.. يا ريت الكل يجاوب على الأسئلة دي ..

[M.Hegazy]

بسم الله الرحمن الرحيم


السلام عليكم و رحمة الله وبركاته ..

تحية طيبة و بعد ,,,


يا ريت كل اللي يشوف الموضوع ده يجاوب على الأسئلة دي .. من باب إننا نعرف نفسنا و نعرف بعض أكتر ..




1_ تعمدت الكذب في حياتك.؟


2_ تحب المظاهر ؟


3_ تحب الصداقات ؟


4_ كونت علاقه حب ؟؟


5_ تعرضت للخيانه ممن تحب ؟؟


6_ خنت من تحب ؟


7_ حبك هذا !!! نهايته أليمة أو سعيدة ؟


8_ هدفك من دخول المنتدى ؟


9_ حصلت على هذا الهدف ؟


10_ ماهو هدفك في الحياة ؟


11 _ ماهو اليوم الذي عدى عليك وتتمناه ان يعود؟


12- ماهي أكثر لحظة أصبت بالضعف فيها؟


13- ماهو أكثر عمل تندم عليه ؟


14- ماهي عادتك السيئة ؟


اتمنى الموضوع يعجبكم ..

تقبلو تحياتي ..

[sponge Bop]

جميله الاسئله دى يا دكتور ياريت بجد كلنا نجاوب عليها وانا عن نفسى جاوبتها بس بينى وبين نفسى فقط وشكرا

[dr emy.hassan]

بسم الله الرحمن الرحيم

السلام عليكم و رحمة الله وبركاته ..

تحية طيبة و بعد ,,,

يا ريت كل اللي يشوف الموضوع ده يجاوب على الأسئلة دي .. من باب إننا نعرف نفسنا و نعرف بعض أكتر ..

1_ تعمدت الكذب في حياتك.؟
لا متعمدتش
ممكن اكون كذبت كدب ابيض لعدم جرح مشاعر الاخرين
وده نادراا وللضرورة

2_ تحب المظاهر ؟
مش فاهمه مفهوم المظاهر تقصد حضرتك اللبس ولا ايه??
عامة بحب اكون انيقة
بس المظاهر المبالغ فيها مش بحبها

3_ تحب الصداقات ؟
جداااا والحمد لله لى صديقات كتيييير

4_ كونت علاقه حب ؟؟
لا

5_ تعرضت للخيانه ممن تحب ؟

6_ خنت من تحب ؟

السؤالين دول مترتبين على السؤال اللى فوق فالاجابه هتكون لا

7_ حبك هذا !!! نهايته أليمة أو سعيدة ؟
مجربتش علشان اجاوب

8_ هدفك من دخول المنتدى ؟
فى البدايه كان لمعرفة اخبار الكلية
حاليا بحب اوى اشوف الجديد فى المنتدى الادبى والموضوعات الجديدة سواء فى منتدى الصحة او العام
بتفيدنى كتير

9_ حصلت على هذا الهدف ؟
الحمد لله

10_ ماهو هدفك في الحياة ؟
انى احقق احلامى واحلام بابا وماما واكون عند حسن ظنهم دايما
وان ربنا يكرمنى فى المستقبل بحياة سعيدة

11 _ ماهو اليوم الذي عدى عليك وتتمناه ان يعود؟
مش لاقيه خالص

12- ماهي أكثر لحظة أصبت بالضعف فيها؟
لحظة وداعى لماما وبابا وهما راحين العمرة جالى شبه انهيار عصبى

13- ماهو أكثر عمل تندم عليه ؟
مفيش
حتى لو فى حاجة ممكن تكون حصلت وزعلتنى فانا مش ندمانه عليها لانها فادتنى
والانسان بتعلم من اخطاؤه

14- ماهي عادتك السيئة ؟
متسرعة شويه فى اتخاذ قرارتى ولما بكون متنرفزة بتصرف بتهور ومش بستنى لما اهدى وافكر
بس الحمد لله دلوقتى عدت حاسه انى رزينه و بفكر بهدوء

اتمنى الموضوع يعجبكم ..
تقبلو تحياتي ..

حلو الموضوع يا دكتور خلانى افضفض شويه

[*Jessy*]

حلو الموضوع يا دكتور خلانى افضفض شويه

بس كده تعالي كرسي الاعتراف وانتي هاتفضفضي يعني هاتفضفضي


موضوع جميل فعلا يا دكتور .............. وبصراحه انا بالنسبالي كفايه كرسي الاعتراف


شكرا يا دكتور

[dr emy.hassan]

بس كده تعالي كرسي الاعتراف وانتي هاتفضفضي يعني هاتفضفضي
لا ارجوكى انا بره الكرسى ده

موضوع جميل فعلا يا دكتور .............. وبصراحه انا بالنسبالي كفايه كرسي الاعتراف

على فكرة انا بجهزلك شويه اسئلة حاليا استعدى

[M.Hegazy]

نورتو الموضوع يا جماعة و يا ريت الكل يشاركنا .. لو جاوب الأسئلة أربع أعضاء تانيين أنا هجاوب عليهم و على أي أسئلة إنتو عايزين تسألوها ..

[*Jessy*]

على فكرة انا بجهزلك شويه اسئلة حاليا استعدى

كده برضه يا دكتوره
-----

نورتو الموضوع يا جماعة و يا ريت الكل يشاركنا .. لو جاوب الأسئلة أربع أعضاء تانيين أنا هجاوب عليهم و على أي أسئلة إنتو عايزين تسألوها ..

يعني كده فاضل كام واحد صح

[M.Hegazy]

فاضل 4 يا دوك ..

[AbU ElKhAiR-Let`s Go]

بسم الله الرحمن الرحيم


السلام عليكم و رحمة الله وبركاته ..

وعليكم السلام وحمة الله وبركاته

تحية طيبة و بعد ,,,


يا ريت كل اللي يشوف الموضوع ده يجاوب على الأسئلة دي .. من باب إننا نعرف نفسنا و نعرف بعض أكتر ..

هجاوب بس بشرط إن أول لما تلاته بعدى يجاوبى تجزلك مكان على كرسى الاعتراف بعد دكتور محمد سمير
عشان ما يهربش مننا

1_ تعمدت الكذب في حياتك.؟

فى بعض الحالات اللى فيها لازم تقول حاجه مش حقيقيه وإلفا ممكن اللى قدامك يعمل مصيبه أكبر
لكن كذب لأنى خايف من حاجه ما حصلتش خالص

2_ تحب المظاهر ؟

ما بتفرقش كتير

3_ تحب الصداقات ؟

جدا

4_ كونت علاقه حب ؟؟

بحب كل الناس
وهوا دا مفهومى عن الحب

5_ تعرضت للخيانه ممن تحب ؟؟

من مين بالظبط ؟

6_ خنت من تحب ؟

مين برده ؟
بس على فكره أنا عمرى ما فكرت اضحك على حد

7_ حبك هذا !!! نهايته أليمة أو سعيدة ؟

الحياه هي الحب
فالحب نهايته الموت عندى

8_ هدفك من دخول المنتدى ؟

فى البدايه لأنه منتدى الكليه
حاليا لأن فى ناس عليه بحبهم جدا جدا وبحب اتواصل معاهم
وعلى فكره لو أصبح المنتدى منتدى رسمى هيكون أجمل
أما لو اتعمل منتدى رسمى تانى فأكيد ممكن أتواصل مع كل الأعضاء من خلال المنتدى الرسمى وبالتالى معدش هيكون فى داعى إنى أدخل هنا

9_ حصلت على هذا الهدف ؟

يعنى

10_ ماهو هدفك في الحياة ؟

إرضاء ربنا ودخول الجنه

11 _ ماهو اليوم الذي عدى عليك وتتمناه ان يعود؟

ما فيش لأن أكيد الجاى أحلى

12- ماهي أكثر لحظة أصبت بالضعف فيها؟

هما مرتين بصراحه
الأولى ودى الأقسى والأصعب واللى يستحيل أنساها أبدا
يوم 11/12/2006 يوم وفاة ابنة عمى إيمان السيد محمود على أبو الخير واللى لغاية الوقتى فاكر اليوم ده لحظه بلحظه
ربنا يرحمها يارب
والمره التانيه من 15 يوم تقريبا يوم 13/8/2011 لكن دا أقل شويه لأنى عايش على الأمل حاليا وياريت تدعولى بأه ربنا يسهل والحاجه اللى زعلتنى دى تنتهى قريب وأعمل اللى أنا عاوزه

13- ماهو أكثر عمل تندم عليه ؟

ما فيش

14- ماهي عادتك السيئة ؟

قولتها أكتر من على المنتدى

اتمنى الموضوع يعجبكم ..

تقبلو تحياتي ..

فاضل 4 يا دوك ..

كده بقوا تلاته يادوك وإن شاء الله أو ما يردوا أنا بأه اللى هعملك كرسى اعتراف

[drpinkysnow]

بسم الله الرحمن الرحيم


السلام عليكم و رحمة الله وبركاته ..

تحية طيبة و بعد ,,,


يا ريت كل اللي يشوف الموضوع ده يجاوب على الأسئلة دي .. من باب إننا نعرف نفسنا و نعرف بعض أكتر ..




1_ تعمدت الكذب في حياتك.؟

هو مش تعمد لكن فى حاجات بس مش كبيرة ممكن اغير ف حاجات منها
2_ تحب المظاهر ؟

ساعات وساعات

3_ تحب الصداقات ؟
جداااااااااااااااااا وليا اصحاب كتير اوى

4_ كونت علاقه حب ؟؟
بصراحة خالص ولا مرة

5_ تعرضت للخيانه ممن تحب ؟؟
مفيش اصلااااااااااااااااااا

6_ خنت من تحب ؟
مفيش

7_ حبك هذا !!! نهايته أليمة أو سعيدة ؟
اتمنى لو كان فى تبقى سعيدة

8_ هدفك من دخول المنتدى ؟
ممكن علشان اعرف معلومات او علشان اثبت شخصيتى وكمان اهو بضيع وقت

9_ حصلت على هذا الهدف ؟
مش دايما احيانا

10_ ماهو هدفك في الحياة ؟
السعادة اهم من اى امنية او هدف ف حياتى

11 _ ماهو اليوم الذي عدى عليك وتتمناه ان يعود؟
امبارح

12- ماهي أكثر لحظة أصبت بالضعف فيها؟

لحظة وفاة والدى وبصراحة لعند دلوقتى
13- ماهو أكثر عمل تندم عليه ؟
انى ارفض طلب حد طلبه منى حتى لو مقدرش اعمله

14- ماهي عادتك السيئة ؟
بقاطع الناس ف الكلام

اتمنى الموضوع يعجبكم ..

تقبلو تحياتي ..

موضوع جميل ومسلى جدااااااااااااااااااااااااااا
تقبل مرورى