قصه واقعيه

[chemist girl]

دي مش مجرد قصه لكنها قصه واقعيه حصلت في بلدنا .كتبتها للعلم والحذر.اقرأوها وقولولي رايكم فاللي حصل.
حصلت لراجل علي قد حاله وماشي جنب الحيط ذي ما بيقولوا كان بيوصل أخوه المنصوره . وهو راجع وواقف علشان يركب ويروح ،لقى ناس بتقوله احنا أمن دوله.......والفلوس اللي معاك دي مزوره تعالى معانا.الراجل اتخض وقال يابيه أنا مش معايا غير 350جنيه اهم، بص البيه للفلوس وقال لأ مش هي دي أقصد الفلوس اللي فالبيت هي اللي مزوره .ورينا بيتك فين.



الراجل قاللهم دأنا من بلد___ قالولو طب يلا اركب معانا. وركب الرجل الغلبان معاهم ولان مفيش في بيته فلوس أصلا
فراح على بيت أخوه وقال لمرات أخوه هاتي الفلوس اللي فالبيت أصلها مزوره
وطلعت الفلوس واعطتهم للناس دي فبصوا فيها وقالوا للرجل تعالى معانا .وركب الراجل معاهم وهو مش فاهم إيه اللي بيحصل.....

وفوجئ انهم بيوقفو العربيه عند أول البلد وبيقولوله انزل.. فنزل الرجل
ومشي علشان يروح لبيته وساعتها حس انه اتنصب عليه ولقى مرات أخوه مقابلاه وبتسأله إيه اللي حصل لأنها كمان حاسه إن فيه حاجه فالموضوع.
وساعتها سألها انتي اعطتيني كام؟
قالتله 950جنيه


دارت الدنيا بالراجل وهو مش مصدق اللي حصله وبكى كتيير .ولكن كانه يبكي عاللبن المسكوب...

ولا حول ولا قوة إلا بالله
شفتوا الناس بتتفنن فالنصب إزاي.

[محمد سمير]

ورينى الفلوس اللى معاكى

الفلوس دى مزوره

هاتيهم يلا



بنصب عليكى علنى اهه

ربنا يحفظنا من اى سوء

[SHEREIF]

لا حول ولا قوة الا بالله
حسبى الله ونعم الوكيل

[amira89]

لا حول ولا قوة الا بالله العلى العظيم
ربنا يعوضه خير وربنا ينتقم من كل ظالم

[telfast]

لا حول ولا قوة إلا بالله

[A.Denewar]

حاجة غريبة اوي
وهو الراجل ده دماغه في السما خالص كده
فيه حاجة اسمها الفلوس اللي في البيت مزورة وهو عرف منين
طب ما انا اختي كانت ف السوبر ماركت والراجل قالها ال200 جنيه دي مزورة وكانت فعلا مزورة ورجعلها ال200 جنيه بس متعرفشي بقه من النصاب اللي اداها ال200 دي

[الواثقة بالله]

لا حول ولا قوة الا بالله العلى العظيم
حسبى الله ونعم الوكيل
فى ناس كدة بيتفننو حتى فى النصب
ربنا يجازيهم على عملهم ان شاء الله
شكرا ياقمر على الموضوع علشان ناخد بالنا بس يعنى دا لو قالى الفلوش الى فى البيت مزورة
هقولة عرفت منين وافتكرك على طول
واخدة انا بقى على امن الدولة

جزاكى ربى كل خير
وفقكى الله الى مايحبة ويرضاه

[asfourelgana]

النصب بقه كتيييييييييييييييييير اوى اليومين دول

ربنا يحفظنا

ومش هقول ان دي غلطه جذورها عصر مبارك

اللي خلى اى حد يسمع كلمة امن دوله ميفكرش في اللي وراها

حسبي الله ونعم الوكيل