كنوز مفقودة

[عاشقة الشهادة]

السلام عليكم ورحمة الله وبركاته
اخى واختى فى الله
هل تعلم ان هناك ................................أوقات كثيرة نقضيها فى المواصلات
فى انتظالر مكروباص
او انتظار تاكسي
وبعد الركوب

نقضى داخل المواصلة مابين ربع او نصف ساعة مالم يكن أكثر
وانت وحظك مع المواصلات
ده لو وقف ورضى يركبك من الأول

:
طب ايه الحل
اليك الحل
سيارة عيون
عيون من الحسنات
عيون على كنز


مفتاح العربية فى شفايفك

عاوز تكسب العربية وتوصل بسرعة
وتتحل مشكلة المواصلات
قول معانا

سبحان الله وبحمده
سبحان الله العظيم
استغفر الله
سبحان الله والحمد لله ولا اله الا الله والله أكبر

خسرت حاجة بل بالعكس كسبت كنز
كبير كبير
هو ذكر الله
لماذا لا نقضى الوقت داخل المواصلات فى ذكر الله بدلا من الفرجة على الناس
لماذا لانقضى فترة انتظار المواصلات فى ذكر العزيز الكريم
سيمر الوقت سريعا ولن تشعر به
وستتمنى ان تتأخر المواصلات ليدوم ذكرك لله
استفد من الوقت وخصص وقت الانتظار للتسابيح
وقت الركوب للاستغفار
أو لذكر أذكار الصباح والمساء
أو لقراءة وردك من القران
ستجد فارقا كبيرا مابين الانظار فى الماضى
والانتظار الان
جرب ولن تخسر شيئا
بل على العكس ستكون من الذاكرين
وباذن الله سيفتح الله عليك من الخير الكثير

[mr_toxic]

جزاكى الله خيرا ياد/عاشقة الشهادة

وما اروع الnick name
الحديث ما معناه
جاء رجل الى رسول الله قال لة دلنى على عمل ولاتشقق على

قال لة رسول الله -لايزال لسانك رطب بذكر الله-

[زهرة الياسمين]

معاك حق تماما يادكتورة
ده انا حسبتها مرة وقعدت اقرا قران وانا مروحة من الكلية لقيتني قرات نص جزء تقريبا!!!(مع اني من المنصورة)
وده شجعني اني اخلي معايا مصحف على طول فى الشنطة

ده غير ان ممكن لما ححد يشوفك بتقرا في الموصلات يتشجع ويقتدي بيك
انا لما شفت واحد بيقرا مره قلت اشمعنى هو انا كمان هاخلى معايا مصحف واغتنم الوقت ده
والشيخ محمد حسين يعقوب كان بيقول: فى ناس بتختم القران ختمة مستقلة في المواصلات
لو الطريق ربع ساعة رايح وربع ساعة راجع يعني نص ساعة على الاقل يوميا
خلي لك ختمة اسمها ختمة المواصلات"
ده غير الوقت الفاضى بين المحاضرات او السكاشن

واجمل مافي الموضوع الذكر
مش بيحتاج مجهود ولا انك تقرا يعني ممكن في الطريق للسكشن ..بين صيدلة القديمة والجديدة...حتى قدام المعمل

وغير ده كله ممكن ببساطة تشغل قران على الموبايل لو عندك الامكانية
انا بستغرب بجد من اللي بيشغلوا اغاني!!

ربنا يهديهم ويهدينا

جزاكم الله خيرا يادكتورة ونفع بكم

[:|©؛°¨¨°؛©الصيدلى الذهبى©]

شكرا يادكتوره على موضوعك هو مفيد جدا وانا فعلا بعمل كده فى رمضان بالذات اما فى الاوقات العاديه مش على طول بس ربنا يكرم ويقوينى ويبقى على طول ان شاء الله
اكرر الشكر مره تانيه لان موضوع زى ده يستاهل الشكر ملايين الملايين من المرات

[ماهيتاب]

جزاكى الله خيرآ يادكتورة
أنا عن نفسى بقول أذكار الصباح والمساء ممكن فى المواصلات وممكن أقرأ قرآن كمان
وربنا يتقبل ويجعله فى ميزان حسناتنا يارب
بشكرك شكرآ جزيلآ

[B@Ssma]

جزاكى الله كل خير .... فعلا حاجات كتييير زى دى الواحد بينساها مع انها ممكن تغنيه عن حاجات تانيه بيعملها ممكن تضره اكتر مابتفيده

ربنا يهدينا للخير جميعا