كان نفسي أتعلم

**...مصر...** · 23-10-2011, 11:47 AM

الموضوع هنا إن شاء الله عشان نكتب حاجات كان نفسنا الكلية تهتم بيها وتدرسهالنا بجدية لأن أنا شايفة إن احنا أخدنا حاجات كتيرة أقل أهمية زي الفيزياء مثلا وفي حاجات تانية أهم بكتير ما |أخدنهاش أنا عارفة إن الطبيعي إننا ندور عالمعلومة بعد التخرج بس شعور مؤسف إني بعد خمس سنين في الكلية تعبنا فيهم في المحاضرات والسكاشن والمذاكرة نلاقي حاجات مهمة جدا ما أخدنهاش ..الموضوع ده ياريت يوصل للكلية عشان تجدد مناهجها.. في انتظار مشاركاتكم
-----
مثلا .. ليه الكلية ما درستناش منهج خاص بالتعامل مع مريض الكبد ومريض الفشل الكلوي ( وهم كتير للأسف ) يعني ايه الأدوية الخطر عليهم وإيه الأوية اللي لازم يقللوا جرعتها ...
...... لما نكون في الصيدلية ونصرف دواء ونتسأل إنه لواحدة بترضع ينفع ولا لأ .. ياترى الكلية أفادتنا في الموضوع ده ما أعتقدش

**...مصر...** · 23-10-2011, 06:03 PM

سؤال مثلا ليه بعد خمس سنين قسم العقاقير ما سبناش فيهم وحفظنا اوريجن وكيميكال تيست ورسمنا رسومات وبعد دا كله عايزة أعرف القهوة والكركديه بيعلوا الضغط ولا يخفضوه ؟؟
طب سؤال كمان مين الدكتور اللي يقولي أسماء خمس حقن لازم نعمل لهم إختبار حساسية ؟ حد عمره درسنا الحاجة دي مع إن الموضوع خطير ممكن يموت حد أسمع عن دكتورة ادت لجوزها حقنة انسولين ومات منها ..
للأسف الصيدلي المتخرج ناقصه حاجات كتير أوي بتخلي أصحاب صيدليات يجيبوا واحد واخد دبلوم عنده خبرة في الصيدلية عن انه يجيب صيدلي لسة متخرج ...

**asfourelgana** · 23-10-2011, 10:37 PM

اولا تقبلي تحياتى بجد على الموضوع الرائع ده

ثانيا انتى فعلا معاكى حق الكليه ضيعت مننا وقت كبير اوى في حاجات

كتير اوى وللاسف مش هتفيدنا الوقتي

بس هنعمل ايه بقه؟

بس تعرفي ساعات بقول كده احسن لازم ادور بنفسي واغلط

عشان المعلومه تثبت اكتر ( بس طبعا مش على حساب صحة المريض)

يعني مثلا هما مقالوش ف الكلية ان حقنه الكورتيزون تتاخد ببطئ

بس الحمد لله ربنا ستر

اما بالنسبه لموضوع الحقن اللي ليها اختبار حساسيه

ف اللي اعرفه او يعني اللي عرفته ان ممكن اى حد يكون عنده حساسيه من اى حاجة

لكن الحساسيه بتظهر اكتر مع المضادات الحيويه

**محمد أبوبكر خفاجى** · 24-10-2011, 01:33 PM

فى جزئين مهمين جدا مخدنهمش فى الكلية وللاسف هما اللى المفروض يميزوك كصيدلى عن الاطباء وعن اى حد
drug drug interaction
drug effect on diabetic-hypertensive- pregnant- lactating women
لازم الكليه تدرس الجزئين دول باستفاضة على الاقل اهم من حقوق الانسان اللى محجدش بيعمل بيها دى

**...مصر...** · 24-10-2011, 02:40 PM

وأنا بدور عالنت شوفت المواد اللي بتتدرس لسنة رابعة صيدلة في ليبيا جامعة مصراته المواد
--رقابة نوعية
--صيدلة صناعية

__مشاريع تخرج
--ممارسة صيدلية
--علم السموم
--معايرات احيائية
--اسعافات أولية
--صيدلة سريرية
--كيمياء حيوية سريرية

بصراحة يابختهم

**Amira Said** · 24-10-2011, 03:56 PM

المهم المحتوى العلمي مش اسم المادة يا دكتورة

**friend** · 24-10-2011, 08:32 PM

فعلا الموضوع ده مهم قوى بس بالنسبه لموضوع الحقن واختبارات الحساسيه والحاجات دى اصلا المفروض انها اختصاص التمريض اى نعم الوضع بيفرض علينا اننا لازم نكون عارفين بس احنا عارفين ان ده مش صح يعنى مش دى مشكلتنا الاساسيه
لان طلبة كلية الطب برده بيتخرجوا وهم مابيعرفوش يعطوا حقن غير بالتدريب فى المستشفيات وكدا

المشاركة الأصلية كتبت بواسطة محمد أبوبكر خفاجى

فى جزئين مهمين جدا مخدنهمش فى الكلية وللاسف هما اللى المفروض يميزوك كصيدلى عن الاطباء وعن اى حد
drug drug interaction
drug effect on diabetic-hypertensive- pregnant- lactating women
لازم الكليه تدرس الجزئين دول باستفاضة على الاقل اهم من حقوق الانسان اللى محجدش بيعمل بيها دى

بس فعلا الجزئيتين اللى الدكتور بيقولهم دول مهمين قوى لانهم من الاخر هم اللى المفروض بيفرقوا بين الطبيب والصيدلى
يعنى انا لما باجى ادافع عن مهنتى بقول اصل الصيادله اكثر الناس معرفه بالادويه وتركيبها الكيميائى وتفاعلاتها الدوائيه وكدا بس للاسف احنا بندرس حاجات كتير مش مهمه ومابندرسش الحاجات المهمه او بندرسها بس مش بااهتمام
يعنى انا افتكر ان احنا اخدنا موضوع
drug drug interactionsمره واحده بس فى اولى وكانت حاجات بسيطه قوى فى الوقت اللى كنا بناخد فيه موضوع زى chromatography كل سنه تقريبا

ومش عارفه لازمته ايه اصلا

**محمد أبوبكر خفاجى** · 26-10-2011, 03:05 PM

المشاركة الأصلية كتبت بواسطة friend

فعلا الموضوع ده مهم قوى بس بالنسبه لموضوع الحقن واختبارات الحساسيه والحاجات دى اصلا المفروض انها اختصاص التمريض اى نعم الوضع بيفرض علينا اننا لازم نكون عارفين بس احنا عارفين ان ده مش صح يعنى مش دى مشكلتنا الاساسيه
لان طلبة كلية الطب برده بيتخرجوا وهم مابيعرفوش يعطوا حقن غير بالتدريب فى المستشفيات وكدا

بس فعلا الجزئيتين اللى الدكتور بيقولهم دول مهمين قوى لانهم من الاخر هم اللى المفروض بيفرقوا بين الطبيب والصيدلى
يعنى انا لما باجى ادافع عن مهنتى بقول اصل الصيادله اكثر الناس معرفه بالادويه وتركيبها الكيميائى وتفاعلاتها الدوائيه وكدا بس للاسف احنا بندرس حاجات كتير مش مهمه ومابندرسش الحاجات المهمه او بندرسها بس مش بااهتمام
يعنى انا افتكر ان احنا اخدنا موضوع
drug drug interactionsمره واحده بس فى اولى وكانت حاجات بسيطه قوى فى الوقت اللى كنا بناخد فيه موضوع زى chromatography كل سنه تقريبا

ومش عارفه لازمته ايه اصلا

لا مهو بعد الدراسة والبحت اكتشفت اخير ان الكروماتوجرافى هى المدخل الرئيسى لdrug drug interaction عشان كدا كانو بيدوهالنا كل سنة

نتكلم براحتنا بقى محنا اتخرجنا خلاص

**...مصر...** · 27-10-2011, 10:44 AM

شكرا لجميع المشاركات وياريت أي دكتور من اتحاد الطلبة يوصل الموضوع ده لشؤون الطلاب لعل الدفعات اللي بعدنا تستفيد ولو أي حد شايف إن في أجزاء كان نفسه الكلية تدرسهالنا يكتبها هنا

**...مصر...** · 29-10-2011, 01:47 AM

من الحاجات اللي تخليني اتكسف من نفسي لما حد يسألني الدواء ده ينفع لطفل عمره كذا هما عمرهم قالولنا في الكلية الدوا الفلاني بينفع اديه بداية من سن ايه ... ربنا المستعان فعلا يا ريت الكلية تعلمنا الموضوع ده وتعلمنا جرعات أدوية ال otc

الموضوع: كان نفسي أتعلم

أدوات الموضوع

عرض

كان نفسي أتعلم

ضوابط المشاركة