مجلة إشراقة : العدد زيرو .. قريبــــــــا و حصريا على فارما بورد

[M.Hegazy]

رواد المنتدى الأدبي و محبيه ،،،

تحية طيبة عطرة و بعد ,,,

في بالي منذ مدة .. فكرة .. ليست بجديدة عليكم .. و لكنها هتكون جديدة على القسم الأدبي و اتمنى إنها تساهم في إشهاره أكثر و تجذب الناس للمشاركة فيه و تطويره و الاستفادة منه بتبادل الخبرات و التعلم المفيد و اكتساب المزيد من المعرفة ..

الفكرة هي " مجلة الكترونية أدبية " .. شهرية أو أسبوعية .. على حسب ما هنتفق مع بعض ..

طب محتاجين إيه عشان الموضوع ده يبدأ يتنفذ ؟؟

1. ناس تتطوع لكتابة مواضيع في المجلة دي .
2. ناس بتعرف في تصميم الصور بالفوتوشوب و بتجيد استخدام البرنامج اللي بيصنع ملفات PDF .
3. مشرفين و مدققين لغوين .
4. ناس لها رؤية فنية و إخراجية .

ده مبدأيا كده ..

المطلوب حاليا .. الناس دي نلاقيها و تشترك معانا .. و بعد كده نبدأ نتفق على الفقرات و المواضيع اللي هتنزل في المجلة دي ..

و نبدأ الشغل بقى ..

أي حد عنده استعداد يشارك في الموضوع ده .. يتفضل معايا ..

و اللي مش هيعرف يشارك يا ريت حتى لو يساعدنا بفكرة أو اقتراح ..

منتظر اسمع منكم رأيكم في الفكرة بصورة عامة ..

و اللي عنده تصوره معين أو فكرة أفضل يا ريت يشاركنا بيه ..

و لكم جزيل الشكر على المتابعة ..

لكم مني خالص التحية ..

بالتوفيق ..

[صاحبة القلم الحائر]

السلام عليكم ورحمة الله وبركاته

أول توبيك أقرأه بعد رجوعى
الفكرة جمييييييييييلة جداااااااا
ولو محتاجين منى أى مساعدة
بكتاباتى هكون معاكم ان شاء الله
ربنا يوفقكم
جزاكم ربى خيرا

[محمد فهمي]

هوا ده الشغل يادكتور محمد....
المفروض المجلة كانت تطلع من زمان وإن شاء الله تنجح وتبقي مطبوعة ورقيا كمان...معك قلبا وقالبا...ومستعد المشاركة في أول شيء وهو الكتابة القصصية والخواطروالمقالة..وكمان ثالث نقطة وهي الإشراف والتدقيق اللغوي.........
-----

السلام عليكم ورحمة الله وبركاته

أول توبيك أقرأه بعد رجوعى
الفكرة جمييييييييييلة جداااااااا
ولو محتاجين منى أى مساعدة
بكتاباتى هكون معاكم ان شاء الله
ربنا يوفقكم
جزاكم ربى خيرا

عوداً مباركاً لصاحبة القلم الحائر.......منتظرين مشاركاتك المتميزة

[DR.BIBO]

فكرة هايلة وفعلا هتساعد جدا فى تطوير المنتدى الادبى
وياريت لو يبقى فى مواضيع نقديه تنقد القصائد والقصص والمقالات اللى هتشارك
وياريت لو توصلو لحد من الادباء او الشعراء الكبار يقدم نصايحة للناس اللى هتشارك وللشعراء الجدد وكمان تخلوه يقدم حاجة من فنه وممكن تعملو حلقات برنامج لقاء مع شاعر وتنزلوها سواء مع شاعر جديد او مع الادباء الكبار

[M.Hegazy]

السلام عليكم ورحمة الله وبركاته

و عليكم السلام و رحمة الله و بركاته ..

أول توبيك أقرأه بعد رجوعى

حمد لله على سلامتك و نورتي بيتك يا دوك ..

عود حميد بإذن الله ..
الفكرة جمييييييييييلة جداااااااا
ولو محتاجين منى أى مساعدة
بكتاباتى هكون معاكم ان شاء الله
ده شرف لينا يا دوك إن حضرتك تبقي معانا .. بمشاركاتك و مواضيعك المميزة و إن شاء الله ينزلك في المجلة مواضيع كتير بإذن الله ..
ربنا يوفقكم
جزاكم ربى خيرا

و جزاكم الله خيرا مثله يا دوك .. يا رب الفكرة تتم بس هتفرق كتير و الله .. بس محتاج تشجيع مستمر و دعم منكم و ربنا يوفقنا للي فيه الخير بإذن الله ..

هوا ده الشغل يادكتور محمد....

المفروض المجلة كانت تطلع من زمان وإن شاء الله تنجح وتبقي مطبوعة ورقيا كمان...

يا ريت يا دوك و الله .. دي هتبقى حاجة تفرح و حاجة تشرّف كمان ..

معك قلبا وقالبا...

أكيد يا دوك فهمي .. حضرتك إضافة مهمة لها رونقها الخاص .. إنتا تنور بجد ..

ومستعد المشاركة في أول شيء وهو الكتابة القصصية والخواطروالمقالة..وكمان ثالث نقطة وهي الإشراف والتدقيق اللغوي.........

ده شيء كويس جدا يا دوك فهمي .. كل اللي علينا الفترة دي ننتظر حد بيفهم في التصميم عشان أنا مش قد كده فيه و مبحبش أفتي .. و بعد كده بقى هنتفق على خطوات تنفيذ المشروع لأننا هنحتاج مساعدة أكيد ..

و الله المستعان ..

فكرة هايلة وفعلا هتساعد جدا فى تطوير المنتدى الادبى
وياريت لو يبقى فى مواضيع نقديه تنقد القصائد والقصص والمقالات اللى هتشارك
وياريت لو توصلو لحد من الادباء او الشعراء الكبار يقدم نصايحة للناس اللى هتشارك وللشعراء الجدد وكمان تخلوه يقدم حاجة من فنه وممكن تعملو حلقات برنامج لقاء مع شاعر وتنزلوها سواء مع شاعر جديد او مع الادباء الكبار

طب يا دوك نوصل لأدباء إزاي ؟؟ لو عندك الطريقة أو تعرفي تتصرفي أو حتى تعرفي حد ممكن يوصلنا لأديب أو شاعر يا ريت تبلغينا بيها ..

عشان نعمل حسابنا في أول اجتماعتنا بخصوص إنطلاقة المجلة الأدبية و عددها الأول بمشيئة الله و اتمنى إن حضرتك تكوني معانا في أسرة الإعداد ..

لحضرتك فكر مميز و متجدد و مبدع و هتبقي إضافة هايلة جدا للمشروع ده ..

شكرا جزيلا لحضرتك دوك بيبو ..

[الملاك الضاحك]

حلوه قوى الفكره دى يا دكتور
متابعه معاكم
أعتقد كمان ان لو الفكره دى اتنفذت صح وعلى مستوى عالى هاتساعد جامد على ارتقاء المنتدى ويمكن كمان انتشار أشعاركم على مستوى واسع
ربنا معاكم ويوفقكم ان شاء الله
متابعه معاكم

[M.Hegazy]

متابعة و مشاركة إن شاء الله .. و لا إيه يا دوك ؟؟

[DR.BIBO]

طب يا دوك نوصل لأدباء إزاي ؟؟ لو عندك الطريقة أو تعرفي تتصرفي أو حتى تعرفي حد ممكن يوصلنا لأديب أو شاعر يا ريت تبلغينا بيها ..
فى نادى الادب فى قصر ثقافة المنصورة ساعات بيجيبو ادباء هو تقريبا بيبقى كل يوم (احد) ممكن تسالو هناك يمكن يساعدوكو او حتى يدلوكو تتصرفو ازاى
ولوحضرتك كتبت فى جوجل الموقع الرسمى لهشام الجخ مكتوب فيه للتواصل مع هشام
والجروب بتاعه على الفيس برده ده اللى انا اعرفه
عشان نعمل حسابنا في أول اجتماعتنا بخصوص إنطلاقة المجلة الأدبية و عددها الأول بمشيئة الله و اتمنى إن حضرتك تكوني معانا في أسرة الإعداد ..


لحضرتك فكر مميز و متجدد و مبدع و هتبقي إضافة هايلة جدا للمشروع ده ..

شكرا جزيلا لحضرتك دوك بيبو ..

شكرا جزيلا لذوق حضرتك يادكتور محمد

[الملاك الضاحك]

متابعة و مشاركة إن شاء الله .. و لا إيه يا دوك ؟؟

أعتقد يا دكتور انى مش هأقدر أعمل الحاجات اللى حضرتك طالبها دى معنديش فيها خبره كافي
لذلك أكتفى بأنى اتابع مع حضراتكوا
عشان متبقاش مشاركه فى غير محلها
بس لو فى حاجات بسيطه ممكن اقدر أقدمها
أنا مستعده للمشاركه

[M.Hegazy]

ماشي يا دوك ..

عموما الكلام ده كله هيتم مناقشته و تقسيم المهام علينا عشان نبدأ نشوف هنعمل إيه بنظام و باحتراف كمان ..

ربنا يقدم اللي فيه الخير و يوفقنا في المشروع ده ..

-----

أعتقد يا دكتور انى مش هأقدر أعمل الحاجات اللى حضرتك طالبها دى معنديش فيها خبره كافي
لذلك أكتفى بأنى اتابع مع حضراتكوا
عشان متبقاش مشاركه فى غير محلها
بس لو فى حاجات بسيطه ممكن اقدر أقدمها
أنا مستعده للمشاركه

وجود حضرتك مهم يا دوك .. عشان لو هنعمل لقاء مع حد .. إنتي تبقي موجودة بما إنك اكتسبتي خبرة من خلال تجربتك في برنامج لقاء مع شاعر ..

ده غير إن هيبقى لحضرتك دور مهم في إعداد المجلة كمان بإذن الله ..

يا ريت تبقي معانا ..