حبى لك لن يصل اليه احد !

[امانى*]

.

دعنى افخر بعظمه وجودى
فانا من امه سيد الانام
جائنا مبشرا بعزة الاسلام
جعل النور يملئ الاذهان
هدم الرزيله وبشرنا بالجنان
دعنى افخر برسولى واسلامى
بعد ما كان يجنى العبد البلاء
ببشراه اضحى سيد يسعى للعلاء
نشر الدعوه لتصل كل الانحاء
محا جهل فجعل البشر سواء
دعنى اجهر بمحمد حبيبى
كم انت عظيم لم يصل لشخصك احد
كنت القدوه فى سمات الحب والحنان
تركت ارث جعلنى اشعر بالامان
فى كل حال اجد مايناسب حال الزمان
يقولون امى ولم يصل لعلمك علام
طه انت فى القلب عليك الصلاه والسلام
كم استميت فى التمنى لاراك فى المنام
واخبرك ان رضاك هو اجمل زمام

[chemist girl]

جميله يا دكتوره أماني
وأهلا بيكي فالمنتدى

[Mouri Ran]

وجمعنا بيه في الجنة إن شاء الله


منورة يا أماني

كتابتك جميلة جدًا ويا ريت نشوف لك قصائد أكتر إن شاء الله

[M.Hegazy]

أولا .. تسلم إيدك على الكلام الجميل ده .. و أنا شخصيا باحترم جدا الناس اللي بتكتب اللون الديني في الشعر ..

ثانيا .. و بما إن الموضوع عجبني و حابب أشوفه في أحسن صورة .. نتكلم عليه شوية كده مع بعض ..

.

دعنى افخر بعظمه وجودى
فانا من امه سيد الانام
جائنا مبشرا بعزة الاسلام
جعل النور يملئ الاذهان
هدم الرزيله وبشرنا بالجنان
خطأ إملائي بسيط : الرذيلة ( بالذال و ليس الزاي )

دعنى افخر برسولى واسلامى
بعد ما كان يجنى العبد البلاء
ببشراه اضحى سيد يسعى للعلاء
العلاء : غريبة الكلمة شوية .. ممكن العلياء أو العلا أصح ..

نشر الدعوه لتصل كل الانحاء
محا جهل فجعل البشر سواء
محا جهلاً : مفعول به منصوب بالفتحة ..

دعنى اجهر بمحمد حبيبى
كم انت عظيم لم يصل لشخصك احد
جربي كده تخلي الجملة دي مترتبة بالشكل ده :
كم أنت عظيم !! .. لم يصل لمنزلتك أحد ..

كنت القدوه فى سمات الحب والحنان
عشان الجملة متتطولش و تهرب مننا ، ممكن نشيل كلمة سمات و كمان عشان المعنى يبقى صحيح بدل ( كنت ) نقول ( أنت ) لأن كنت تدل على شيء ماضي و انتهى .. و كلنا عارفين إن النبي عليه الصلاة و السلام كان و ما يزال القدوة ، فحتى لا يفسد المعنى نقول الجملة كالآتي :
أنت القدوة في الحب و الحنان

تركت ارث جعلنى اشعر بالامان
تركت إرثــًا : مفعول به منصوب بالفتحة أيضا ..

فى كل حال اجد مايناسب حال الزمان
الجملة معناه جميل و فهمت إن قصد حضرتك إنك تقولي إن التشريع الإسلامي صالح لكل زمان و مكان بس الجملة هربت منك و حسيت بلخبطة فيها ، ممكن نظبها شوية و نقول :
منهج الوسطية .. صالح لكل زمان و مكان

يقولون امى ولم يصل لعلمك علام
جميل جدا البيت ده .. بس عشان نوضحه أكتر .. ممكن نقوله بالمنظر ده :
يقولون أمّيّْ !! .. و لم يصل لعلمك الأعلام ..

طه انت فى القلب عليك الصلاه والسلام
كم استميت فى التمنى لاراك فى المنام
واخبرك ان رضاك هو اجمل زمام

آخر بيت : ممكن نقوله :

و أخبرك أن رضاك هو أغلى الأحلام ..

أجمل زمام ضيعت المعنى خالص ..

تسلم الأيادي يا دوك ..

و نورتي المنتدى ..

و منتظرين نسمع منك كل جديد و مميز دائما ..

تقبلي فائق احترامي و تحياتي ..



Dr.M.Hegazy

[محمد فهمي]

أولاً..منورة يادكتورة المنتدي ويشرفنا وجودك معنا....
والأبيات فكرتها جميلة بس ياريت حضرتك تهتمي بالصياغة واللغة شوية ونتفادي الأخطاء اللي د.محمد حجازي اتكلم عنها...
ونتمني مشاركات أخري من حضرتك...

[امانى*]

أولا .. تسلم إيدك على الكلام الجميل ده .. و أنا شخصيا باحترم جدا الناس اللي بتكتب اللون الديني في الشعر ..

ثانيا .. و بما إن الموضوع عجبني و حابب أشوفه في أحسن صورة .. نتكلم عليه شوية كده مع بعض ..




آخر بيت : ممكن نقوله :

و أخبرك أن رضاك هو أغلى الأحلام ..

أجمل زمام ضيعت المعنى خالص ..

تسلم الأيادي يا دوك .



و نورتي المنتدى ..

و منتظرين نسمع منك كل جديد و مميز دائما ..

تقبلي فائق احترامي و تحياتي ..



Dr.M.Hegazy

بجد انا مش عارفه اشكر حضرتك ازاى على اهتمام حضرتك بالموضوع وتصحيح كل ما اخطات فيه او كان عندى تقصير فيه ولفت انتباهى لاشياء كتير غابت عنى لم ينصحنى بها احد ودى اول مره الاقى ملحوظات على ما اكتبه بجد اسعدنى جدا لانى استفدت اوى وان شاء الله المرات القادمه هحاول اقلل منها وانتظر ديما ملاحظاتك عليها وشكراااااااااااااااااااااااااااااا جدا يا دكتور
-----

جميله يا دكتوره أماني
وأهلا بيكي فالمنتدى

شكرا ليكى يا دكتوره وربنا يقدرنى انشر حاجات تعجبك ديما
-----

أولاً..منورة يادكتورة المنتدي ويشرفنا وجودك معنا....
والأبيات فكرتها جميلة بس ياريت حضرتك تهتمي بالصياغة واللغة شوية ونتفادي الأخطاء اللي د.محمد حجازي اتكلم عنها...
ونتمني مشاركات أخري من حضرتك...

حاضر يا دكتور وشكرا لمرور حضرتك وتعليقك المميز

[Dr_Cinderellaaaaa]

ما شاء الله ..قصيدة رائعة جدا يا دكتورة
منورة المنتدى الأدبى ..
على فكرة أنا كمان بكتب شعر اسلامى (دينى)
وممكن نتنافس على لقب ((حاملة اللواء)) ..
منتظرة المزيد من أشعارك
أختك ؛؛ سندريلا _حاملة اللواء_

[امانى*]

ما شاء الله ..قصيدة رائعة جدا يا دكتورة
منورة المنتدى الأدبى ..
على فكرة أنا كمان بكتب شعر اسلامى (دينى)
وممكن نتنافس على لقب ((حاملة اللواء)) ..
منتظرة المزيد من أشعارك
أختك ؛؛ سندريلا _حاملة اللواء_

ربنا يخليكى يا دكتورة وشرف ليا مجرد التنافس مع ناس عظماء مثلكم

[تابعة محمد]

بسم الله الرحمن الرحيم
جزاكى الله كل خير .
جميلة جداااااااااااااااااااااا ، تسلم الايادى .

[امانى*]

بسم الله الرحمن الرحيم
جزاكى الله كل خير .
جميلة جداااااااااااااااااااااا ، تسلم الايادى .

شكرا يا دكتورة ربنا يخليكى