عوده الى كرسى الاعتراف مع M.Hegazy

[محمد سمير]

السلام عليكم ورحمة الله وبركاته

عوده الى كرسى الاعتراف مع

M.Hegazy


ويلا


ندخل بقه على الجد


وقد تقرر منعه من الاكل والشرب على مدار الاسبوع ويجب عليه الاجابه على كل الاسئله دون هروب من اى سؤال

ونبدا بسم الله الرحمن الرحيم

الاسم سداسى :
السن:
الحاله الاجتماعيه(متزوج او اعذب):
عدد الاخوه والاخوات:
وظيفة الوالد والوالده :
بتحب كليه الصيدله ولا دخلتها بالتنسيق:
لو مدخلتش كليه الصيدلة كنت تحب تدخل كليه ايه:
مين كاتم اسرارك:
ايه هى احلامك:
اكتر المواضيع اللى بتعجبك على المنتدى واكتر اعضاء بتعجبك مواضيعهم


كفايه كده مؤقتا عشان نسيب المجال للى عاوز يسأل

[same7]

الف مبروك يا حبى

[AbU ElKhAiR-Let`s Go]

منور يا كبير
بكره بعون الله
هتلاقى شوية أسئله زى الفل بس عشان أكون فايق ومصحصح كده

[M.Hegazy]

السلام عليكم ورحمة الله وبركاته
و عليكم السلام و رحمة الله و بركاته ..
عوده الى كرسى الاعتراف مع

M.Hegazy


ويلا


ندخل بقه على الجد
استر يا رب ..

وقد تقرر منعه من الاكل والشرب على مدار الاسبوع ويجب عليه الاجابه على كل الاسئله دون هروب من اى سؤال

ليه يا جدعان .. ؟؟ هوا كرسي تعذيب و لا إيه بالظبط ؟؟!!
ونبدا بسم الله الرحمن الرحيم

الاسم سداسى : محمد محمود حجازي محمد علي سعفان
السن:23
الحاله الاجتماعيه(متزوج او اعذب): أعزب ( الحمد لله )
عدد الاخوه والاخوات: 3 ( 2 صبيان : إسلام و عبد الرحمن " زعبلة و آخر العنقود " ) و أخت بنت وحيدة ( سكرة العيلة ) .
وظيفة الوالد والوالده : الوالد مدرس أول فيزياء - دولة الإمارات العربية المتحدة
بتحب كليه الصيدله ولا دخلتها بالتنسيق: صيدلة حلمي بس مش لوحدها ضمن أحلام تانية كتير
لو مدخلتش كليه الصيدلة كنت تحب تدخل كليه ايه: علوم قسم كيمياء نووية
مين كاتم اسرارك: والدي - انتيمي و زميل الكفاح ( محمد فايز ) و أنا طبعا
ايه هى احلامك: باختصار شديد .. من و أنا صغير و أنا حاسس إن ربنا خلقني لرسالة كبيرة قوي ملخصها خدمة الإسلام و المسلمين إن شاء الله و كبّر الإحساس ده فيا والدي - حفظه الله - و عمل مني شخصية تستحق الاحترام ( بس الشخصية الحميلة دي كانت زمان ) ..
اكتر المواضيع اللى بتعجبك على المنتدى واكتر اعضاء بتعجبك مواضيعهم
بحب مواضيع الأقسام : الإسلامي ، و الأدبي ، و الترفيهي ، و العام في بعض الأحيان ..
الأعضاء اللي بتعجبني مواضيعهم على سبيل المثال لا الحصر :
في المنتدى الإسلامي : Amira ، أحمد شبند ، D!NA ، lamia و a_fouda2 و محمد_علي_سلام و دوك رامي ... و غيرهم الكثيرين
في المنتدى الأدبي : ahmedofegypt ، E.Raafat ، صاحبة القلم الحائر ، Dr_Cindreallaaaaa ، Comeback ، aya Farouk و غيرهم الكثيرين ..
بس الكلام ده على سبيل المثال لا الحصر زي ما ذكرت .. لأن المنتدى بحاله ما شاء الله مليء بالناس القديرة اللي ليها مجهودها و لمستها الخاصة و نكهتها المختلفة في كل موضوع حتى ليهم شخصيا .. و كلهم باحترمهم و بقدرهم جدا .. لو كان هناك متسع من الوقت و المكان .. كنت ذكرت عضو عضو و موضوع موضوع .. سامحوني على الاختصار ..

كفايه كده مؤقتا عشان نسيب المجال للى عاوز يسأل

خدو راحتكم خالص .. بس رفقا بي يا رفاق ..

الف مبروك يا حبى

الله يبارك فيك يا صاحبي .. ليك يوم يا ....... حبي ..

منور يا كبير
بكره بعون الله
هتلاقى شوية أسئله زى الفل بس عشان أكون فايق ومصحصح كده

أهلا بصديقي المحترم العزيز .. منتظر أسئلتك يا حمادة .. شكرا لاهتمامك ..

[د///*مطحونة*\\\]

ازاى د-محمد ود-حجازى فى نفس الوقت
كدة هتحصل قفلة يا جماعة
بس اكيد هتبقى استضافة مميزة جدا على كرسى الاعتراف

بالتوفيق يا دكتور وربنا يعين حضرتك عاللى هتشوفه

[M.Hegazy]

منورة يا دوك مطحونة ..

[Dreamer Flower]

د/محمد حجازى على كرسى الاعتراف

دى حاجة حلوة خالص خالص
انا كنت بشوف الناس اللى قبل كده شوية وشوية انما حضرتك من الشخصيات الحلوة جدا اللى احب اتابعها كاملة ان شاء الله وقد سبقتك فى هذا د/أميرة

اتمنى لك اسئلة سهلة ان شاء الله

[Aya Farouk]

حسره عليها يا حسره عليها جت رجليها موش عارفه ايه كدا
المهم انها الاغنيه بتاعة ريا وسكينه

منور الكرسى يا دوكتر

....
الأسئله دى جاوب عليها :

1/ حاجه نفسك تغيرها فى حياتك وفى نفسك يعنى
2/هل فى سر فى حياتك مقولتوش لحد ابدا ولا حتى أقرب الأقربين ؟
3/انا اعرفك من فتره وجيزة بس بقيت صديق عزيز عليا جداا ايه اكتر حاجه بتضايقك فيا غير مناكفتى طبعا ههه
4/بما انك شاعر وكدهون يعنى هه لو حد طلب منك تكتب مدح فى شخص انت مبتحبوش تقبل ؟ وايه اكتر قصيدة ليك قريبه من قلبك
5/ ايه اكتر حاجه بتسعدك ؟ وبتخليك تبتسم ؟؟ وايه ممكن يخليك كئيب جدا وحزين ؟؟
6/ لما تخلص صيدلة ان شاء الله ايه طموحك وهتعمل ايه فى حياتك ؟؟

يلا جاوووووووووووب

[نور الحياة]

براحة ياجماعة ع مالكو لسة الدكتور مأخدش نفسه

[AbU ElKhAiR-Let`s Go]

السلام عليكم ورحمة الله
عدنا بفضل الله ومنه وكرمه
وهبدأ معاك بأسأله سهل شويه لأنى هرجع تانى إن شاء الله
أيون
ندخل على طول
*1* محمد حجازى يجلس ليتذكر بعض المواقف التى لا ينساه فى الفتره ما بين الرابعة من عمره وحتى السادسه
فما هى المواقف التى سيتذكرها ؟
*2*محمد حجازى الطفل كيف يراه محمد حجازى الشاب ابن الثالثة والعشرين من عمره ؟
*3*من هم رفاق الطفوله وهل أصبح أحدهم صديق العمر ؟
*4*أى الألعاب كنت تحبها وأنت طفل ؟
*5*ماهى أحلام الطفوله ؟
*6*أى المواد كنت تفضل وأنت فى المرحله الابتدائيه ؟
*7*هل هناك من مدرسين المرحله الابتدائيه من أثر فى شخصيتك ؟ اذكر بعض المواقف التى لن تنساها معه ؟
*8*هل كنت تحب المدرسه ؟ إن كنت تحبها فلماذا وإن كنت تكرهها فلماذا أيضا ؟
*9*هل أخذت دروس خصوصيه فى المرحله الابتدائيه ؟
*10*باستعراض شريط حياتك فى الفتره من الصف الأول الابتدائى وحتى الصف الخامس الابتدائى اذكر لنا أغرب موقف تجده وأسعد موقف وما هو الموقف الذى تريد أن تحذفه من هذا الشريط ؟

دول كفايه عليك مؤقتا

بس هرجعلك تانى

وإن شاء الله نشوف نزود شويه المره الجايه

لك منى أطيب الأمنيات