معا لنتكامل

[منى امجد]

بسم الله الرحمن الرحيم
السلام عليكم ورحمه الله وبركاته
الحمد لله رب العالمين والصلاه والسلام على رسول الله
معا لنتكامل
انا اقصد ايه اللى مخلى اكتر من عشرين اسره فى الكليه ليه متكنوش اسره واحدهه وتعملوا حاجه قويه فعلا والطلبه كلها طلبه الكليه كلهم يستفيدوا منهم ومش بقول انكم تكونوا اسره واحده ممكن تكون كل اسره مستقله تمشى فى الطريق اللى رسمته ليها بس ليه متعملوش ولو عمل واحد يوصل لكل الطلبه فعلا عمل محتاجينه بجد على فكره فى اسر كتير مش معروفه ولو قعدت عشر سنين كمان مش هتتعرف ليه بقى متتجمعوش لعمل ناجح يفيد بجد والحكايه مش كثره الاسر يعنى
والسلام عليكم

[yasmeena]

بجد فكرة جميلة جداااااا يا دكتورة
بس التنوع ده شئ أساسى وبحس تنوع الاسر ناو زى تنوع الأحزاب السياسية كده فى مصر بعد الثورة
كل حزب ليه رؤية وليه أهداف وده بيخلق نوع من المنافسة الجميلة عشان كل واحد يقدم أفضل ما عنده وكل واحد يختار اللى يتناسب معاه

بس انا مع فكرة ان الكل يتجمع على حاجة واحدة فى بداية السنة الجديدة بجد هتكون لمحة جميلة جدا بذات فى الوقت ده



وتقبلى خالص احترامى بموضوعك وطرحك الجميل

[AbU ElKhAiR-Let`s Go]

فكره رائعه
وشخصيا بحاول أعملها فى التلات أسر اللى من أولى
ونفسى يكونوا أسره واحده بجد أو على الأقل نساعد بعض بالتعاون مع الأسر الاكبر إننا نكبر
أما حكاية نشاط تشترك فيه كل الأسره

على فكره هما (27) مش عشرين فدى صعبه جدا إن الأسر تعملها بيتهيألى دور الاتحاد إنه ينسق بين الأسر
وبجد فكره وإتمنى إنها تتنفذ
جزاى ربى كل خير

[عامر إبراهيم]

موضوع مهم
تسجيل متابعة

[M.32L]

فكره جميله ياريت تتنفذ

[AbU ElKhAiR-Let`s Go]

موضوع مهم
تسجيل متابعة

طيب إيه رأيك
وإزاى ده ممكن يتعمل طيب
وهل ممكن يتنفذ فعلا
ولا ده فعلا صعب
وهل فى حاجه ممكن تتعمل باشتراك كل الأسر فعلا

وبعدين هما بقية الناس فين ؟

[عامر إبراهيم]

إنت عارف يا محمود مافيش حد بيدخل المنتدى هنا كتير
لولا إن اللينك مبعوتلى ماكنتش هعرف حاجة عن الموضوع
شخصيآ حاولت فى الموضوع ده ووصلنا لبعض الأفكار والإمتحانات دخلت وماخلصناش الكلام مع باقى الأسر
لكن أنا متشجع للفكرة, بس العقبة الوحيدة اللى أدامنا أسامى الأسر اللى فى ناس تعبت خلال سنين فاتت فيها وصعب تفرط فى الأسم بغض النظر عن أن هيكون فى مقرر واحد للأسرة!

[Messi]

اسباب عدم تكوين اسره واحده :


1.لكل اسره فكرها الخاص ...ورسالتها المميزه عن غيرها
فمثلا اسره رساله ,,, تؤدي رساله الخير
اسره صيدله اون لاين و توجزر ,,,, تؤدي رساله الورق و الملخصات و ما شابه
اسره ليتس جو ,,,,, رسالتها هي الارتقاء بالمجتمع

وهكذا ...

وبالتالي من الصعب ان تجمع بين كل هذه الرسالات و الاهداف في اسره واحده ...




2.حب السلطه ....كغريزه اساسيه ف اغلبنا

المعظم عاوز يكون حر دون قيود
عاوز يكون هو المقرر للاسره
عاوز يدي الاوامر مش ياخدها

وبالتالي صعب تعمل اسره واحده بمقرر واحد ...



3. الاندماج بين الاسر محتاج تضحيات كبيره

اسره زي رساله او صيدلي المستقبل او في الكليه
عملوا تاريخ كبيييييييير في صيدله
مش سهل ابدا انه يتهدم من اجل اسره جديده ...



4. الاسر الغير مختلطه

زي اسر البنات الي مش بتحب الاختلاط
مستحيل يندمجوا ف اسر مع الشباب ..


5.الاسر المقامه علي اساس الجماعات الاسلاميه

مستحيل اسره الحياه التابعه للاخوان
او اسره سفينه النجاه التابعه للسلفيين

انهم يندمجوا مع الاسر التانيه .......وكل واحد حر



6. التنافس الشريف بين الاسر الطلابيه هو اساس شغل الاسر

بمعني اني لو عملت اسره واحده ..... مش هيبقي فيه تنافس بين الاسر ....يبقي ده هيقلل من انتاج الاسره مش هيزودها ...





ياريت اكون افدت .....

[منى امجد]

بسم الله الرحمن الرحيم
السلام عليكم ورحمه الله وبركاته
يا جماعه انا قلت فى كلامى انى مش اقصد ان نكون اسره واحده وقلت برضه ان كل اسره تمشى فى الطريق اللى رسمته ليها
يبقى انا كده بلغى فكره اسره واحده اللى اتفهم من كلامى
انا اقصد اكيد فى كل اسره حبت تعمل حاجه مفيده ولقت انها مستحيل تتعمل محتاجه فلوس اكتر من اللى معاهم محتاجه تتقدم كويس او اى عقبه
بس هم حاسين انها فكره كويسه وهتفيد
طيب ليه كل واحد ميقدمش اقتراحه على المنتدى اللى هو شايف انه اقتراح كويس وفعلا محتاج الاسر كلها تتجمع فيه
انا هقول مثال
مثلا كورس انجليزى
احنا شايفين ان كل واحد عايز يقف فى الصيدليه ولو دبلوم بيقف بحجه انه بيعرف يقرا الروشته وعارف اماكن الادويه والصيدليه شغاله
يبقى التغير مننا احنا نثقف نفسينا اكتر ومعظم الكتب انجليزى مش هنعرف نقرا يبقى اكيد كورس الانجليزى كلنا محتاجينه
او محتاجينه برده فى التقديم لشركات الادويه اكيد كورس زى ده ممكن يفرق مع ناس كتير

مش بقول ان دى الفكره اللى تتقدم برضه عشان محدش يرد يقول متنفعش فكره الكورس دى
انا بقول مثلا انا اقصد ايه عشان نتقدم ونحس ان احنا احسن فعلا ولو كل واحد عنده فكره قدمها وبعدها الاسر اختارت ايه العمل اللى فعلا هيفيد ومحتاج وقفتهم مع بعض يعملوا لكن باقى السنه يعملوا اللى متعودين يعملوه عادى زى اى سنه
يارب اكون وصلت الفكره صح
اتمنى عمل يفرق معانا يحسسسنا ان احنا بنقدم حاجه قويه لبلدنا ولدينا ولنفسنا وللمريض اللى داخل الصيدليه لازم يحس ان واقف قدام واحد حامل هم شفاؤه ولا ايه
والسلام عليكم ورحمه الله وبركاته

[منى امجد]

بسم الله الرحمن الرحيم
السلام عليكم ورحمه الله وبركاته
الحمد لله رب العالمين والصلاه والسلام على رب العالمين
انا عندى فكره هى مكنتش عندى قبل ما اكتب الموضوع بس لما كتبته قلت لنفسى ما تفكرى انتى يا ام العريف على فكره تنفع لاقتراحك قبل ما افكر

دعيت ربنا انه يوصلنى لفكره كويسه

وبعدين وصلت لفكره
مش عارفه تنفع نطبقها ولا لا
مش عارفه هتلاقى اقبال ولا لا
بس انا دايما بحب اعرض الفكره والاقى النتيجه بغض النظر اتحققت ولا لا
لانى كده كده مش هخسر حاجه بل بالعكس ممكن اتعلم
المهم
الفكره كالاتى
انا من احباب نظريه ابحث عن المعلومه ولا حد يدهالى بالساهل
ليه
لانى لما اتعب فى انى ادور على المعلومه احسن من انى اخدها على الجاهز هنساها بسرعه
ومن هنا
نتعلم بجد ونغلط بجد بس غلط ممفيد
انا شفت فى الكليه ندوات عن الامراض بس اللى بيخرج لو سالته يقلك اه فهمت بس شويه وينسى
اه طيب ما تيجوا نخليها فهم وتعلم
هتدى المعلومه بس مش هينساها لانه عايزها
انا ممله صح
اخلص واقول الفكره
همممممممممممممممممم
اخلص احسن
هى عباره عن مسابقه
عادى با ما عملنا مسابقات ولا حد عبرنا
لا بس دى جايزتها مش اى جايزه
علشان تكون مسابقه مفيده وشغلكم طول السنه مفيد ويكون فعلا معا لنتكامل
موضوع المسابقه هيكون شغلكم وتكملوا بعض فيه
اهم حاجه قبل ما اتكلم فى موضوع المسابقه
الجايزه
اتمنى ان الدكاتره يساعدونا فى الموضوع ده
الجايزه من درجه لعشر درجات على حسب مستوى البحث
طبعا الشاطر هيجرى لعمل البحث
والضعيف علشان ينجح يبقى كده كسبت نسبه كبيره تشارك ولو الدكاتره ساعدونا يبقى ممكن فعلا نوصل ان الكليه كلها تشارك
طيب علشان الدكتور يوافق لازم المسابقه تكون قويه دول عشر درجات
وكمان جايزه ماديه
طيب موضوع المسابقه
امراض الجهاز الهضمى كلها
وعلاجها
وازاى تتعامل مع المريض
اعتقد لو كل واحد فينا عمل بحث بنفسه فى كل امراض كل جهاز بالجسم هنعرف نتعامل كويس مع المريض
طيب انا كنت اقصد ايه ان كلنا لازم نطبق معا لنتكامل
المسابقه هيتعلن عننها اول السنه لكن التقديم للابحاث فى شهر ثلاته مثلا
كل اسره هتشوف هتعرف تقدم ايه فى شغلها يساعد الطلبه فى بحثهم
مثلا معرض كتب يفيد فى البحث ندوه كيفيه التعامل مع المريض كورس عن امراض الجهاز الهضمى كورس عن الادويه الخاصه بكل مرض للجهاز الهضمى يكون شغلكم يعنى مركز على موضوع البحث
ليه
علشان اللى يبقى قاعد مركز وعايز بجد يستوعب كل كلمه
وبعدين هتجمعوا كل طلبه اولى مع بعض اللى اشتركوا وهكذا مع باقى الفرق
وتطلعوا الاوائل من كل فرقه وبعدين الاول على كل الفرق
وبعدين توزعوا تانى الابحاث لانها كانت نتيجه تعب مش هزار واكيد هيحتاجوها بعدين
اتمنى الفكره تكون كويسه وان منعتش تتطبق تكون عون لافكار تانيه تنفع
اتمنى التوفيق لكل الاسر وشكرا
السلام عليكم