دا انتحاااار.. نعمل ايه ؟

[Mouri Ran]

السلام عليكم ورحمة الله وبركاته

النهاردة كان عندي من 9 لـ 6 وكنت قاعدة هموت من الصداع في المدرج

مجموعة ج بيشتكوا من ان عددهم كبير وما شاء الله كتييييييييير منهم سايبين المعاد بتاعهم وحاضرين معانا المدرج مفيهوش نفس ولا مكان حد يقف فيه..

والأدهى ان فيه من أ كمان حاضرين للمرة التانية في محاضرات

نعمل ايه عشان حد يتابع الطلبة ويمنع اللي مش في مجموعته يدخل ؟ احنا كمان كارنيهاتنا طلعت خلاص.. لإن الدكاترة بيزعقوا بس مش بيعملوا حاجة في الآخر.

فيه دكتورة خرجت النهاردة لحد ما بتوع ج يمشوا ومفيش غير كام بنت بس اللي مشيوا ورجعت دخلت تاني.

الوضع بجد عذاااااااااااااااااااب

[Dr/HULK]

هههههههههههههه

نفس مشاكل كل بداية الجامعة فى اعدادى

ايامنا مكنتش متخيل الواحد هيكمل ازاى دراسة والمدرج زحمة كده

بس سبحان الله كلها اربع أسابيع والناس بدأت تقل وتقل لحد مافى تانية كان بيبقى فيه محاضرات مفيها غير 8 طلبة

أما بخصوص المواعيد والجدول فده عشان انتوا 3 مجموعات

احنا أيامنا كنا مجموعتين وكنا برده بنروح على الساعة 8 أو 9 ساعات وكنا بحضر من 8 الصبح

بس ده بيبقى يوم أو يومين بالكتير

[Mouri Ran]

حضرتك بتدحك .. لأ بجد حرااام أنا مقدرش أستحمل 4 أسابيع دا يوم واحد كفاية. يا إما أروح الكلية وآجي أنام وهكذا وأسقط بقى آخر السنة يا إما نشوف حل فيه كتير مش باين انهم ناويين يطنشوا قريب.

[chocolata]

مش عارفه اقول لك ايه بصراحه اتصل المضوه دا مرتين ودفعتنا كانت فوق الالف
واحنا كنا جروب ب ومعانا كان بيدخل جروب الف

بس نصيحه ليكى لو مفيش حل قدرتوه تعملوه بنكم مجموعه كبيرة توضح الموضوع دا وتشتكى منه
ياكده ياما انتى تعملى الى فىمصلحتك انتى المعاد اللى يناسبك احضرى فيه واعملى عشان تخلصى شغلك بدرى
دا لو مقدرتيش تلاقوا حل للموضوع دا
والله يكون فى عونكم دى بنتبقى حاجه خنقه جداااااااااااا
لسه مجربه اول امبارح
والمشكله انى دى مجموعتى بسي من غير مايبقى فيه حد من أ خالص
بس المدرج صغير علينا وكمنا اسوا من علبه السردين نفسها

[Dr/HULK]

حضرتك بتدحك .. لأ بجد حرااام أنا مقدرش أستحمل 4 أسابيع دا يوم واحد كفاية. يا إما أروح الكلية وآجي أنام وهكذا وأسقط بقى آخر السنة يا إما نشوف حل فيه كتير مش باين انهم ناويين يطنشوا قريب.

بالنسبة للمدرج مشكلته انه صغير احنا كنا مجموعتين لكن انتوا 3 مجاميع يعنى المفروض الكثافة تكون أخف

بس للأسف دى مشكلة فى مبنى الكلية لأنه مبنى معامل وهما عملوه مدرجات ونقلوا الكلية فيه

بس حضرتك لازم تستحملى الوضع ده لحد مايهدى لواحده لأن ده كله حماس بداية السنة بس

كل اللى على حضرتك تعمليه انك تلحقى مكان فى المدرج فى الاول وتبلغوا عن الطلبة اللى بتحضر مرتين او من جروب تانى للدكتور أما المذاكرة فهى مش هتنفع غير فى ايام الريست او الايام الخفيفة اللى بتروحوا فيها بدرى

[white light]

مشكله ازليه فى اول سنه جديده وخصوصا اعدادى الحماسه بتكون وخداهم فى الاول

متقلقيش دى مشكله وقتيه ان شاء الله هتتحل وتخف الزحمه بعد شويه

حاولى احضرى بدرى عشان تلحقى مكان كويس

برده متسكتوش اشتكوا للدكاتره عشان يشوفوا حل مدرج اعدادى صغير وانتو ماشاء الله دفعه كبيره

كان الله فى عونكم

[chemist girl]

شكرا على ردودكم يادكاتره
أنا كان المهم عندي إني أقعد والحمد لله لحقت مكان وسط النمل اللي كان موجود
صحيح المدرج كان ناااااااااااااااااااااااار
وطول اليوم مش فاهمه حاجه
خصوصا د.محمد عامر
شكله مبعرفش عربي
وأنا ثقافتي فرنساوي
بس الحمد لله فهمت آخر محاضره (الهندسه الوراثيه)
يعني فيه تحسن
مش شطاره مني لا سمح الله
لانه بس بيترجم كل كلمه
وكمان د. دمه خفيف

[ameer]

وطول اليوم مش فاهمه حاجه
خصوصا د.محمد عامر
شكله مبعرفش عربي

هو فيه زي دكتور محمد عامر
هي الماده اللي صعبه شويه مش مشكله دكتور
الماده كلها كلمات لاتيني مش هتترجم لعربي
وحتي الكلمات الانجليزي اللي فيها كلمات معقده فالدكتور لو قعد يشرح معني كل كلمه يبقي مش هيكفيه 10 ساعات
بكره هتتعودوا لدرجه ان بعد كده لما تيجوا تزاكروا كلام عربي هتتمنوا لو يترجموه وتزاكروه انجليزي مش عربي

[chemist girl]

هو فيه زي دكتور محمد عامر

بكره هتتعودوا لدرجه ان بعد كده لما تيجوا تزاكروا كلام عربي هتتمنوا لو يترجموه وتزاكروه انجليزي مش عربي

ان شاء الله
وفعلا كلامكم ده مخليني كووووول
وواخده الامور ببساطه

[Mouri Ran]

ربنا معانا بجد

أنا كل يوم أقعد في مكان شكل بس المهم اني ولا مرة أقعد زي البني آدمين وأكون مستريحة وأنا اللي في المنصورة وبنزل الساعة 8 يوم ميكون عندي 9 طب أعمل ايه أكتر من كدا : ( والمشكلة اني قاعدة زي قِلتي مش بفهم أي حاجة ومصدعة، وكل شوية كمااان يستفزني حد من أ أو ج.

دعوااااااااااتكم