صفحة 1 من 2 12 الأخيرةالأخيرة
النتائج 1 إلى 10 من 18

الموضوع: ارتجالة ع الماشى ^_^

  1. #1
    Pharma Student
    تاريخ التسجيل
    Nov 2007
    المشاركات
    723

    Smile ارتجالة ع الماشى ^_^



    دى ارتجالات كتبتها اليومين اللى فاتوا

    Hope u EnJoY it


    *****

    موج الحياة واقف ...
    عاملنا مكسوف
    و حجارة عالشاطين....
    راسمه إطار ملفوف
    لو موجة عدت حجر....
    تلقى كتير مصفوف
    بتواصل السكة ..
    من غير ملل و لا خوف
    صابره و بتعاند ...
    قوم بص و إنت تشوف
    موجة الأمل لو ماتت ...
    جاى من وراها ألوف
    ..........

    21/10/2011
    3:50pm
    ............


    كتير بضحك ... و أعديها
    وأقول"ماشي"و"كالعادة"
    ما أصل الدنيا مش واقفة
    و لا لعيوننا محتاجة
    فليه نزعل!!! و ليه نبكي!!!!
    وليه تبقي الحياة سادة !!!!
    و دي و لا حكمة حافظاها....
    ولا عقلي كدا زيادة
    دي هي الفكرة مش أكتر
    بإن الكون .... و لا حاجة
    ......

    24/10/2011
    9:25pm
    ......


    و بكدب مرة ورا مرة ...
    وتسألني إذا حبيت؟؟!!...
    أقول.. معرفش بالمرة !!
    تحاصرني حروف اسمك
    في كل مكان
    و برجع أقول... أهي مرة
    و لا قلبي أنا عاشق
    و لا مشتاق
    و لا حبك و لو مرة
    أعيش مع كذبتي
    و أنسي .....
    و لو شفتك كدا مرة
    ألاقي حنين بيملاني
    بيكبر مرة مع مرة
    يا خوفي لما أقول حبيت......
    متسمعهاش و لا مرة
    .........

    23/10/2011
    8:00pm
    ارتجالة عالماشي من وحي كلمة (مرة) ^_^


    ................


    لما تلاقي حياتك ضلمة .....
    نوَّر قلبك و انت تشوف
    جوا سحابة همك ابكي
    و اطرد من جواك الخوف
    حبة هتفرح ... حبة هتزعل
    حتي الشمس و ليها كسوف
    ازرع حب ف قلب كبير
    و اوعاك تتحجج بظروف
    .............

    1/11/2011
    6:30pm
    .............


    هو عمرٌ سنحياه
    و ليس يحق أن نختار
    هو قدرٌ عرفناه
    و يألو لجنة أو نار
    و قد كنا و قد كانوا
    و تمضي مشيئة الأقدار
    فليس الحب يرجعهم
    و ليس يفيد أي فرار
    فيا من علمتنا ذكرك
    و وحدك تدرك الأسرار
    لترحم كل موتانا
    و تكتبنا مع الأبرار
    ........

    29/10/2011
    11:15am
    .......


    جوا حكاوي العاشقين
    آهات بيملاها حنين
    تموت و ترجع من جديد
    بتعيش و لو عدت سنين
    و بنفتكر طعم الكلام .......
    صوت العيون المجروحين
    أول لقا و أول فراق
    نظرة قمر ساكت حزين
    نسمة شجن ... بسمة أمل
    جوا قلوب مش فرحانين
    ..........

    31/10/2011
    9:55pm
    .......


    بيجي الليل و بياخدني
    و بسرح فيه
    و جوا القلب فيه ذكري
    و شوق عايش كدا مداريه
    يفكرني بحاجات عدت
    و يسأل هي راحت ليه !!!!
    أتوه وأنسي كدا نفسي
    و أظبطله فكلام معقول
    و أقول مهما العيون بعدت
    أكيد البعد مش هيطول
    فيتنهد كدا يعني ......
    كأن كلامي ... مش مقبول
    .......

    30/10/2011
    2:20am
    ......

    كلمة في كلمة و كلمتين
    بتحسهم ... متكررين
    و عيون حياري زهقانين
    و وشوش بتضحك ... فرحانين
    أحلام هنا .. متغربين
    جوا قلوبنا .. مجموعين
    شمس الأمل مهما تغيب
    راجعة .... و لو عدت سنين
    و مهما ننسي الذكريات
    عمره ما ينسانا الحنين
    .........

    29/10/2011
    10:30am
    ......

    .........
    لو يدور الكون دا كله...
    و يختفي شكل المكان
    لو يعاند لو يبدل
    لو يغير فالزمان
    برضه إحنا زي ماحنا
    و مهما كان
    تخرج البسمة و تملا
    قلبنا تاني أمان
    يرجع الحلم يشقشق
    يطرد الليل الجبان
    يبقي ليه أملنا يخاف
    أو يشيب قبل الأوان
    لما يبقي الكون دا كله
    ماشي لكن ....بالميزان
    ...........
    27/10/2011
    1:30am
    ............


    التعديل الأخير تم بواسطة dr-aya ; 03-11-2011 الساعة 12:10 AM سبب آخر: Hope u EnJoY it :)

  2. #2
    Pb Elite
    تاريخ التسجيل
    Apr 2009
    المشاركات
    1,362

    افتراضي

    طبعاً خواطر جاهينية...!!
    ليست ارتجالات..هذه...جماليات..فلسفيات..رائعات..!!
    حضرتك لو استمريتي علي كده...يبقي في خلال شهرين كده ممكن تعملي كتاب...ده تقريباً كل يومين خاطرة....!! (ده قرّ طبعاً..!!)..
    خواطر رائعة جداً جداً....فيها عمق وفلسفة واضحة ونري منها نور الشمس الذي يبدد ظلام..سلمت أناملك..
    ياريت بقه تخبيلنا واحدة أو اتنين كده (حصري) كمشاركة في مجلة اشراقة..

    التعديل الأخير تم بواسطة محمد فهمي ; 03-11-2011 الساعة 01:01 AM

  3. #3
    Pharma Student
    تاريخ التسجيل
    Nov 2007
    المشاركات
    723

    Smile

    طبعاً خواطر جاهينية...!!
    ليست ارتجالات..هذه...جماليات..فلسفيات..رائعات..!!
    خواطر رائعة جداً جداً....فيها عمق وفلسفة واضحة ونري منها نور الشمس الذي يبدد ظلام..سلمت أناملك..

    ربنا يكرمك يا دوك دا أنا على قدى خالص و الله
    دايماً بيسعدنى مرور حضرتك


    حضرتك لو استمريتي علي كده...يبقي في خلال شهرين كده ممكن تعملي كتاب...ده تقريباً كل يومين خاطرة....!! (ده قرّ طبعاً..!!)..
    ههههههههههههههههههه
    هى الحياة Up & Down
    ماشية ب Curve
    مرة أكتب كل يومين و كتير أفضل شهور ممسكش قلم دى تساهيل من عند ربنا مش اجتهاد منى و لا حاجة

    ياريت بقه تخبيلنا واحدة أو اتنين كده (حصري) كمشاركة في مجلة اشراقة.
    It's my pleasure

  4. #4
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    أنا حاسس بكل بكلمة فيها حاسس زي ما يكون اللي كتبها إنسان عنده مش أقل من خمسين سنة لف وشاف واستفاد كم رهيب من الخبرات وكمان الخواطر بينها خيوط رفيعة لكنها واضحة من التواصل يعني ممكن نعتبرها خاطرة واحدة ..
    دمت مبدعة ويارب دايما من نجاح لنجاح وتقبلي مروري

  5. #5
    Pb Elite
    تاريخ التسجيل
    Nov 2007
    المشاركات
    2,342

    افتراضي

    الله عليكى يا ايه بجد مش عارفة اقول ايه عاجبنى اوى جو التفاؤل اللى فى الخواطر

  6. #6
    Pharma Student
    تاريخ التسجيل
    Nov 2007
    المشاركات
    723

    Smile

    اقتباس المشاركة الأصلية كتبت بواسطة Rooose مشاهدة المشاركة
    الله عليكي يا آية رائع رائع رائع،،
    ماشاء الله،،
    و كمان بحب إلقائك أوي،،
    يارب دايما متميزة
    ميرسى يا رونى يا حبيبتى ربنا يخليكى يا رب منورانى و الله

    ......................

    اقتباس المشاركة الأصلية كتبت بواسطة E.Raafat مشاهدة المشاركة
    أنا حاسس بكل بكلمة فيها حاسس زي ما يكون اللي كتبها إنسان عنده مش أقل من خمسين سنة لف وشاف واستفاد كم رهيب من الخبرات وكمان الخواطر بينها خيوط رفيعة لكنها واضحة من التواصل يعني ممكن نعتبرها خاطرة واحدة ..
    دمت مبدعة ويارب دايما من نجاح لنجاح وتقبلي مروري
    دى شهادة أعتز بيها يا دكتور حقيقى
    بغض النظر عن الخمسين سنة يعنى
    بس حضرتك نورتنى بجد


    ...............

    اقتباس المشاركة الأصلية كتبت بواسطة DR.BIBO مشاهدة المشاركة
    الله عليكى يا ايه بجد مش عارفة اقول ايه عاجبنى اوى جو التفاؤل اللى فى الخواطر
    جو التفاؤل بس اللى عاجبك
    بهزر طبعاً .....
    ربنا يخليكى يا رب بحسك دايماً بترفعى معنوياتى و بجد بستنى تعليقك على اللى بكتبه دايماً
    ميرسى ليكى كتيييييييييييير


  7. #7
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة dr-aya مشاهدة المشاركة





    جو التفاؤل بس اللى عاجبك
    بهزر طبعاً .....
    ربنا يخليكى يا رب بحسك دايماً بترفعى معنوياتى و بجد بستنى تعليقك على اللى بكتبه دايماً
    ميرسى ليكى كتيييييييييييير

    ربنا يخليكى ياايه بجد كلامك ده فرحنى كتير بس بخصوص التفاؤل عشان بقيت بحس الناس المتفائلة عملة نادرة اليومين دول بقيت ما بصدق اشوف حد متفائل وانتى ماشاء الله عليكى ادتينى جرعة تفاؤل عاليه

  8. #8
    Pharma Student
    تاريخ التسجيل
    Nov 2007
    المشاركات
    723

    Smile

    اقتباس المشاركة الأصلية كتبت بواسطة DR.BIBO مشاهدة المشاركة
    ربنا يخليكى ياايه بجد كلامك ده فرحنى كتير بس بخصوص التفاؤل عشان بقيت بحس الناس المتفائلة عملة نادرة اليومين دول بقيت ما بصدق اشوف حد متفائل وانتى ماشاء الله عليكى ادتينى جرعة تفاؤل عاليه
    أى خدمة يا بنتى أول ما تحتاجى أى جرعة تفاؤل زورونا تجدوا ما يسركم
    و آدى جرعة إضافية كنت نسيتها إهداء منى ليكى يا ستى شوفتى إحنا معاملتنا حلوة إزاى

    ..............

    جراب القلب صار مليان
    حاجات لو تتنسى و تفوت
    و تخرج من إطار الصوت
    بترجع تانى لعنينا
    بنظرة صمت فى الملكوت
    شريط العمر مهما يمر
    بواقى الذكرى مش بتموت
    ..........

    4:50 PM
    23/9/2011..
    ..........


    بواقى الذكرى مش هتموت
    عشان صاحية بتحيى قلوب
    حياة هتعشيها بإرادتك
    و ثانية بثانية دا المكتوب
    ساعات نفرح ساعات نبكى
    ساعات منشفش أى عيوب
    و لو كانت كدا تحير
    كأنك طفل وسط حروب
    فى يوم هنجمع الحواديت
    و نحكى القصة بالمقلوب
    .........

    1:09 am
    24/9/2011

    ............
    Hope u like it

  9. #9
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة dr-aya مشاهدة المشاركة


    أى خدمة يا بنتى أول ما تحتاجى أى جرعة تفاؤل زورونا تجدوا ما يسركم
    خلاص اول ما احتاج الجرعةهجيلك علطول
    و آدى جرعة إضافية كنت نسيتها إهداء منى ليكى يا ستى شوفتى إحنا معاملتنا حلوة إزاى

    ..............

    جراب القلب صار مليان
    حاجات لو تتنسى و تفوت
    و تخرج من إطار الصوت
    بترجع تانى لعنينا
    بنظرة صمت فى الملكوت
    شريط العمر مهما يمر
    بواقى الذكرى مش بتموت
    ..........

    4:50 PM
    23/9/2011..
    ..........


    بواقى الذكرى مش هتموت
    عشان صاحية بتحيى قلوب
    حياة هتعشيها بإرادتك
    و ثانية بثانية دا المكتوب
    ساعات نفرح ساعات نبكى
    ساعات منشفش أى عيوب
    و لو كانت كدا تحير
    كأنك طفل وسط حروب
    فى يوم هنجمع الحواديت
    و نحكى القصة بالمقلوب
    .........

    1:09 am
    24/9/2011

    ............
    Hope u like it
    هايلة يا ايه ماشاء الله ومرسى على الاهداء ياقمر

  10. #10
    Pharma Student
    تاريخ التسجيل
    Nov 2007
    المشاركات
    723

    Smile

    اقتباس المشاركة الأصلية كتبت بواسطة DR.BIBO مشاهدة المشاركة
    هايلة يا ايه ماشاء الله ومرسى على الاهداء ياقمر

    أى خدمة

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •