خــاطرة ...

[ahmedofegypt]

بسم الله الرحمن الرحيم


دى خاطرة ارتجلتها كده لما قرأت " ضحكة حزينة " لدكتورة آية فاروق .. اتمنى تعجبكم




الضحكة حزنها جوانا

فى الاصل ده حزن القلوب

نروح و نيجى و نفترق

و نتلاقى فى بعدنا م الهروب

يوم ضحكة عالية مجلجلة

و يوم ضحكة تدارى ف الغروب

لو يصفى القلب من جواه

و الصدق فينا يطول مداه

هنلاقى بر لبحرنا .. بين الدروب

و الدمعة لو تبقى ملألأة

فى البعد لو عز اللُقا

هنلاقى السلام وسط الحروب

و نعود للنفوس نحييها

بقلوب روحها فينا .. و روحنا فيها

و البسمة تملى الكون .. و برده نقول يادوب ..




أحــمــــد شـكــــــرى

[محمد فهمي]

حلو قوي...
ده ممكن أسميه " توازن قوي"...قليل من التفائل يكفي...!
جميل يادوك الإرتجال ده.. فهو دليل علي التمكن من الأدوات...!

[ahmedofegypt]

حلو قوي...
ده ممكن أسميه " توازن قوي"...قليل من التفائل يكفي...!
جميل يادوك الإرتجال ده.. فهو دليل علي التمكن من الأدوات...!

قليل من التفائل يكفي...! ..
و لماذا قليل و رب العزة قال فى الحديث القدسى " أنا عند ظن عبدى بى " .. و خير الأنام عليه الصلاة و السلام كان يعجبه الفأل الحسن ..


أسعدنى مرورك العطر و رأيك يا دكتور محمد

[E.Raafat]

الشعر إحساس يا صاحبي وانت بتمتلك بحر لا ينفد من الإحساس والقصيدة وأن كانت مرتجلة بس فيه ناس تانيه عشان تكتب واحدة زيها مش أقل من إسبوع ,,, ربنا يرزقك التفائل والسعادة ويديم عليك فضله

[DR.BIBO]

جميل جدا يادكتور وحلو جو التفاؤل اللى بيدى امل فى الحياه

[A.Elrayes]

مش حلوة بصراحة
مش شايف فيها شعر خالص علي عكس حاجات كتير كنت انت كاتبها قبل كده
احنا ممكن نسميها خاطره فكريه وليست شعريه.....لانها تعرض فكرة بدون شعر.....اسف لو النقض صعب شويه بس محبش شاعر زيك يقل مستواه بالشكل ده فجأه

[Aya Farouk]

مش حلوة بصراحة
مش شايف فيها شعر خالص علي عكس حاجات كتير كنت انت كاتبها قبل كده
احنا ممكن نسميها خاطره فكريه وليست شعريه.....لانها تعرض فكرة بدون شعر.....اسف لو النقض صعب شويه بس محبش شاعر زيك يقل مستواه بالشكل ده فجأه

دى خاطرة ارتجلتها كده لما قرأت " ضحكة حزينة " لدكتورة آية فاروق .. اتمنى تعجبكم

مش محتاجة أوضح حاجة بعد كدا !
لذا "كن منصفاً سيدى القاضى" ..

[A.Elrayes]

مش محتاجة أوضح حاجة بعد كدا !
لذا "كن منصفاً سيدى القاضى" ..

اظن العنوان نفسه اسمه خاطرة
بس الخاطرة ممكن تكون خاطرة فكرية وممكن تكون شعرية زي الخواطر بتاعت د\اية ......التعليقات تدل انها شعريه عشان كده كتبت تعليقي ده
اما بالنسبة لكاظم فانا اتعلم من احمد ومش قاضي عليه

[M.Hegazy]

بما إنك قلت إنها ارتجالة و على السرثيع كمان ..

فالنتيجة هايلة اقترانا بالسرعة في الرد ..

لو صبرت عليها شوية هتطلع أفضل من كده ..

تسلم الأيادي يا د. أحمد ..

تقبل مروري و تحيتي ..

[الملاك الضاحك]

جميله جدا يا دكتور
تسلم ايديك
باركك الله