لا ابالي

[moslma]

لا ابالي لا وربي
اعلم هناك من يتحدث في غيبتي
كفاكم تجاوز في حقي
لم اعد اتحمل فهذا فوق طاقتي
لما تمتلؤن بالحقد والكرهي
فهكذا انتم...دعوني وشأني
اخطائي هذي بغير قصدي
لما لا تمنحوني فرصي
تظنون ان بأيديكم امري؟!
انتم لاتعلمون ماذا اخفي
ساسامح من نقد عهدي ...وخلف وعدي
اريد بهذا ان يغفر ذنبي
أتدرون ما فائدة العقبات بدربي؟؟
اقر بانها سبب المي...سبب همي
ليتنا نفكر بشكل جدي
فتلك العقبات تصنع مني شخصي
وتقوي لدي الجانب السلبي
تجعلني اميز من هو حقا خلي
ومن صاراليوم عدوي
اني ابني بها درجات الوصول للقممي
لسنا ملائكةلنمحو الخطأ...من حياتنا بشكل ابدي
لكننا بشر....نخطأ....نأخذ....ونعطي
ياليت كل منا يجيد قولي
من انالاحاسب غيري؟...وانسي نفسي
الله ربي......هو من يملك زمام امري
اقسمت بالذي رفع السماء بلا عمدي
وارسي الجبال بلا نصبي
سايركم من انا؟......وستندمون من بعدي
وان تحدثتم الي".....أعرف كبريائي سيمنعني
لا اود اي زمان بي وبيكم يجمعني
لاني اخشي طيبة قلبي تخدعني
ومع ذلك كله.....فلن ابالي....لن ابالي والله ربي

[كليوباترا]

جميلة قوى يا مسلمه مكنتش اعرف انك موهوبه كده
قصيدة تحفه فيها اصرار وعزيمة ومعانى كتييير حلوه
تسلم ايديكى
بالتوفيق والى الامام دائما

[M.Hegazy]

جميل جدا يا دوك المعاني اللي حضرتك عايزة توصليها للناس .. و الطريقة و الأسلوب جميل جدا ..

و عشان حضرتك بتناقشي مواضيع هامة ..

لي وقفة مع هذا العمل الأدبي و نصيحة صادقة ..

أولا .. دي خاطرة مش قصيدة .. لأنها بعيدة كل البعد عن البناء الشعري المعروف ..

بس ده ميمنعش إنه عمل نثري جيد جدا ..

ثانيا .. هلم بنا نبحر في هذا العمل الرائع ..

لا ابالي لا وربي
( لو قلتي " لن " بدل " لا " هتبقى أقوى - من وجهة نظري لأنك كده بتدلي على شيء مستحيل إنه يحصل - ،،، أو ممكن تقولي لا و لن أبالي ، بس طول العبارة تسبب الملل للقاريء فخلينا في " لن " أفضل ) ..

اعلم هناك من يتحدث في غيبتي
( اعلم أن هناك عشان المعنى يتظبط و الكلام ميبقاش داخل على بعضه ,,, أو ممكن نعمل فاصلة بعد اعلم و تبقى : أعلم ، هناك من يتحدث في غيبتي ،،، و عشان كده أنا بأكد دايما على نقطة استخدام التشكيل و أدوات الترقيم في أي عمل أدبي لأنه بيأثر في المعنى أحيانا ) ..

كفاكم تجاوز في حقي
( كفكم تجاوز .. الأصح نحويا : كفاكم تجاوزًا )

لم اعد اتحمل فهذا فوق طاقتي
( لو قلنا احتمل بدل اتحمل .. هيخق تقل الجملة شوية في الحتة دي بالإضافة إنها بتدل على الإرهاق من كتر الضغط فيظهر المعنى أقوى و أبلغ )

لما تمتلؤن بالحقد والكرهي
( لما : الأصح لِمَ .. حتى لا يلتبس القاريء و ينطقها لمّا ،،،، الكرهي : الأصح إملائيا الكرهِ - بالكسرة )

فهكذا انتم...دعوني وشأني
اخطائي هذي بغير قصدي
( قصدي : الأصح قصدِ - بالكسرة )

لما لا تمنحوني فرصي
تظنون ان بأيديكم امري؟!
انتم لاتعلمون ماذا اخفي
ساسامح من نقد عهدي ...وخلف وعدي
( نقد : حضرتك تقصدى " نقض " الوعد .. يعني الإخلال بيه ،، أما نقد فده زي النقد الصحفي أو الأدبي )
اريد بهذا ان يغفر ذنبي
أتدرون ما فائدة العقبات بدربي؟؟
اقر بانها سبب المي...سبب همي
ليتنا نفكر بشكل جدي
فتلك العقبات تصنع مني شخصي
وتقوي لدي الجانب السلبي
تجعلني اميز من هو حقا خلي
ومن صاراليوم عدوي
اني ابني بها درجات الوصول للقممي ( للقممِ - بالكسرة )
لسنا ملائكةلنمحو الخطأ...من حياتنا بشكل ابدي
لكننا بشر....نخطأ....نأخذ....ونعطي
ياليت كل منا يجيد قولي
من انالاحاسب غيري؟...وانسي نفسي
الله ربي......هو من يملك زمام امري
اقسمت بالذي رفع السماء بلا عمدي ( عمدِ - بالكسرة ،، حتى لا يفسد المعنى )
وارسي الجبال بلا نصبي ( نصبِ - بالكسرة ،،، حتى لا يفسد المعنى )
سايركم من انا؟......وستندمون من بعدي
وان تحدثتم الي".....أعرف كبريائي سيمنعني
لا اود اي زمان بي وبيكم يجمعني
لاني اخشي طيبة قلبي تخدعني
ومع ذلك كله.....فلن ابالي....لن ابالي والله ربي

تقبلي مروري و خالص التحية يا دوك ..


Dr.M.Hegazy

[moslma]

ميرسي يا كليوبترا .........نورتيني........د محمد انا مش عارفة اقولك ايه جزاك الله خيرا وكل اللي انت قلته معاك حق فيه ومقتنعة بيه بس كنت عاوزة الفت نظر حضرتك ان تزويد الياء عندي بس عشان النطق لكن انا عارفة انها خطأاملائي ونسيت حوارالتشكيل ده هنا بس وعد باذن الله يتصلح المرة القادمة....وبالنسبة لموضوع قصيدة او خاطرة انا مقلتش هي قصيدة او ابيات شعرية هو زي ما حضرتك قلت هو بالنسبالي عمل نثري عاوزة اخرج بيه حاجات معينة واوصلها..........وميرسي جدا جدا لزوق حضرتك......

[الملاك الضاحك]

جميله الخاطره دى يا د.مسلمه
معانيها رائعه ومشاعرها جميله
استمرى فى هذا التقدم
تحياتى

[نعمة]

خاطرة جميلة بارك الله فيكي إلي الأمام

[moslma]

د الملاك الضاحك...د نعمة .........الاجمل من كتابتي هي مروركم .........اسعدتوني وشرفتوني والله جزاكم الله خيرا

[mostafa_elnagar]

جميله اوى اوى اوى الله على الكلام و المعانى بجد

[moslma]

د........مصطفي شرفتني بمرروك واكيد سعيدة بكومنت حضرتك