لحظــــة .. كنت اتمنى لها الخلود .. بقلمي

[M.Hegazy]

بسم الله الرحمن الرحيم

السلام عليكم و رحمة الله و بركاته ..



إعجاب قد كان خفيّ .. أصار الآن أمر مقضيّ ..
ماذا أصابك أيها الشاب الفتيّ ؟؟
أصدقا ما يناديك القلب به : حب نقيّ ؟؟!!

أيا قلبي في وجهها حياء و ضيّ
في سكونها فرحة و سلوك سويّ

فيا ندمي و يا للحسرةْ ..
أبكي على ما ضاع مني من فترةْ ..

أواهٍ على عمر ضاع على كذبةْ ..
أواهٍ على قلب مات ألف مرةْ ..
أواهٍ على دموع و فراق و غيبةْ ..
أواهٍ ِلمَ لمْ تكوني أنتِ الخلُّ و الصحبةْ ..

جئتك متأخرًا .. حالمًا بالأنسِ المنشودْ ..
لقاءٌ كان الأول و أظنه الأخير ..
و لكنه أجمل يوم في الوجودْ ..

عيناكِ .. و ابتسامَتُكْ .. أبكيهم الآن ..
افتقدتك ،، و قلبي من الوحشة مهدودْ ..
كم كنتُ اتمنى أن يُكتبَ لهذه اللحظة .. الخلودْ ..

ختامًا .. أحْبَبْتُكِ .. و سأظلّ
يا من أصبحتِ لِيَ الشمسَ و الظلّ
يا قلبي و عمري و يا كياني .. منكِ لن أملّ
و عسى أن يكونَ لِي فيكِ نصيبْ .. و سأحيا بهذا الأملْ

أحبـ♥ــك أميرتي الغالية


بقلمي


14 - 10 - 2011

Dr.M.Hegazy

[dr emy.hassan]

رائعة جداااا جداااا يا دكتور و كلماتها معبرة واحساسها واضح
متميز كالعادة دائما
منتظرة كل جديد لحضرتك

[M.Hegazy]

شكرا جزييييييييييييييييييييييلا لمرور حضرتك اللي أسعدني و شرفني ..

[Dr_Cinderellaaaaa]

أنا والله العظيم هعيط ..
ايه الكلمات الرائعة دى ..
بجد مش عارفة أوفيك حقك يا دكتور محمد بالكلام ..
القصيدة أو الخاطرة دى أكثر من رائعة ؛ جميلة ؛ صادقة ؛ رومانسية ؛
مليئة بالمشاعر الجميلة ..
كل كلمة وكل سطر فيها جميل ..
قرأتها مرة واتنين وتلاتة .. مش معقووووووووووووووووول ..
مش عارفة أوصف لحضرتك اعجابى بيها ..
سلمت أناملك ..
ربنا يسعدك انت وأميرتك الغالية ويححق كل أحلامك

[Mouri Ran]

رقييييييييقة أوي و so touching

يا رب يرزقك بأميرتك اللي تستحق مشاعرك وتحفظها إن شاء الله

[DR.BIBO]

خاطرة رائعة واحساسها جميل
ربنا يرزق حضرتك واميرتك بالخير ليكو

[Aya Farouk]

بسم الله الرحمن الرحيم

السلام عليكم و رحمة الله و بركاته ..



إعجاب قد كان خفيّ .. أصار الآن أمر مقضيّ ..
ماذا أصابك أيها الشاب الفتيّ ؟؟
أصدقا ما يناديك القلب به : حب نقيّ ؟؟!!

أيا قلبي في وجهها حياء و ضيّ
في سكونها فرحة و سلوك سويّ
الجزء دا بيعبر عن حاله ان الكلام موجه لشخص مُعجب به وبتوصف شخصيته

فيا ندمي و يا للحسرةْ ..
أبكي على ما ضاع مني من فترةْ ..

وبعدين هنا الكلام اتحول للماضى وندم عشته الكلام معتش عن حاضر !

أواهٍ على عمر ضاع على كذبةْ ..
أواهٍ على قلب مات ألف مرةْ ..
أواهٍ على دموع و فراق و غيبةْ ..
أواهٍ ِلمَ لمْ تكوني أنتِ الخلُّ و الصحبةْ ..

وبعدين بتتحسر على قلبك والحب اللى عشته والدموع والفراق ,, الخ
وتختمها باستسلام ان بغض النظر عن كل دا هى الصحبه والخليل !

جئتك متأخرًا .. حالمًا بالأنسِ المنشودْ ..
لقاءٌ كان الأول و أظنه الأخير ..
و لكنه أجمل يوم في الوجودْ ..

واخييييرا جينا لموضوع القصيدة وهو شخص شوفته مره واحده بس مش الشخص اللى عيشك فى كل الحاجات اللى فوق !

عيناكِ .. و ابتسامَتُكْ .. أبكيهم الآن ..
افتقدتك ،، و قلبي من الوحشة مهدودْ ..
كم كنتُ اتمنى أن يُكتبَ لهذه اللحظة .. الخلودْ ..

ختامًا .. أحْبَبْتُكِ .. و سأظلّ
يا من أصبحتِ لِيَ الشمسَ و الظلّ
يا قلبي و عمري و يا كياني .. منكِ لن أملّ

ويرجع الالتفات للشخص الساكن فى القلب اظن اللى كان فى اول جزأين

عسى أن يكونَ لِي فيكِ نصيبْ .. و سأحيا بهذا الأملْ

اممم ثوانى ؟ ورجعنا تتمنى ان يكونا سوياً
بس دلوقتى اتلخبط انهى حد اللى عايش على الامل دا ليه ؟
اللى شوفته مره واحده واتمنيت ليها الخلود
ولا اللى جيتله متأخر
ولا الحب اللى هد كل كيان الشاعر وعذبه ؟

أحبـ♥ــك أميرتي الغالية

؟؟؟؟
بقلمي


14 - 10 - 2011

Dr.M.Hegazy

انا حاسه ان القصيدة لتلات اشخاص مختلفين !
من حيث الكلمات والالفاظ فهى جميله
لكن الترتيب ؟؟؟ والأفكار مشتته
وأمل بتشديد اللام ليست على نفس القافية مع أمل بتسكين اللام فالموسيقى ضاعت فى النهايه وطبعا دا اخر بيت فى القصيده فلازم يسيب اثر عالقارىء فالاحسن انها كانت تتعدل

أفكار القصيدة مشتته ودا واضح جدا للأسف عشان كدا حسيت انها لتلات اشخاص مختلفين !
اسفه عالتطويل بس معلش جيتلى فى وقت فاضيه بقا فقرأتها كتير وقلت رأيى فى كل حته ويارب تتقبله

[Mouri Ran]

ما شاء الله عليكِ د آية ايه دا كله ^^ بس سبحان الله انا بحس ان العواطف لو مكانش متضاربة يبقى الكاتب بيتكلف.

وأمل بتشديد اللام ليست على نفس القافية مع أمل بتسكين اللام فالموسيقى ضاعت فى النهايه وطبعا دا اخر بيت فى القصيده فلازم يسيب اثر عالقارىء فالاحسن انها كانت تتعدل

هو أنا شايفة ان النهايات ساكنة ففي النطق أملّ زي أمل بالظبط ولا انا غلطانة ؟ لو شكلنا.. الوزن هيبقى في الضياع عشان تشكيل الكلمات مختلف أصلًا.

حلو أوي النقد دا مشفتش حد بينتقد هنا قبل كدا كويس انكم عرفتوني .

[Aya Farouk]

ما شاء الله عليكِ د آية ايه دا كله ^^ بس سبحان الله انا بحس ان العواطف لو مكانش متضاربة يبقى الكاتب بيتكلف.

فى فرق بين مشاعر متضاربة .. وتعبيرات وصيف متضاربه


هو أنا شايفة ان النهايات ساكنة ففي النطق أملّ زي أمل بالظبط ولا انا غلطانة ؟ لو شكلنا.. الوزن هيبقى في الضياع عشان تشكيل الكلمات مختلف أصلًا.
ما هو لازم يا مورى التشكيييل لان دى قافية وقصيدة بالفصحى !
حلو أوي النقد دا مشفتش حد بينتقد هنا قبل كدا كويس انكم عرفتوني .

بصى يا ستى انا مش بدخل المنتدى ومتابعه 100%
بس فى ناس بستنى قصايدهم وطبعا لازم ارد وانقد ان وجد نقد
وفى ناس عادى بس لو نزلوا حاجه جديده مفيش مانع اقرأها ونفس النظام
وفى ناس معرفهاش بس لو صادف وقرأتلهم حاجه وشدتنى بعلق عليها وبنقد بردو ان وجد
ولكن لو مشدتنيش لا اتكبد عناء النقد لأن النقد دا لحاجه جميله وفيها حاجات بسيطه محتاجه نقد شويه

بس معظم المنتدى كُتاب متميزين جدا شباب وبنات ربنا يوفقهم بس مش بقدر اتابع دايماً

[Mouri Ran]

فعلا هنا ما شاء الله فيه مبدعين كتير وانتي منهم بردو ^^

بس عادي لو القصيدة فصيحة نسكن نهايتها وزي ما قلت لك لو اصلا شكلنا القافية هتبوظ لإن التشكيل مختلف فيه مفتوح ومكسور ومضموم.

مش بركز على كدا أوي لإن معظم الكتابات بتهتم بالموسيقى أكتر من فكرة الوزن والقافية في اللغة العربية وبحور الشعر والكلام دا.

عموما نقدك لدكتور حجازي أنا حبيت أقول رأيي بس وعلى فكرة أنا شفتك يوم الحفلة ^^