فى بيتنا حفلة

[صاحبة القلم الحائر]

لو سمحت يا بابا عندى مشكلة عايز أعرضها عليك

استنى يا ابنى لما أشوف اخواتك وبعدين أفوق ليك

دى حاجتهم أهم منك عايزين يطوّروا من حواليك

حسّوا بينا و بمواجعنا وعايزين يخففوا هموم معاليك

يا بابا مشكلتى كبيرة ومش عارف أعمل أيه فيها

يا ابنى عيش مع اخواتك ومشكلتك دى ارميها

فرفش معاهم فى حفلة رقص وغنا ومطرب معروف هيحيها

ومش هتتعب كتير الحفلة فى ساحة بيتنا هتلاقيها

والدعوة عامة لأهل بيتنا وبيوت جيرانا واللى حواليها

ازاى يا بابا كل ده دا بيتنا كله احترام و وقار

تعبنا عشان نوصله ومفيش مجال للهزار

جينا وكل متاعنا سحاحة وبيكر وكتاب أذكار

دلوقت هنغير متاعنا ونخليه طبلة ومزمار؟!

بلاش الحفلة دى يا بابا وبلاش تصميم واصرار

مش عايز تحضر انت حر أنا اللى بايدى القرار

[DR.BIBO]

[E.Raafat]

رائعة يادكتورة ,,,,, وكلنا معاكي ومتفقين إن اللي بيحصل في الكلية دا مهزلة ,,, بس همه لازم يعرفوا إن القرار بإيدينا إحنا مش بإيديهم
رائعة والموضوع أروع ويارب من تقدم لتقدم دايما

[Amira]

جميـله جــدا
يارب إدارة الكليه تفهم اننا مش موافقين على الكلام الفاضى ده !

[white light]

جميله جدا


حسبى الله ونعم الوكيل

[ريحانة الجنة]

جميلة جدا ومعبرة

حسبى الله ونعم الوكيل

[SHEREIF]

جميـله جــدا
يارب إدارة الكليه تفهم اننا مش موافقين على الكلام الفاضى ده !

بغض النظر عن الموافقة او لا
وبغض النظر عن الصح والغلط كمان
انا فلوسى فين
ازاى ادفع 30الف جنيه فى ساعتين
فى حين اننا بنطالب بتقليل سعر كتاب مش عارفين

[Amira]

بغض النظر عن الموافقة او لا

وبغض النظر عن الصح والغلط كمان
انا فلوسى فين
ازاى ادفع 30الف جنيه فى ساعتين

فى حين اننا بنطالب بتقليل سعر كتاب مش عارفين

ماحنا قولنا
اولويات
الحفله اهم من الطلبه طبعا يعنى من غير نقاش

حسبى الله ونعم الوكيل

[Nayroz]

روعة روعة روعة ...
تسلمى

[Aya Farouk]

حلو التشبيه والفكرة واستخدامها
....
رأى خاص ارجو تقبله :

اللى حصل امبارح كلنا كنا غير موافقين عليه !
مينفعش المنظر دا يبقى ادام كلية "علمية" ليها مكانتها بين كل الكليات
مينفعش وانا ماشيه امبارح متأخر فيها اشوف مناظر بنات وشباب غريبة جدا واتكلمنا مع ناس معظمهم من تجارة واداب !! معرفش ايه اللى جابهم هنا دول
مينفعش يبقى الدخول بختم على الايد زى اللى بيحصل فى الملاهى الليليه بالظبط !
ومكنش فى اشراف من الجيش عالدخول ولا فى ناس جوا بينهم
وكل الحاجز بين الشباب والبنات مترين بأحبال كدا !
..
ولكن عشان مبقاش منافقة !
الحفلة دى لو فى استاد الجماعة وبأماكن للشباب والبنات او فى قاعه فى اى حته "انا هحضرهاا"
الباند اللى طلعت الاول اسمها "ايجى ليونز" دى راااب والاغانى اللى قدموها حسب ما وصلى اتنني عن الثورة وواحده لبلدهم "طنطا" وبس ! والفقرة اللى بعدها اتلغت !
..
انا كمقررة أسرة لازم احس بالتعب اللى الاسره دى عملته لأن انا نفسى كان بيطلع عينى فى التحضر لحفلة فى مدرج فما بالك حفلة بالحجم دا
عشان كدا انا لو مكانهم وكانت الحفلة اتلغت بعد كل دا كان ممكن يجيلى سكتة قلبية .. ومش ببالغ فعلا يا جماعة
الاسبونسرز اللى شايلين الحفلة كانوا ممكن يودوا اصحاب الحفلة فى ستين داهية لو متعملتش
عشان كدا لا مفر انها تتعمل ..
لكن يظل المبدأ ثاااابت انها من البداية انهم يعملوها فى ساحة كليتنا وبدون اشراف من مسئولين غلط غلط غلط

والحمد لله ان الخساير كانت بسيطة ورضت كل الاطراف_الى حد ما_ الفقرة الاولى اتعملت والباند التانى مطلعش
ويارب ما تحصل تانى فى كليتنا وخلاص بقا !