يا حزني عليكي يا حلم السنين .. !!! - بقلمي

[M.Hegazy]

بسم الله الرحمن الرحيم

السلام عليكم و رحمة الله و بركاته ..

تحية طيبة و بعد ،،،

رسالة لكلية صيدلة .. حلم السنين ..


يا حزني عليكي يا صيدلة بقيتي في النازل

و بين اللعب و الجد ما بقاش فيه حد فاصل


بقى ده اسمه كلام بالذمة .. يا كلية القمة !!!


أنا جايلك عشان العلام .. مش عشان آكل و أضحك و ألعب

و أهيص و أروح المحاضرات أريّح و أنـــــــــــــام !!!



كريم شانتيه المجتمع بقت كوسة و ملوخية ..

و بقينا " صيدلة كافيه " للأنتخة و التسلية ..

لو هيا دي " حرية الثورة " .. بــــلاها حرية ..


يا عيني عليكي يا صيدلة .. يا حزني عليكي يا حلم السنين ..

بقيتي يا أختي مهزلة .. و بقى الجد فيكي مصيبة و قضية !!!

و بقينا عشان بنقول الحق غلطانين ..

الحق حق معروف في كل مكان و على مر السنين ..

" لكل مقام مقال " و بقيتي يا صيدلة خشبة عرض لأي مسرحية !!!



26 . 10 . 2011

بقلمي

Dr.M.Hegazy

[محمد فهمي]

تسلم يادوك...
ولكن لن أعتبر كلماتك رثاء أبداً..فلكل جوادٍ كبوة ولن تتكرر هذه الأمور إن شاء الله..طالما من يقف ويقول لا بأي شكل، ولو كان أضعف الإيمان..
تحياتي لك...

[امانى*]

عندك حق يا دكتور فيما عبرت لكن فى رايي ان الى عنده هدف ومقصد معين بيبقى شغله الشاغل فيه والباقى فرعيات قد يستغنى عنها لكن ما يحدث من البعض هو مابداخلهم من فوضى وفراغ .............لذا على الكليه ان تحتضن طلابها وتغلق ابوابها امام تافيهها

[same7]

حلوه يا بوب

[**mahasen mohamed fouad**]

تسلم ايدك يا دوك .......بقيتى يا صيدله رايحه على فين ؟؟

[Amira]

و بقينا عشان بنقول الحق غلطانين ..

الحق حق معروف في كل مكان و على مر السنين ..

" لكل مقام مقال " و بقيتي يا صيدلة خشبة عرض لأي مسرحية !!!

مش هتتظبط الكليه دى غير فى حاله واحده ...

[Dr_Cinderellaaaaa]

جميلة جدا يا دكتور حجازى
تسلم ايديك
وربنا يستر على الكلية ..
(( بقى ده اسمه كلام بالذمة ؟ يا كلية القمة ؟ ))
فعلا ولا كأننا فى كلية قمة ..
(( وبقيتى يا صيدلة خشبة عرض لأى مسرحية !!! ))
جميلة جدا الجملة الأخيرة دى ..
تقبل مرورى ..

[E.Raafat]

رائعة يادكتور وعندك ألف حق ,,, ولازم منسكتش على المسخرة دي

[د///*مطحونة*\\\]

جاااااااااااامدة جدا يا دكتور
بس ملحوظة الكلية مبقيتش مسرحية من قريب
دى من زمان اوى بس احنا اللى انشغلنا بالدراسة والدرجات ونسينا الاهم
للاسف مسرحية هزلية فصولها لم ولن تنتهى طول ما احنا مكبرين دماغنا بالشكل دة

بس احنا اللى سكتنا
ونستاهل اللى يجرالنا

...

[same7]

للاسف مسرحية هزلية فصولها لم ولن تنتهى طول ما احنا مكبرين دماغنا بالشكل دة

بس احنا اللى سكتنا
ونستاهل اللى يجرالنا
...

بالظبط
هيه دى الخلاصه