عيد حلمنتيشى ^_^

[dr-aya]

أطفالٌ تقبلُ .. تتنطط

بالونٌ يصعد .. أو يهبط

و وجوهٌ تضحكُ و تزقطط

تتأرجح مع نسمةِ فرحٍ

يعجزُ أن يحكمها منطق

و خروفٌ مسكينٌ جاء

يخبرنا عن خوفٍ مفرط

لا تحزن .. سنخلدُ ذِكرك

المرحومُ بلحمٍ طيب

قد مات شهيداً لم ينطق

هذا عيدٌ هيا لنمرح

و نثورُ على الحزن ليسقط

سأجمِّعُ كل " عيدياتى "

إن كنتَ كبيراً لن تفلت

لكن لا تطلبُها منى !!!!

هذا قولٌ إفكٌ محبط

سبعةُ تكبيراتٍ تأتى

كى تعلنَ عن يومٍ مشرق

و بكل الحب سأتمنى

عيداً مبسوطاً متألق



..................
AYA
6/11/2011
12:04am
.................
قلبت معايا أهنى بالحلمنتيشى ^_^
عيداً مبسوطاً متألق ليكوا كلكوا ياااااااااارب

[M.Hegazy]

و حضرتك بالصحة و السلامة يا رب ..

أنا من أشد معجبين كتابات حضرتك ..

بجد مبدعة و متقنة .. ما شاء الله ..

كل سنة و حضرتك بخير دايما ..

و العيدية 5 نجوم ..

[Mouri Ran]

الله الله

جميلة أوي بجد .. كل سنة وانتي طيبة وعيد سعيد بإذن الله

سبعةُ تكبيراتٍ تأتى

كى تعلنَ عن يومٍ مشرق

و بكل الحب سأتمنى

عيداً مبسوطاً متألق

[* lovely heart *]

عثولة ياايه
ربنا يبارك فيكى على العيد الحلمنتيشى دة
وكل سنة وانتى بالف صحة وسلامة وخير يارب دايما

[ريحانة الجنة]

جميلة ماشاء الله
كل عام وحضرتك بخير

[تابعة محمد]

بسم الله الرحمن الرحيم
جميلة جدا ، بسم الله ما شاء الله .

سأجمِّعُ كل " عيدياتى "
إن كنتَ كبيراً لن تفلت
لكن لا تطلبُها منى !!!!
هذا قولٌ إفكٌ محبط

ايوه بالظبط كده .......... ديه شغلتى النهارده بس اكيد هرجع بخفى حنين

[a.m.f.n]

عيد سعيد عليكى يا دكتورة آية

ما شاء الله جميييييلة جدا ،،،،


سأجمِّعُ كل " عيدياتى "

إن كنتَ كبيراً لن تفلت

لكن لا تطلبُها منى !!!!

هذا قولٌ إفكٌ محبط

ههههههههه عجبتنى جدا جدا بالتوفيق يا رب

[نعمة]

كل سنة وانتى بالف صحة وسلامة وخير يارب دايما

[كليوباترا]

من يومك مبدعة يا د/أية
كتاباتك كلها ممتازة
ربنا يبارك فيكى،، وكل سنة وأنتى طيبة(( عيد سعيد ))

[DR.BIBO]

جميلة اوى ياايه وحلو جو فرحة العيد بالحلمنتيشى وعايزين عيديه شعرية جديدة
كل سنه وانتى طيبه يا جميل