غنوة وفكرة

[DR.BIBO]

اذيكو يادكاترة يارب تكونو بخير
فى الموضوع ده هنناقش فيه افكار الاغانى والقصائد اللى بنسمعها او نقراها من غير مانهتم بصوت المغنى او الكلمات او اى حاجة نتناقش فى الفكرة نفسها
يعنى كل اسبوع هنختار اغنيه او قصيدة نتناقش فى فكرتها وكل مرة عضو جديد هو اللى هيعرض لينا الفكرة والغنوة اوالقصيدة اللى هنتناقش فيهم

وهبتدى معاكو

باغنية حبيبى على نياته لجنات
كلمات الاغنيه
حبيبي علي نياته كل البنات اخواته ده مكنش كده
بس انا غيرت كل حياته
دلوقتي عايشها جد
وعيونه مش شايفه حد
لو واحده بتساله بيسبني انا الي ارد
حبيبي علي نياته كل البنات اخواته ده مكنش كده بس انا
غيرت كل حياته
دلوقتي عايشها جد
وعيونه مش شايفه حد
لو واحده بتسالو بيسبني انا الي ارد
حبيبي داب علي ايدي وتاب
داخلني قلبه وقفل الباب
حبيبي داب علي ايدي وتاب
داخلني قلبه وقفل الباب
يا خواتي عليه ياخواتي
دي براته ماليه حياتي

الي بنظره كان يتشد
وبراته كانت ملهاش حد
بيسلم وعنيه في الارض
يا اخواتي عليه يا اخواتي
دي برأته ماليه حياتي
الي بنظره كان يتشد
وبرأته كانت ملهاش حد
بيسلم وعنيه في الارض
حبيبي داب علي ايدي وتاب
دخلني قلبه وقفل الباب
حبيب داب علي ايدي وتاب
دخلني قلبه وقفل الباب
حبيب علي نياته كل البنات اخواته
ده مكنش كده بس انا غيرت كل حياته
دلوقتي عايشها جد وعيونه مش شايفه حد
لو واحده بتسالو بيسيبني انا الي ارد

والفكرة اللى هنناقشها هى التغير هل فى حد ممكن يتغير فى شخصيته وطريقة تفكيره عشان حد تانى ياترى ده حقيقى يعنى ممكن حد حياته تتحول خالص عشان حد تانى ممكن الحد ده يبقى صديق او حبيب او شخص عزيز عليه هل ده فعلا ممكن يحصل ولا صعب.
مستنيه ارائكم فى الموضوع ده ورايكم فى فكرة الموضوع اصلا نكمل ولا ايه رايكو

[M.Hegazy]

الموضوع كفكرة .. هايل جدا ما شاء الله و جديد و هيعمل جو حلو في المنتدى ..

و يستاهل الخمس نجوم عن جدارة ..

لي رجعة للمشاركة إن شاء الله ..

سلمت يداكِ يا دوك بيبو ..

[Hope1]

و الله دي هي اللي علي نياتها و هبلة كمان ده بالنسبة للأغنية

والفكرة اللى هنناقشها هى التغير هل فى حد ممكن يتغير فى شخصيته وطريقة تفكيره عشان حد تانى ياترى ده حقيقى يعنى ممكن حد حياته تتحول خالص عشان حد تانى ممكن الحد ده يبقى صديق او حبيب او شخص عزيز عليه هل ده فعلا ممكن يحصل ولا صعب.مستنيه ارائكم فى الموضوع ده ورايكم فى فكرة الموضوع اصلا نكمل ولا ايه رايكو

بس بالنسبة لكلامك ده صح بس مش هيتغير تغيير كامل ده مش ممكن ممكن صفات معينة اللي تتغير و الطرف التاني هو كمان هغير من نفسه يعني الاتنين بيقربوا من بعض و كل واحد بيحاول يرضي التاني أد ما يقدر

[dr emy.hassan]

فكرة غريبة وجديدة بس حلوة
تسلمى دكتورة بيبو
تعليقى بأة
ان ممكن جداا شخص يتغير علشان يرضى الناس اللى بيحبوه ده لو كان بيحبهم فعلا
بس مش بيبقى شخص تانى التغير بيبقى فى بعض التصرفات اللى ممكن تضايق الشخص اللى قدامه لكن الطباع الشخصية صعب ان الانسان يغيرها

[كليوباترا]

فكرة حلوة وغريبة فى نفس الوقت
تسلمى يا بيبو
متابعة معاكى

[DR.BIBO]

الموضوع كفكرة .. هايل جدا ما شاء الله و جديد و هيعمل جو حلو في المنتدى ..

و يستاهل الخمس نجوم عن جدارة ..

لي رجعة للمشاركة إن شاء الله ..

سلمت يداكِ يا دوك بيبو ..

شكرا لحضرتك يادكتور محمد نورت الموضوع
وفى انتظار اضافة حضرتك للموضوع
-----

و الله دي هي اللي علي نياتها و هبلة كمان ده بالنسبة للأغنية


بس بالنسبة لكلامك ده صح بس مش هيتغير تغيير كامل ده مش ممكن ممكن صفات معينة اللي تتغير و الطرف التاني هو كمان هغير من نفسه يعني الاتنين بيقربوا من بعض و كل واحد بيحاول يرضي التاني أد ما يقدر

نورتى الموضوع ياجميل وكلامك مضبوط

[Mouri Ran]

موضوع جميل : )

بالنسبة لسؤالك .. ممكن طبعًا إذا أحب الحد دا فعلا وأزال حاجز الكبرياء اللي بيمنعنا كتير من تغيير عيوب شخصيتنا بتأثير الناس علينا.. وبيتهيألي دا عائق كبير أوي مش ممكن نتغلب عليه غير بالحب والتواضع الحقيقي من القلب.
كتير بنشوف صديق اتحسن كتير بعد ما صاحب حد كويس، أو زوجين اتغيروا تمامًا بعد زواجهم وأخدوا من محاسن بعض.

[الملاك الضاحك]

موضوع جميل
وفكره جديده
تسلمى يا دكتوره
متابعه معاكوا

[تابعة محمد]

بسم الله الرحمن الرحيم
فكرة لذيذة جدا ...
اممممممم ، تغير بمعنى الكلمة معتقدش ، لكن ممكن نقول تعديل .
بس الراجل فعلا لما بيلاقى البنت الى تخطف قلبه ويعشقها ، اكيد بقى المفروض يعنى يعقل ويكن ويسيب البنات فى حالها ويخلى باله منها ، هى وبس

[chemist girl]

انا شايفه إن الطبع يغلب التطبع
وصعب ان حد يتغير تغيير كلي
علشان حد بيحبه او صاحبه