التعليم عندنا .. ما شاء الله .. اللهم لا حسد
بسم الله الرحمن الرحيم
السلام عليكم ورحمة الله وبركاته
شباب \ بنات الثورة الكرام
ايه مشكلة التعليم عندنا ..
أنا آسفة ؛ قصدى ايه مشااااااااااااااااااااكل التعليم عندنا
تقريبا انه كله غلط فى غلط
يقول آينشتين ؛
(الثقافة هى ما تتعلمه بعد ان تنسى ما تعلمته فى المدرسة ) !!!
لااااااااااااااااااااااااا ..
(الثقافة هى ما تتعلمه مابعد ان تنسى ما تعلمته فى المدرسة وفى الجامعة كمان ) !!!!!!!!!!!
طالب يحكى ما يتذكره من أيام المدرسة ...
(( الآن أسترجع تلك اللحظة .. كنت أجلس وحيدا وخائفا .. أرتدى حاجة غريبة .. لونها بيج .. وزرايرها من ورا زى المجانين .. واسمها *المريلة*(( فى خضم ذكريات تانية ابتدائى ؛ لن أنسى ما حييت ذلك اليوم الشتوى .. كان البرد قارسا ..وهو ما أعطى للحدث عمقه ومغزاه ودلالته .. حيث أصرت الأبلة أن يخلع أحد التلاميذ فى الفصل حذاءه ..
أحمل على ظهرى شنطة جلد جديدة ..مليئة بالكتب ..
تلك اللحظة العجيبة والمدهشة .. لحظة ما بعد طابور الصباح ..
فى اليوم الأول من سنة أولى ابتدائى ..وجوه كثيرة لأطفال مثلى ..
يرتدون نفس الزى الغريب الذى أرتديه !!! .. وعلى ظهورهم نفس الشنط !!! .. يساقون الى فصولهم فى طوابير منتظمة ..
اتنينات وكل واحد ماسك فى ايد زميله !!! .. المدرسون والمدرسات منتشرون ينظمون صعود الأطفال الى فصولهم بخرزانات طويلة ورفيعة وملفوفة بالشكرتون (عشان تلسوع)وكأن قلبى كان حاسس بالمصيبة السودا التى أنا بصددها !!! (اللى هى مصيبة التعليم)
ظللت طوال ذلك اليوم أبكى بدون توقف .. وبدون أن أعرف على وجه التحديد .. لماذا أبكى بالظبط !!!! ))
عشان تمده على رجليه !! ليه؟؟ !! لأنه ماعملش الواجب !!!
الآن نسيت شكله وهو يصرخ وعيلين من الفصل ماسكينه كأنه بيتعذب !!!!!!!
لكن ما لم ولن أنساه نظرته المكسورة أثناء عودته الى دكته وهو يقفز على بلاط الفصل البارد .. برجليه الحمراء الملتهبة من شدة الضرب ..
كان الصمت يتسيد الفصل ..وكان التلميذ قد وصل الى دكته .. وجلس عليها وهو يفتح الكتاب ..ليواصل الحصة والتعليم والبكاء !!!! ))
وهذه هى البداية .. بداية التعليم !!
التعليم فى مصر !!
فى (( الأسطورة التعليمية )) ..يمكنك أن تضمن نهاية منطقية لصالح قوى الشر ضد قوى الخير .. يعنى النهاية تعيسة م الآخر ..!!
ففى مشهد النهاية اللى هو امتحان آخر السنة سوف تتذكر أنك كنت فى منظومة تعليمية فاشلة بالثلث !!!
خصوصا أن الامتحان لا يقيس أى قدرات حقيقية للفرد .. كما أن التعليم لا يؤهله أساسا لأى شىء ..
الموضوع كبيييييييييييييييييير .. بس كل مشكلة وليها حل ..
ايه الحلول من وجهة نظركم ؟؟؟؟؟
وقبل الحلول .. ايه المشاكل ؟؟؟؟
أتمنى من الجميع المشاركة
رد مع اقتباس
طب كويس ان انا هرد عليكي أهه ^_^ كتير مواضيع نايمة للأسف في المنتدى 