دبلتين وخاتم

[Mimo Atef]

دبلتين وخاتـــــم جمعونا
بعد احزانا م فرقــــــــونا
والناس حوليــــنا نسيونا
وافتكر حلمـى وحلمـــك
اكون فى الكوشة جمبك
واهمس فى ودنك بحبك
واخد ايدك ونرقص ســوا
ونـــفتكر كــلام اول لــقا
وانا ســامـــع احلى غـنا

وافتــكر وانــا جـاى بيــتـك
عشان اقــول عايز ايــــدك
واحلف هصونك واحميكى
واخد بالى دايما عليـــكى
وافتكر لــــحـــظــة حـنـان
وبعــــدها مــــوقف جــنان
وكلمة حب قلنـــاهــا زمان

تخلص رقصــــتنا
واهديكى غنوتنا
واخدك لبــيتــنــا
نــبنى جــنتــنــا
-----------
ده حلم من احلامى
يا ترى هعيـــشه؟!
ولا هتطويه احزانى

[E.Raafat]

إن شاء الله هتعيشه ,,,, جميلة جدا

[امانى*]

جميله جدا جدا يا دكتور

[A.Elrayes]

جميل الكلام وجميل الاحساس وجميل اوي المعاني
يا رب تحقق حلمك ومتحرمناش من كلماتك الرقيقة

[Aya Farouk]

سبحان الله دا مش ميمو اللى اعرفه خالص
mimo is communicating wz his soft side :P

ان شاء الله هتعيشه
بس الخاتمة مش تمااام يا ميمو صغيره اوى وبالنسبالى ضيعت حلاوة الكلام اللى فوقها كان ممكن توصل مخاوفك بصيغة احلى بنائها اقوى مش مجرد خاتمه جبتها
...
عامة جميلة اوى وناعمة جداا
منتظرة جديدك

[محمد فهمي]

جميلة يادكتور ولكن أنتظر الأفضل..
هيا أفرغ لنا من " حقيبة ظهرك "..!!

[M.Hegazy]

ميمو ..

إنتا مية مية ..

و حرام تبطل توري للناس كلماتك الروعة دي ..

بلاش كده يا ميمو ..

طلع اللي تحت البلاطة ..

[chocolata]

mn elakher de ghenwa 3awza la7n tamaaaaaaaaam
we tetghana

gamela we bet3abar 3n 7elm mazal mawgoood gowa el shabab
we khasatan ma3 tashelat elzawag elmota7a zay
se3r eldahab

la2 fe3lan da sho3or gameel mnak we rabena ye7a22holak
be2zn ellah
enta we kol el shabab we elshabaaaat

montazera elgedeeed lak

[Ahmed Elazab]

جمييييييييييييييييييييييييييييييييييييييلة يا كبير وتسلم ايدك