مـــرسال لحبيبتــى_حاجة أتمنى كنت أكتبها !

[Aya Farouk]

قصيدة لأشرف توفيق
غنتها باند مسار اجبارى مع على الهلباوى
ومن ساعتها "وقعت فى غرامها"
وفعلا حاجة كنت أتمنى أكون أنا اللى كتباها

مرسال لحبيبتي


حَبِيبْتِي .. حبيبتي

شرطه مايله

فرااااااغ

وهكتب ليه حروف إسمك ؟

ما هو إنتي في قلبي .. ساكنه القلب عارفه بقصتي وحالي

ومين غيرك في قلبي أكتب له مرسالي

.. أما بعد

مانيش عارف ده جوابي الكام

ماعونتش بحسب الصفحات ماعونتيش بحسب الأقلام

ماعونتش بحسب اللي ضاع من الأوهام .. كفايه إني بحبك بس

وقلبك لو بقلبي حس .. أو شاف حاله في بعادك

لصلي ربه وإستغفر لذنبه وصام

وياما في نفسي .. ياما ياما ياما ياما يامـــــــا

في نفسي .. تيجي لقلبي وتحني

ولازم تعرفي .. إني لا أنا عفريت ولا جني

بحبك بس إيدي أقصر كتير مني .. فمش هقدر أجيبلك من الدهب كفه

وأجيبلك من الياقوووووووووت كفة .. ومش هقدر أجيب الوالي في الزفة

ومش هقدر أجيبلك بيت يموت القطر لو لف في حماه لفه

كفايه إني بحبك مووووووت .. وحب الناس ندامه وعار وحبي عكسهم عفة

و لو ترضي في عندي شروط

أنا طبعاً بحبك موت .. ولكن بردو ليا شروط

أنا عايزك تكوني في الوريد دمه .. وتبقي في عقلي أنا همه

و تبقي ورد جوا القلب غيري يشوفوا يتحسر ولا يشمه

وعايز رمشك الجارح .. سهراط يجرح فؤاد غيري مايرحمشي وأنا أجيلك

أعدي فوق سهراط رمشك ولا أخافشي .. وحتي لو وقعت في يوم من الخبطة

أقع في عنيكي و أتوضي .. وأصلي ركعتين لله

وأبوس نن العنين .. وأمشي لأ أنا طماع ولا في طبعي الأنانية

جناين قلبي راح تفضل .. ولو طال البعاد فاتحه

بحبِـــــــــــك قولتها بالكسره .. نفسي أسمعها بقي بالفتحه

[pharmachemist]

جميله فعلا يا ايويوه زوقق عالى جدا جدا جدا ورقيق قوى ....

[* lovely heart *]

جميلة فعلا يادكتورة
احسنتى الانتقاء
واحنا كمان نتمنالك انك تكتبى الاحسن فالاحسن
دمتى فى تالق ومن تالق لتالق
منتظرين جديدك دائما

[amira89]

فعلا اختيار رااااااااااااائع جدا
سلمت يداكى

[Aya Farouk]

جميله فعلا يا ايويوه زوقق عالى جدا جدا جدا ورقيق قوى ....

تسلمى يا جميل

جميلة فعلا يادكتورة
احسنتى الانتقاء
واحنا كمان نتمنالك انك تكتبى الاحسن فالاحسن
دمتى فى تالق ومن تالق لتالق
منتظرين جديدك دائما

ميرسى يا جميل
نورتى

فعلا اختيار رااااااااااااائع جدا
سلمت يداكى

ميرسى يا جميل

[dr-aya]

حلوة قوى قووووووووى قوووووووووووووووى

[M.Hegazy]

هيا جميلة .. بس أنا قلتلك رأيي يا د. آية ..

المزج بين الدين و الحب شيء أنا شخصيا بانفر منه ..

يعني محبش حد يربط صلاة أو استغفار أو قرآن بكلام حب ..

لأن الحاجات دي مقامها إنها تُذكر في مقام أكبر من كده ..

بس أرجع و أقول - عشان محدش يفتكر إني عقد و لا حاجة - ..

الكلام جميل جدا و مختلف ،، جديد علينا الشكل ده ،، و غالبا ما يكون الاختلاف ميزة ..

حبيت أقول رأيي بس مش أكتر ..

و تسلم الأيادي ..

[Aya Farouk]

حلوة قوى قووووووووى قوووووووووووووووى

ميرسى يا يويو
نورتى

هيا جميلة .. بس أنا قلتلك رأيي يا د. آية ..

المزج بين الدين و الحب شيء أنا شخصيا بانفر منه ..

يعني محبش حد يربط صلاة أو استغفار أو قرآن بكلام حب ..

لأن الحاجات دي مقامها إنها تُذكر في مقام أكبر من كده ..

بس أرجع و أقول - عشان محدش يفتكر إني عقد و لا حاجة - ..

الكلام جميل جدا و مختلف ،، جديد علينا الشكل ده ،، و غالبا ما يكون الاختلاف ميزة ..

حبيت أقول رأيي بس مش أكتر ..

و تسلم الأيادي ..

وزى ما قولتلك هو المزج تم بطريقة غير منافية للأداب المتفق عليها ولا المزج حصل بصورة مسيئة
بس بحترم وجهة نظرك لرفضك للفكرة
ونورت التوبيك يا دوكتر محمد