح لمين ؟؟

[L]اروح للى خلقنا والشكوى لغيرة .......حضرتك سيد العارفين
هو اللى حاسس بينا وشاهد اعمالنا ايه[R]

هوا إيه الصح ؟؟ و يا ترى هوا فين ؟؟

الصح ان احنا نتكلم مع الناس الكويسين واللى هم الناس التانيين
ونسمع بردة الكلمة اللى تخلينا مرتاحين
بس قبل كل هذا لازم نتوكل على رب العالمين

حيارى و تايهين .. بقالنا سنين

من كتر حيرتنا قربنا نبقى مجانين

و عشان إيه ده كله ؟؟ و عشان مين ؟؟

ليه ؟؟
الحيرة احنا اللى عملناها مع ان فى ايدنا حلين
اولا نلجا للى خلقنا وثانيا للناس التانيين
ونفكر مليون مرة فى الكلمة اللى ممكن تجرح ملايين من غير مانكون حاسين

سؤال بيموتني في اللحظة مرتين
أجيب منين عمر يا زمن
العمر لو ضاع أجيبه منين ؟؟

العمر بايد ربنا والزمن دة منه قدرناومش بايدينا غير نحمد الله على اللى رزقنا بيه
دة نصيبنا وقدرنا والصبر يجيب وراه كل اللى نفسنا فيه

آه يا زمن
حسرة قلبي يغرق في بحرها ملايين

الكلمة صعبة قوى وخصوصا لو مرافقة القلب
احنا مو نبقى حسرانين على اى شئ
بايدينا بردة نزيحها ونحط مكانها فرحة بس لازم تبقى فيه القوة اللى تنقذ الملايين
يالهوى فيه ناس بتغرق حد يلحقنا دلوقتى بسرعة بمركبين

و بعدين يا زمن ؟؟

و بعدين ،،،

ولاااااااااااااااااااااااااااااااااااااا قبلين احنا كلنا راضيين
نتمنى رضا الرب والوالدين هم فوق كل شئ


تحيـــــــاتي ،،،
تحياتى لحضرتك يادكتور محمد حجازى


Dr.M.Hegazy

عجبتنى جداااااااااااااااا يادكتور جد وربنا يديم الود والوفاء
وانا اتفق مع راى دكتور محمد فهمى قال اقل كلام وكان فيه العبر
حضرتك عبرت يابختك عقبال الناس التانيين اللى هم كانوا كويسين وان شاء الله يزالوا كويسين
تقبل مورى مع فائق الاحترام والتقدير

دكتورة *lovely heart*من قمام شاشة الممبيوتر

[الواثقة بالله]

بسم الله الرحمن الرحيم




الغلط ف مين يا زمن
فيا و لا في الناس التانيين ؟؟
الغلط علينا كلنا يادكتور لكن كان غلط مين فى الاول دا هنعرفة لما نقعد مع الناس التانيين
ممكن حضرتك تقول كلمة مش واخد بالك منها او متقصدش تزعل حد لكن زعلت الناس التانيين
ولما يزعلو ممكن بقولو حاجة تزعل حضرتك وحضرتك مش واخد بالك انك ممكن تكون قلت حاجة زعلتهم
وهنا تكمن المشكلة .........

و ذنب مين يا زمن
ذنبي و لا ذنب اللي كانو كويسين
مادام كانو كويسين مع حضرتك قبل كدة ان شاء الله هيفضلو كويسين
بس فية سوء تفاهم بس وكفاية ان حضرتك حاسس بالذنب ومازلت ف الحيرة اكيد الناس التانيين بردة حاسيين بالذنب
فنحاول نقعد مع الناس التانيين واحنا هنعرف ان مكنش ذنب حد هو ان شاء الله سوء فهم فى الموضوع بس

أروح فين يا زمن ؟؟
و لا أروح لمين ؟؟
دى طبعا مش محتاجة كلام يادكتور
قال الله عز وجل ( ادعونى استجب لكم ) فية احسن من كدا
انت تسال وتيقن من ان الله معك وسيجيب دعاؤك
(انا عند ظن عبدى بى ان ظن خيرا فلة خير )
كل شىء خير يادكتور حتى لو مش على مزاجنا ( عسى ان تكرهو شيئا وهو خير لكم )
وحضرتك اكيد جربتة قبل كدة

هوا إيه الصح ؟؟ و يا ترى هوا فين ؟؟

حيارى و تايهين .. بقالنا سنين

من كتر حيرتنا قربنا نبقى مجانين

و عشان إيه ده كله ؟؟ و عشان مين ؟؟

ليه ؟؟
كفاية لاحساس دا يادكتور يبين ان الناس التانيين ليهم مكانة كبيرة عند حضرتك
وان شاء الله تستمر يبقى مش سهل كدا يحصل اى مشاكل معاهم فلازم نقعد مع الناس التانيين ونحاول نفهم هو اية الى حصل هنلاقى ان الناس الاولانين والناس التانيين هم الاتنين غلطانيين من غير مايكونو قاصدين


سؤال بيموتني في اللحظة مرتين
أجيب منين عمر يا زمن
العمر لو ضاع أجيبه منين ؟؟
احنا لسة شباب يادكتور
احنا المفروض مانسيبش العمر دا يعدى مننا كدا احنا الى بنختار الى بنعملة
احنا الى فى ايدينا مانضيعش العمر مننا ونستغلة كويس عشان مانندمش علية بعد كدة

آه يا زمن
حسرة قلبي يغرق في بحرها ملايين
اصعب حاجة بجد ان شاء الله مفيش حسرات ولا اى حاجة
حضرتك بس تجرب الدوا السحرى دا وكلة هيبقى تمام ان شاء الله
مازلت مصرة ان حضرتك بايدك تحول كل الحزن والحسرات لسعادة ان شاء الله


و بعدين يا زمن ؟؟

و بعدين ،،،


ولا قبلييييييييييييين
لية حضرتك حاسس ان الزمن والدنيا معاندة مع حضرتك كدة
احنا الى بايدينا نغير كل حاجة بس يكون فية ثقة بالله وارادة وان شاء الله كلة خييييييييير

تحيـــــــاتي ،،،
ولك خالص الشكر والتقدير


Dr.M.Hegazy

اممممممممممممممممم ولو حضرتك معرفتش قولى بس وانا الى اروح اتكلم مع الناس التانيين
واهو الصلح خير

بجد قصيدة راااااااااااااااااااائعة بصرف النظر عن الحزن حضرتك ابدعت فامتعت فعلا
ويكفى ان حضرتك قدرت تعبر عن الى جواك ودا شىء جميل جدا واتمنى القصيدة دى توصل للنا س التانيين
فرج الله كربك وازاح همك ورزقك السعلدة فى الدارين ان شاء الله
وفقك الله الى مايحبة ويرضاه

واسفة جدا جدا جدا على الاطالة
واتمنى تقبل مرورى

[M.Hegazy]

جزاكم الله خيرا كثيرا يا دكاترة ..

بجد لساني عاجز عن الشكر .. و إنتم عندي حاجة غالية قوي و ربنا يعلم ..

و بأحمد ربنا باستمرار على نعمة وجود ناس خييرين زيكم ،، دايما بيذكروني بالخير و بيقفو جنبي في وقت الشدة ،،

و ربنا يسعدكم يا رب و يبعد عنكم أي حاجة وحشة ..

و فعلا فعلا نورتوني جدا و سعيد بكلامكم اللي رفع من روحي المعنوية ..

لكم كل الشكر و التحية و التقدير ..

[Dr_Cinderellaaaaa]

خاطرة رائعة يا دكتور
فرج الله همك و أبعد عنك الحزن والحيرة

[chemist girl]

ياااااااااااه يا د. حجازي ايه الحزن ده.
الخاطره جميله
بس الحزن اللي فيها ده كله صعب ....ربنا يزيح همك