أرجوك....إفهمنى

[د///*مطحونة*\\\]

السلام عليكم و رحمة الله وبركاته

أرجوك إفهمنى

دة اسم الموضوع

عاوزين نتكلم فى حاجة يمكن محدش خد باله منها قبل كدة بس لو ركزنا فيها هنلاقيها حاجة غريبة جدا
ليه بيبقى فى سوء فهم بين الكبير والصغير
؟
عمر حد منكم حصله موقف ولقى ان اهله مش فاهمينه بيفكر ازاى او بيتكلم ازاى؟
وحس ان هو فى وادى وهما فى وادى تانى خاااالص
عمرك وصلت لمرحلة انك مش قادر تتواصل معاهم؟
الموضوع دة كتير علقوا عليه وقالوا انه نتيجة اختلاف بين الاجيال وما الى ذلك بس ازاى نحل المشكلة دى من وجهة نظركوا؟
والمشكلة ان الموضوع دة مش مقتصر بس على الاهل لا دة كمان حتى فى الدراسة
كتير جدا ممكن نلاقى لغة الحوار والتفاهم والتواصل معدومة بين الطالب واستاذه بل واحيانا بنتفهم غلط من كلمة!ودة بدوره بيوقعنا قى مشاكل كتير جدا
احيانا ممكن نتكلم بصراحة مع اساتذتنا لكن الصراحة دى ممكن تتفهم على انها وقاحة!ونلاقى الجملة الشهيرة بتتقال

احترم الاكبر منك


مع انك مقولتش اى حاجة غلط انت قولت اللى انت عاوز توضحه وبرضو باسلوب محترم
اعتقد كتير مننا حصله كدة خصوصا فى الجامعة لما دخلنا نظام مختلف تماما عن نظام الدراسة الثانوى
على النقيض بنلاقى كتير اهالى متفهمة وبيتكلموا مع اولادهم بالاسلوب اللى يحبوه عشان يقدروا يتواصلوا معاهم وكتير بنلاقى دكاترة كدة كمان بس للاسف الغالب هو النوع الاول

انا عارفة انه موضوع غريب شوية بس بجدعاوزين نتناقش فيه
حد فيكوا حصله من المواقف دى قبل كدة مع حد اكبر منه؟؟

مع اهلك

مع قرايبك
مع استاذك او دكتور فى الكلية؟؟

مع رئيسك فى الشغل
؟


واتصرفت ازاى؟؟
ازااى نقدر نتواصل مع اللى اكبر مننا ونخليهم يفهمونا وكمان من غير ما نتفهم غلط
؟؟؟؟؟؟؟؟
وهل المفروض اننا بس اللى نحاول نوصلهم الفكرة ونتواصل معاهم طالما احنا الاصغر
ولا هما كمان لازم يحاولوا
؟
...

[dr.monalizaa]

بصراحه انا ساعات كتير افضل افهم في ماما واقولها ( انا قصدي كزا ) 867376585654 مرة

وبردو ما تقتنعش الا باللي في دماغها

بس ده بيرجع لاختلاف الأجيال فعلا .. ماما دايما تقول كان على أيامنا كزا وكزا

طبعا الناس دي بتعيش صدمة حضارية اليومين دول من اللي بيشوفوه

مبارك يتشال والبنات والأولاد لابسين لبس واحد ( استرتش وبادي ) اولعيال الصغيرة تقول عاوزين كاتشب ومايونيز

يعني بردو فيه اختلاف ... فاكره ***** في الجامعه الأمريكية

بس هيا ما وصلتش معايا لدرجه اني احترم الكبير وكده غير بس لما روحت اسأل د. اسماعيل على الكتاب العملي والنظري قالي ازاي تسألي السؤال ده وكلام كتير كده

خرجت قولت للعيال هو انا قلت كلمة غلط لا سمح الله ؟

بس يا ستي دي الفكرة بس لو هما يحاولو شويه ينزلو بمستواهم الفكري ويفهمو الجيل ده ماشي ازاي الدنيا هتتزبط بس لو قولتي لحد كده هيقولك بعد ماشاب ودوه الكتاب

وكله هيفضل كما هو عليه .. وشكرا

[Mouri Ran]

أكيييييد بتحصل كتير .. في الكلية لسا محتكتش بدكاترة. بس في البيت كتير أوي.

مثلا في ثانوية عامة: في أول سنة تانية كانوا بيقولوا لي ذاكري ذاكري ذاكري وأنا أقنعهم انه مش لازم أقعد أذاكر كتير وأبعد عن الكمبيوتر مفيش فايدة لحد ما فقدوا الأمل فيا على نص السنة كدا وبقوا مستغربين جدا مجموعي آخر السنة إزاي جبت المجموع دا وأنا مش بذاكر أصلا -في وجهة نظرهم-! لما جت تالتة كرهت نفسي وكرهت المذاكرة من كتر الإلحاح اني أذاكر وكفاية كمبيوتر وأحافظ على مجموعي ومينفعش كدا وووووووو ..

ودلوقتي في الكلية نفس الكلام بس بحاول أقنعهم اني كبرررررت وقد المسؤولية واني بعرف أعتمد على نفسي وعارفة نظام مذاكرتي وعارفة النت امتى بيعطلني وامتى مش بيعطلني .. إن شاء الله تفكيرهم دا يتغير شوية لإن الكلية مش ناقصة تعب أعصاب .

بس يمكن الأهل دايما شايفين إن أولادهم معندهمش خبرة وانهم عارفين مصلحتنا أكتر مننا بس دا مش حقيقي وعلى الأقل المفروض يجربونا الأول ولو قد المسؤولية يبقى خلاص.

من ناحية الأهل صعب أوي يغيروا تفكيرهم إلا بعد ما أولادهم يكبروا ويخرجوا للحياة العملية ويتطمنوا عليهم وبردو هيفضلوا شايفين ان وجهة نظرهم هي الصح مفيش فايدة تقريبًا.

أي حد تاني غير الأب والأم أنا ممكن أتناقش معاه لكن لو مش مقتنع بكلامي فأنا مش مضطرة أسمع نصيحته أو أمشي على كلامه خلاص عملت اللي عليا وأنا مش صغيرة

[same7]

السلام عليكم و رحمة الله وبركاته
وعليكم السلام ورحمه الله وبركاته

عمر حد منكم حصله موقف ولقى ان اهله مش فاهمينه بيفكر ازاى او بيتكلم ازاى؟

بقعد اتكلم واقنع فيهم واخد ماما على جنب واكلمها شويه ودايما بتوافق
وساعتها اضمن ان بابا وافق
لانها مش هتسيبه غير لو طلبى اتنفذ
لو هتعمل ايه

وحس ان هو فى وادى وهما فى وادى تانى خاااالص
عمرك وصلت لمرحلة انك مش قادر تتواصل معاهم؟
طبعا
الموضوع دة كتير علقوا عليه وقالوا انه نتيجة اختلاف بين الاجيال وما الى ذلك بس ازاى نحل المشكلة دى من وجهة نظركوا؟
اننا نقعد نتكلم معاهم نقنعهم
ومش من اول مره هيقتنعوا
دول محتاجين كتير
وطالما عايزنهم يفهمونا
هنفضل وراهم
وللاسف هنفضل نقنع فيهم فى حاجات كتير جدا

ده انا سمعت ان الشياكه فى الكلام مننا بيعتبروها ضعف

والمشكلة ان الموضوع دة مش مقتصر بس على الاهل لا دة كمان حتى فى الدراسة
كتير جدا ممكن نلاقى لغة الحوار والتفاهم والتواصل معدومة بين الطالب واستاذه بل واحيانا بنتفهم غلط من كلمة!ودة بدوره بيوقعنا قى مشاكل كتير جدا
احيانا ممكن نتكلم بصراحة مع اساتذتنا لكن الصراحة دى ممكن تتفهم على انها وقاحة!ونلاقى الجملة الشهيرة بتتقال
احترم الاكبر منك
مع انك مقولتش اى حاجة غلط انت قولت اللى انت عاوز توضحه وبرضو باسلوب محترم

بصراحه ساعات بنزودها
الاحترام معروف ومحدش يتعداه
لكن لو انت فعلا متعدتش الاححترام هتقدر ترد على اللى قدامك وتقنعه بوجهة نظرك
ومحتاجين صبر لان بجد بالهم طويل جدا وعندهم استعداد يقعدوا يتكلموا معاك للصبح
ولتستعمل بعض الاساليب اللى بألفاظنا نحن الشباب تثبته فيها
ميقدرش يتكلم بعدها يعنى
وتريحه على الاخر وبعدين تاخد اللى انت عاوزه بدون ما يصحى ويحس بيك
عشان ميقلبش عليك ويرجع لاختلاف وجهه النظرتانى


ومتخليهوش يحس انك اصغر منه فى الكلام


على النقيض بنلاقى كتير اهالى متفهمة وبيتكلموا مع اولادهم بالاسلوب اللى يحبوه عشان يقدروا يتواصلوا معاهم وكتير بنلاقى دكاترة كدة كمان بس للاسف الغالب هو النوع الاول

على فكره ثقافه وشكل ونمط حياه الشخص اللى قدامك هوه اللى بيخلينا نشوف الاختلاف ده
لو قارنت بين الناس اللى بتتكلم وبتتحاور دى
هتلاقى نمط حياتها فيه راحه غير الناس التانيه اللى مبتتكلمش
ده انا لاحظته

انا عارفة انه موضوع غريب شوية بس بجدعاوزين نتناقش فيه
حد فيكوا حصله من المواقف دى قبل كدة مع حد اكبر منه؟؟
مع اهلك
مع قرايبك
مع استاذك او دكتور فى الكلية؟؟
مع رئيسك فى الشغل
؟
اكيد

واتصرفت ازاى؟؟
والله لو الحاجه اللى بتكلم فيها عايزها ومش هستغنى عنها
هفضل وراه وهاخدها برده
بستعمل الاسلوب اللى قولته فوق ده

ازااى نقدر نتواصل مع اللى اكبر مننا ونخليهم يفهمونا وكمان من غير ما نتفهم غلط
؟؟؟؟؟؟؟؟
انا بتعامل بالاسلوب اللى قولته ده
وهل المفروض اننا بس اللى نحاول نوصلهم الفكرة ونتواصل معاهم طالما احنا الاصغر
ولا هما كمان لازم يحاولوا
؟
...

هما مش هيحاولوا
لان بأختصار وببساطه معندهومش الوعى ده

موضوع جامد جدا
وكان نفسى ارد عليه من اول ما نزل

[LOVELY BIRD]

ده صوره لصراع الاجيال

ساعة ماتنتهي المناقشه بالجمله الشهيره _انتو عارفين حاجه؟_

بس ساعات بصراحه بارد برخامه واقول احنا جيل الثورة
وبعدين بقينا دكاتره ولسه مش بنفهم؟ امال هنفهم امتى لما سناننا تقع؟