.. الحقيقه والفهلوه ..
موضوع النهارده عن الحقيقه والاستعباط او الفهلوه اى تسميه تحبها
انك تكلم شخص وتكون عايز منه طلب ولا عايز تقوله حاجه وبدل ما تقوله الحقيقه تقول كلام تانى خالص
وده لانك خايف انه يرفضها
او
يمكن الحقيقه دى هتزعله
يعنى مثلا لو فى السكشن ولا المحاضره وزهقان وعايز تخرج
بدل ما تروح تقول للدكتور يا دكتور ممكن استأذن عشان مش مركز او مش هعرف اكمل
تقوله معلش يا دكتور اصل عندى سكشن ولا عايز اشرب ولا هعمل اى حاجه
يبقى واحد صاحبك بيعمل حاجه غلط ولو قولتله انت غلط هيزعل فتفضل انك تسكت
بدل من انه يزعل
وكان ليا صاحب كده
بس كنت بقوله
يبقى رئيس عملك وعايز تاخد اجازه عشان عندك اى ظرف وبدل ما تقوله عشان عندى كذا لانه ممكن ميوافقش
تقوله سبب يقنعه
انا كنت فى الصيدليه وعايز اخد الخميس اجازه عشان اسافر مع اصحابى
وعارف انى لو قولتله كده هيرفض
قولتله عايز اجازه اصل لازم اسافر اسكندريه فى حاجه محدش هيعملها غيرى
ونيجى للبيت بقى
عايز تروح مشوار ولا حاجه وهيرفضوا تخترع اى سبب تانى
هوه الصراحه مزعجه كده؟
والكبار بيعملوا كده ليه؟
ولا الكبار بيحبوا اننا نعمل الحاجه من وراهم؟
مـ انا كده كده هعملها خلاص
وليه اما بنقولهم على الحقيقه بعد فتره يقولولنا طب مقولتش ليه م الاول ؟
وهل اللى بنعمله ده كدب؟
رد مع اقتباس
