قصاصـــات الطفـولة !

[Mouri Ran]

السـلام عليكم ورحمـة الله وبركــاته


من زمان وأنا مهووسة شعر وأناشيد من أولى ابتدائي وقصائد أحمد شوقي بتاعت الأطفال ^_^

من 4 سنين وشوية كتبت شعر وللأسف كانوا كام قطعة ووقفت

هعرض عليكم على استحياء قطعتين منهم مع كامل اعتباري لإنها قصاصات طفولة من حيث تفكيري وحالي أيامها وكمان ان الوزن والقافية مش تمام. ويا ريت تقولوا لي رأيكم لإني حاسة انه صعب أرجع أكتب تاني.

القصة الأولى دي حاسة ان خيالي وسع فيها أوي وذكرت شخصيات كتير.. معلش بقى


مَاذَا جَنَيتُ فَدَمَرُونِي

-خيالٌ الواقع منه أَمَر-

Jun 14 2007

هــلا عرفتـــــــم خبــــروني

حرقوا البيـوت وحــاصــروني

قـتـلـــــــوا بنـيّ وهـددونــي

مَنْ لي سواهـم في شجوني


ماذا جنيت ...


-1-


منـذ سنين حدثت ضجــة

سُمِع صراخٌ عند الشرفة

ابني كان يجهـز عرســه

بنتي كانت تمســك لعبــة

---


-2-


زوجي كان يلاعب بنتـــه

هــذي ليســت أيــة ابنـــة

كانت عندي أجمل زهـرة

كانت تلعب خلف الشجرة

---


-3-


لحظــاتٌ مـرت كــالبـرقِ

يدخـلُ ابني ينحــب يبكـي

مات أبي ... مـاتـت أختي

كيف سنمضي الآن ءأمي..

---


-4-


خـارج منزلنــا أشـلاء

تعلو ضَحَكَاتُ الأعـداء

تـرتفــع تعمُ الأرجـــاء

نُجِهِش كالعــادة ببكــاء

---


-5-


وجدنا أخيرًا هذي الجثة

ولديهــا ملقــــاة لعبـــة

زوجي كان يداعب رحمة

ماتوا وماتت منا الفرحة

---


-6-


عدنا ورائحة الآلام تفوح

والعسكر يغدو ويروح

وبقلبي تتراءى جروح

لازالت دمعاتي تبـوح

---


-7-


وبأمس قد عادوا الكرة

دقوا بعنفٍ مرة ومـــرة

وأنا أحضــن بنتي درة

وعمير قد جهز ثــــأره

---


-8-


كُسِر البابُ ودخل جنود

قتل عميـرٌ بعض يهــود

والطلقـات عليه تجــود

مــات وعنــا كان يـذود

---


-9-


جاء الدور الآن علينا

أقبل ذئب يتفحصنــــا

فعجوز قد هرمت سنًا

وفتاة ناضرة حدثــــة

---


-10-


طرحوني أرضًا ضربــوني

أخذوهــا وأمــام عيــــوني

تصرخ تستجـدي لطمــوني

غاب الوعي وهدأ شجوني

---


-11-


قمت لأترنح من ألمي

درة درة أيــن ذهــبـتِ

أعمير قد قتل ببيـــتي

ودرة.. درة.. أحقًا متِ !


---------


لـــن أسكــــــن وبـأرضــــي ذئـــــاب

حـــرمــــونــا أغلـــــــى الأحبـــــــاب

أريـــــد رجـــــــالًا كالخبـــــــــــــــاب

وعـُــــــــــدولًا كابـــــن الخطــــــــاب

أعــلـــــــم عن هــــذا سأعـــــــــــاب

فلـــــديهــــم قــــولـي إرهــــــــــــاب

شـــــريعتهــــم كشريعـــــــة غــــــاب

بـــــــــل عـــذرًا عـــذرًا للغــــــــــاب


أوأمة خيـــــر مــــن وطيء التـــراب

أم نحن عبــــــاد المآكــل والشــراب

أوليــــــــس منهجنـــــا الكتـــــــــاب

وخطى النبي وصحبه خير الصحاب

الذل قد عـــم الأراضـي والهضـــاب

يتبـــــــــرأ التــــاريخ منا إن أصـاب

عَدِمَت نســـــــاءٌ أن يلدن لنا شبـاب

كشبـابِ أمجاد البطولات الصعــــاب

لكـــــن وأجزم أن أطـــواق العــذاب

ستزاح حتمًا عن أراضينا الخصـاب

بعزائـــــم الأبنــــاء والهمم الصلاب




<<< وحتى هذا الفجر >>>


سوف أمضي..


إن قُتلتُ فذاك فخري

أيا قدس فداكَ عمري


سوف أمضي..


وعلى ترابكَ سوف أقضي...

وعلى ترابكَ سوف أقضي...



~~~~~



كنت أسيرة في الساحة الأدبية لأحد المنتديات وكنت مشرفة فيه وطلبوا مني قطعتين عن الإشراف وعن الدنيا والأصدقاء

Apr 21 2008


تبعةٌ ثقيلة .×. لستُ لها بأهل

يحوجها إخـلاصٌ .×. وصدقٌ في العمَلْ

رحابةٌ في الصدر .×. وصـفـــحٌ لـلــزلَلْ

تـوضيــح ما قد يُشكــل .×. وبـثٌ للأمـَلْ

بأنفـسٍ قـد تقضــي .×. مـِن كـثرة العلَلْ

شعـــارُ مـن بغـاهـا .×. أنا ضـد الكســَلْ

وداعًـــا للـتــراخي .×. وداعًـــا للمـــلَلْ

بساحتي سنقضي .×. علــى كُــل العــلَلْ

لكـــــلامنـا نُهــذب .×. ونـنـشــر الرتـَـلْ

لمن أسـاء نغـفــر .×. كـذا لـمن جـهـَــلْ

ليصـيـر منتـدانا .×. هـُو مَضْرِب المثـَلْ


~~~

قـُلـــن الحـيـاةُ وحالُـهـا والأصــــــدِقـاء

في هذهِ الدنيا الدنيئةِ بينَ أرباب الشقاء

بــين الحـرابي صـبحهـا غيـرُ المســــاء

مـــاذا أقـول فـقــد تحـيـرني الجـواب ؟!


ءأقـول أحيــا في التخبـط والعنــاء ؟

وبوجه تيارٍ أُقاد إليه دونًا عن رضاء

قــد عـاث بـالأفـهــام طـوفـان العــداء

وتـخبـطـت فـي لجـةٍ جـفـت الصـواب


صار اللبيب مُهَمَشــًا يشكو الجفـاء

ورويبضــات العصـر يحملن اللواء

ومقايِسٌ مقلوبةٌ والحق مرٌ كالدواء

والديـن ملهــى من تشـدَّق بالكـتـاب


حالٌ تُشيـب طفلهـا قبـل الهجـــاء

من هول ما قد ينتظـره من البـلاء

من سـوء خُلـْقٍ من نفـاقٍ للغـثـاء

لم ينفلت من قبحهم حتى السحاب


حــالــي بـمـا سـلــف الجـــواب ...

صحبي وليس هناك ثمة من صحاب

دعواي أن قد ذبت من فرط العـذاب

فـأتــوق عفــو الله وإلـيـه المتـــاب

[E.Raafat]

حضرتك حرام تتوقفي عن كتابة الشعر ,,,احنا لو قارنا أعمالنا بأعمال الشعراء الكبار من دلوقت يبقى محدش فينا هيكتب حرف واحد,,,,استمري في كتابة الشعر ولا تحرمينا من موهبتك الجميلة

[الملاك الضاحك]

ما شاء الله عليكى يا دكتوره
بجد كلام فى غايه الروعه والجمال
لما انتى كاتبه الكلام الجميل ده
فيما تسمينها "مرحله الطفوله"
أومال دلوقتى بس هتكتبى ايه
استمرى فى هذا الابداع
بالتوفيق

[chemist girl]

جميل جدا يادكتوره
استمري

[Mouri Ran]

حضرتك حرام تتوقفي عن كتابة الشعر ,,,احنا لو قارنا أعمالنا بأعمال الشعراء الكبار من دلوقت يبقى محدش فينا هيكتب حرف واحد,,,,استمري في كتابة الشعر ولا تحرمينا من موهبتك الجميلة

صح بس بردو نظرتي لنفسي ممكن تكون غلط.. ممكن أشوف نفسي كويسة وأنا مش كدا أو العكس.
مرور حضرتك شرفني يا دكتور

ما شاء الله عليكى يا دكتوره
بجد كلام فى غايه الروعه والجمال
لما انتى كاتبه الكلام الجميل ده
فيما تسمينها "مرحله الطفوله"
أومال دلوقتى بس هتكتبى ايه
استمرى فى هذا الابداع
بالتوفيق

شكرًاااا يا ملاك أحرجتيني بجد الله يكرمك.. عارفة دا سبب بيخليني أحس اني مش هقدر أرجع تاني زي الأول بعد الانقطاع الطويل دا وحتى لو رجعت أكتب هكون أسوأ. بس ربنا يسهل بقى..
نورتيني

جميل جدا يادكتوره
استمري

انتي الأجمل يا كيمي .. شكرًا يا عسل ^_^

[eeeman]

لا بجد ماشاء الله عليكى انتى موهووووووبة والوزن والقافية مظبوطين اللهم الا حاجات بسيطة لا تذكر بالنسبة للفترة اللى كنتى كاتبة فيها القصاصات دى وتكتبى حاجة بالروعة والاتقان ده بجد برافوووو عليكى ولازم ترجعى تكتبى تانى

[Ahmed Elazab]

قصاصات جميلة جداااااا
والاجمل انها على وزن "رباعيات"
رجاءا امتعينا بالمزيد

[DR.BIBO]

بجد يامورى انتى موهوبه جدا ياريت ترجعى تكتبى وميهمكيش هيطلع المستوى زى زمان ولا لا واعرضى كتاباتك هنا على المنتدى وهتلاقى اللى يشجعك واللى ينقدك لحد مترجعى زى الاول واحسن كمان ان شاء الله

بس نصيحة بجد اوعى تبعدى عن الكتابة عشان متندميش

[M.Hegazy]

أولا كده .. أنا قلتلك قبل كده إني إنتي موهوبة .. و بجد الإتقان و الصياغة و الأسلوب حاجة رائعة ..

و إنتي زي ما قلتيلي الموهبة دي عندك من زمان ..

اكتبي كتير يا د. بسنت و اقرأي أكتر .. و جربي .. مش هتخسري حاجة ..

بالنسبة للقصاصات الجميلة دي بالنسبة للسن الصغنن قوي اللي كتبتي فيه ..

فإنتي معدية لغويا و بيانيا و شعريا ..

قاموسك ثري .. صياغتك رائعة .. أسلوبك مميز و جميل ..

ملاحظة بسيطة بس بالنسبة للقصاصة الأولانية : حسيت بتكرار لبعض الجمل بكلمات مختلف ، و حصل معايا تشتيت و معرفتش أركز معاكي للآخر .. بس كلمات رائعة و وصف جميل بجد ..

القصاصة التانية :

تبعةٌ ثقيلة .×. لستُ لها بأهل

يحوجها إخـلاصٌ .×. وصدقٌ في العمَلْ

رحابةٌ في الصدر .×. وصـفـــحٌ لـلــزلَلْ

تـوضيــح ما قد يُشكــل .×. وبـثٌ للأمـَلْ

بأنفـسٍ قـد تقضــي .×. مـِن كـثرة العلَلْ

شعـــارُ مـن بغـاهـا .×. أنا ضـد الكســَلْ

وداعًـــا للـتــراخي .×. وداعًـــا للمـــلَلْ

بساحتي سنقضي .×. علــى كُــل العــلَلْ

لكـــــلامنـا نُهــذب .×. ونـنـشــر الرتـَـلْ

لمن أسـاء نغـفــر .×. كـذا لـمن جـهـَــلْ

ليصـيـر منتـدانا .×. هـُو مَضْرِب المثـَلْ

الشطر الثاني لو خدتيه لوحده كده .. عاملة وزن مظبوط 100% فيه و حاسه حي و ممتع و سهل في القراءة

الشطر الأول أكيد القصيدة متمشيش من غيره لأنه بيوضح المعنى بس كان تقيل جنب الشطر التاني الجميل ده ..


ما شاء عليكي يا د. بسنت ..

إنتي موهوبة محتاجة بس صقل للموهبة دي ..

و المنتدى هنا فرصة كويسة هتساعدك لو حابة تكملي في الطريق ده ..

و كلنا هنا جنبك إن شاء الله هنساعدك في أي حاجة إنتي عايزاها ..

أنا عن نفسي لما قرأت الكلام ده .. حابب فكرة إني أشوفلك كتابة تانية ..

و إن شاء الله هشوف حاجة قريب ..

و قبل ما أمشي .. 5 نجوم طبعا ..

اعتذر عن الإطالة و تقبلي مروري و خالص تحيتي ..

[Mouri Ran]

لا بجد ماشاء الله عليكى انتى موهووووووبة والوزن والقافية مظبوطين اللهم الا حاجات بسيطة لا تذكر بالنسبة للفترة اللى كنتى كاتبة فيها القصاصات دى وتكتبى حاجة بالروعة والاتقان ده بجد برافوووو عليكى ولازم ترجعى تكتبى تانى

ميرسي يا إيمان .. إن شاء الله أرجع خصوصا بعد دفعة الأمل اللي اخدتها دي وأنا كنت يائسة جدًاااااا

قصاصات جميلة جداااااا
والاجمل انها على وزن "رباعيات"
رجاءا امتعينا بالمزيد

شكرًا يا دكتور.. الحمد لله انها عجبتك .. وإن شاء الله يكون فيه جديد في يوم من الأيام

بجد يامورى انتى موهوبه جدا ياريت ترجعى تكتبى وميهمكيش هيطلع المستوى زى زمان ولا لا واعرضى كتاباتك هنا على المنتدى وهتلاقى اللى يشجعك واللى ينقدك لحد مترجعى زى الاول واحسن كمان ان شاء الله

بس نصيحة بجد اوعى تبعدى عن الكتابة عشان متندميش

أنا فعلا ندمانة .. وأكيد المبدعين اللي هنا مش هيقصروا. المنتدى أصلا اللي شجعني أرجع لبعض الأبيات دي وأعرضها عليكم تاني بعد سنين من كتابتها ومن نسيانها كمان.

-----

أولا كده .. أنا قلتلك قبل كده إني إنتي موهوبة .. و بجد الإتقان و الصياغة و الأسلوب حاجة رائعة ..

و إنتي زي ما قلتيلي الموهبة دي عندك من زمان ..

اكتبي كتير يا د. بسنت و اقرأي أكتر .. و جربي .. مش هتخسري حاجة ..

بالنسبة للقصاصات الجميلة دي بالنسبة للسن الصغنن قوي اللي كتبتي فيه ..

فإنتي معدية لغويا و بيانيا و شعريا ..

قاموسك ثري .. صياغتك رائعة .. أسلوبك مميز و جميل ..

دا من ذوق حضرتك بس يا دكتور .. بيتهيألي لو كنت موهوبة مكنتش وقفت عن الكتابة حتى لو كان فيه سبب كان المفروض أرجع تاني.. في مواقف قريب مقدرتش أمسك ورقة وقلم وأكتب أي حاجة حسيت فعلا مبعرفش قبل ما أبدأ

ملاحظة بسيطة بس بالنسبة للقصاصة الأولانية : حسيت بتكرار لبعض الجمل بكلمات مختلف ، و حصل معايا تشتيت و معرفتش أركز معاكي للآخر .. بس كلمات رائعة و وصف جميل بجد ..

أنا قلت فعلا في الأول ان خيالي وسع فيها ونسجت قصة وشخصيات كتير ومكنتش ملاحظة انها مش واضحة بس يمكن أحسن جزء فيها الجزء الأخير.

القصاصة التانية :

الشطر الثاني لو خدتيه لوحده كده .. عاملة وزن مظبوط 100% فيه و حاسه حي و ممتع و سهل في القراءة

الشطر الأول أكيد القصيدة متمشيش من غيره لأنه بيوضح المعنى بس كان تقيل جنب الشطر التاني الجميل ده ..

آه فعلا.. يمكن عشان أنا مكنتش بدي لنفسي وقت كافي أراجع الأبيات وأول ما أبدأ ببيت بكمل على طول مش بغيره

ما شاء عليكي يا د. بسنت ..

إنتي موهوبة محتاجة بس صقل للموهبة دي ..

و المنتدى هنا فرصة كويسة هتساعدك لو حابة تكملي في الطريق ده ..

و كلنا هنا جنبك إن شاء الله هنساعدك في أي حاجة إنتي عايزاها ..

أنا عن نفسي لما قرأت الكلام ده .. حابب فكرة إني أشوفلك كتابة تانية ..

و إن شاء الله هشوف حاجة قريب ..

و قبل ما أمشي .. 5 نجوم طبعا ..

اعتذر عن الإطالة و تقبلي مروري و خالص تحيتي ..

شكرًا بجد يا دكتور .. مرور حضرتك أسعدني جدًا.. ومفيش إطالة ولا حاجة بالعكس