صناعية ولا بلااااش

[moslma]

كل سنة وانتم طيبين ومن اللحمة قريبين..........وبمناسبة العيييييييييييييييد جبتلكم شئ جدييييييييييد..........بس بدون تريقة قول رايكم بدون تألييييييييييس....
ده جهاز multi pass heater........كنت قاعدة بسمع حصة كده من الحصص اياها فالصناعية وكنت بشرب عصير وانا برمي الشاليمو استخسرته (ههههههههههه)وقلت لازم اطبق بيه فكرة ونظرا لقلة الامكانيات (للقعدة فالمدينة)طلع الجهاز بالشكل ده يارب يكون قدر يوصل الفكرة اللي هاقولها دلوقتي
-----

[A.Elrayes]

تحححححححححححححححححححححححفة ما شاء الله عليكي
جزيتم الجنة

[Mahmoud_Seif]

والله يادكتورة الفكره كويسه وممكن المره الجاية تبقي ع كبير شويه والحاجات دي والله بتوضح الموضوع اكتر

تسلمي يادوكتور

[كليوباترا]

ايه الاختراع الفظيع ده يا مسلمة .. بهرتينى
بجد برافو عليكى أنك فكرتى تعملى حاجه زى دى
يلا استمرى عشان نحط اسمك جنب جراهام بل وأينشتين والعظماء دول

[د/دعاء]

متميزه يا مسلمه كالعاده .......................وربنا يوفقك تحفه بجد

[A.Elrayes]

دا شرح بسيط للرسمة بعد اذن د\مسلمة مع تعديلات بسيطة فالجهاز

....السائل اللي عاوزين نسخنه هايدخل من التيوب رقم واحدهايمشي لفوق طبعا مش هايمر (الخيط حاجز) فهايدخل في الانبوبة اللي رايحة شمال وبعدين يحصل نفس الحكاية ويدخل يمين وبعدين شمال وهكزا لحد ما يطلع من الانبوبة رقم 5

اما بقي البخار اللي المفروض يسخن السائل فبيدخل من الجزئ2 ويطلع لفوق وبعدين تحت وبعدين فوق وهاكزا والمفروض يخرج من رقم 4 بس طبعا في جزئ بيتكثف وبالتالي هاينزل من الجزئ رقم 3 علي هيئة نقط....اثناء تواجد البخار والسائل داخل الجهاز يتم التبادل الحراري بان يفقد البخار طاقته الكامنه (latent heat ) ويعطي الطاقة دي للانابيب اللي هاتمررها للسائل فيسخن


اضغط على الصورة للتكبير

[moslma]

جزاكم الله خيرا يا دكاترة.........يارب بعد توضيح دكتور احمد الفكرة تكون وصلت ولو لسا في اي مشكلة انا تحت امركم..............



احبكم جميعا ف الله
-----
ع فكرة الجهاز ناقصه حاجات كتييييييييييييير بس معلش......يعني كان المفروض ان دي اسطوانة بالعرض مش بالطول يعني كان المفروض اقصرها شويها واعرضها شويتين(بس انا قلت اكشكشها معرضهاش )......وكان المفروض اسقفه وابلطه بس جت كده بقي...وانتوا لما هتذاكروا هتفتكروا شكل الجهاز ف هتسهل عليكم حاجات كتير باذن الله (ده مش زكاء مني لا سمح الله بس انا لقيت جد يفهمني اكتر ويوصلي الفكرة ف قلت انفع بيها غيري ف تجسيم الرسم بالشكل ده)

[Hope1]

و الله منا فاهمة حاجة خاااااااااالص ان شاء الله لما أذاكر أبقي أقرا الكلام تاني بس بغض النظر كتييييييييييير مهضوم .... بتشكرك

[moslma]

تكرمي امنية خانو..........

[dr.monalizaa]

هو الموضوع عن الصناعيه ولا عن المسلسلات التركي
لا بس بجد اي الدماغ النضيفه دي ماشاء الله
عيني عليكي بارده بارده يعني انا اخري مع الشاليمو شويه منحنيات واخرتها الزباله كالعاده