بين امبارح و النهارده ،، اهداء لوحوش اعدادي الجدد

[Ahmed Nada]

بين إمبارح و النهارده

كلمات من خاطري اهديها لشباب صيدلة الجديد وربنا يوفقكم جميعا يا رب

إمبارح ودعت مدرستي
اللي قضيت فيها طفولتي
والنهارده دخلت كليتي
وفيها هعيش احلى سنين دنيتي

إمبارح كنت في فصلي
اللي تعلمت فيه ديني ولغتي
والنهارده هكون في المدرج
وفيه هتعلم مجال شغلي

إمبارح إحترمت استاذي
اللي علمني مبادئ حياتي
والنهارده ححيي دكتوري
ومعاه هأسس مستقبلي

إمبارح قعدت على دكتي
وعليها عشت قصة كفاحي
والنهارده هشتغل على بنشي
واخد البكالريوس بتوفيق ربي

وتدور الدنيا بيا
والنهارده بقيت طالب جامعي ^_^

---------
ربنا يجعلها ايام سعيده مباركة ع الجميع بإذن الله
تحياتي )

[Amira]

حلـــوه جــدا
ربنا ييسـر لهم أمورهم ويعينهم على الكليه

[chemist girl]

يااارب يا دكتوره أميره
وجزاك الله كل خير يا دكتور احمد توبيك رائع
وعجبتني (دكتي)

[Ahmed Nada]

حلـــوه جــدا
ربنا ييسـر لهم أمورهم ويعينهم على الكليه

تسلمي يا دكتورة مرورك احلى
-----

يااارب يا دكتوره أميره
وجزاك الله كل خير يا دكتور احمد توبيك رائع
وعجبتني (دكتي)

جزاك الله مثله يا رب
ههههه مش اسمها دكة بردو ولا ايه

[Amira]

جزاك الله مثله يا رب
ههههه مش اسمها دكة بردو ولا ايه

غالبا فى مدارس الاولاد اسمها دكه
فى مدارس البنات اسمها ديسك
برضو فى تخته
بس والله حلوه دكه

[تابعة محمد]

بسم الله الرحمن الرحيم
ربنا معاكم يا دكاترة ، و تحبوا الكلية ........ وتكون الجامعة كما تخيلتوها .
احنا كلها سنة وهنمشى ، وانتوا ديه اول سنة ليكم ........ هى ديه الحياة ... مش باقية على حال
بس المهم الى يعرف يستفيد منها ، وميعقدش فى اخر بنش ، ويفتكر انه كان بيتشاكل علشان يقعد فى اول دكه او ديسك او تختة براحتكم بقى

[Mouri Ran]

شكرًا دكتور أحمد وشكرًا يا دكاترة ^_^ ربنا يوفقنا إن شاء الله

[Dr/salwa hegazy]

شكرا يا دكتور أحمد
وربنا يعينا جميعا إن شاء الله